Ŋwàʼlə̀ Mak 10:30 - The New Testament in the Babanki language

³⁰ a ghə̀ ne fàŋ ke kiʼi məbəŋ, nə̀ vəlèmə̀ və wen, nə̀ vəlèmə̀ və wen ki, nə̀ və mpfi, nə̀ vunə, nə̀ təsɨm tə wen a ghàyn ghɨ no tè be a mbi layn, alì və bè tsuʼ aghʉ wen. Kətsi lə vì a ghə̀ a kiʼi bwòŋ a ghə̀ ko lə mè.

Ŋwàʼlə̀ Mak 10:30 Iomraidhean Croise

Matìyò 12:32

No ndò a ghə̀ gàʼà kənyʉ̀ kə byɨkə byìʼì Wàyn Wìʼ, mu Nyìngòŋ zì ghə̀ maʼa mbyɨ wen ayì alì mu wìʼ sətsèn gàʼ kənyʉ̀ kə byɨkə byìʼì kəzhwì kəŋwoʼəkə, kò Nyìngòŋ lù bè màʼà mbyɨ wen no tè a kəlyɨŋ kèn kò a kəlyɨŋ a kə lu vì.”

Matìyò 13:8

Ashɨ à tsenghə fəŋkə a nse jùŋ ə̀ kwi fosə no a nkàyn ə̀ bi, zaŋsə tsenəvə nkiʼi asaŋ tsu wum, tsenəvə kiʼ asaŋ ntʉfə, tsenəvə kiʼ asaŋ à taʼ”.

Matìyò 6:33

Ghə̀ŋ cho ambì ə mwòmsə to ə ndiʼ nti a nkayn to nə̀ viʼi vyì a və ntsi ati əsoʼ ə Nyìngòŋ, ə ndi ghə̀ ne ku kwùʼsə̀ fo a venə no ə tsèm a ghə̀ŋ.

Ŋwàʼlə̀ Luk 18:30

ke Nyìngòŋ kwʉʼsə ghoʼo wen a nsè a shə̀, ə ghə̀ bè kiʼ bwòŋ a ghə̀ lə faŋ tò ghayn mùʼ.”

Joyn 10:23

Yesò ə sə jèʼtə̀ chò fa kətò ə Sòlomùyn, a kəbəŋ kə ngə̀ŋ Nyìngòŋ,

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Shwèʼ 16:25

A nè sə̀ ndiʼ a ntìntìn nəntʉʼʉ, Bol wenə̀ Silàs sə jɨ̀mə̀, zhɨmə̀ ndzàŋsə à Nyìngòŋ, viʼi mfɨŋ vətsenvə sə zhʉtə̀ nyʉ̀ vyi a vəwenə nzhɨmə gàʼà.

Shwèʼ 5:41

Viʼi ntɨm ə̀ Yesò a vyi lù fa kəshi ayì nə̀ saŋlə ghoʼghə byìʼàndo Nyìngòŋ tsuʼ li vəwenə la vəwenə yen ngəʼ byìʼì zhiʼi wen.

Lumans 5:3

Vəghəŋ ə nsaŋlə̀ to saŋlə a ntìntìn ngəʼ yi a vəghəŋ ə yenə byìʼì ando vəghəŋ ə kɨ la ngəʼ ə vi nə̀ ghaʼa tyɨmə.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

Filìbàyns 3:8

A ko diʼ to Wokèn. Mà yenə luwèn la ənyʉ̀ avenə tə nsù diʼ kənlè byìʼàndo kənyʉ̀ kə tokə à mò dìʼ la mà diʼi kɨ Yesò Klistò ə Bobo ə̀ ghom. Mà maʼà li no tè ghò a mà tə nè. Ma yen li luwen la a diʼ kəmɨ̀ŋ ndi ə ndiʼ wù Klistò

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

1 Timotì 6:6

Kə dìʼ nəmwèʼè la kənyʉ̀ kə Nyìngòŋ zi kə ne la wìʼ ə ndìʼ wù ə ghoʼo, kiʼi ənyʉ̀ ə jùŋ və a wen tyɨm, ko ghə̀ kiʼ ashɨ ə kəmbàŋbàŋ.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

Jems 5:11

Gaʼa kò vəghəŋ yenə la Nyìngòŋ bwaʼsə̀ viʼi vyi a və wensə lì. Ghə̀ŋ ə zhʉ li byìʼì ghaʼa tyɨm Job nə̀ kənyʉ̀ kì a Bobo ə̀ ne a wen. Bobo kìʼ tyɨm ə̀ bwaʼmə ghə̀ bè kusə̀ nshinsə à viʼi.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.

Kəmwetə 2:9

Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.

Kəmwetə 3:18

Mà mù sə tyɨftə ghə̀ŋ la ghə̀ŋ zen ə nkàyntə̀ gul fà mò ndi ə ndiʼ viʼi ə ko ə̀ bè zèn vədàlə və fəfəvə mòʼ chiʼtə təwen ə təŋtə tsu ndi ə lyòmtə̀ kətʉ kə diʼikə kì a ghə̀ŋ kiʼi byìʼì ənàʼ ntsuʼ ə vəŋə. Ghə̀ŋ be zèn kəfʉ ə̀ wè à ghə̀ŋ əshɨ ndi ə be ə nyenə əshi