Ŋwàʼlə̀ Mak 10:24 - The New Testament in the Babanki language

²⁴ Təchʉ̀ tə ndzɨ̀mtə̀sə bàm wen tə zɨmtə. Yesò bè mù gàʼ la, “Kə lutə̀ sù to a vunə vwomə əkwen a kəshi kə fòyn Nyìngòŋ!

Ŋwàʼlə̀ Mak 10:24 Iomraidhean Croise

Matìyò 19:25

Ndzɨ̀mtə̀sə bàm wen sə nè zhʉ̀ kənyʉ̀ a kènkə sə̀ diʼ nə̀ kaynə, mù bèm a wen la, “Kə lè yi ndiʼ a lì à lə̀ bwòŋ ndò?”

Ŋwàʼlə̀ Mak 1:27

Viʼi sə diʼ nə̀ kanə mù sə bèmə̀ à vəwenə a ntìntìn la, “Kènkə dìʼ ghò? Nki ziʼi fighə mu? Wìʼ ghèn ə kàyntə̀ nyʉ̀ nə̀ àdyoʼ no tè bè zhwì byɨvə zhʉ wen.”

Ŋwàʼlə̀ Mak 10:23

Yesò ki kaʼsə nə̀ viʼi a wen a mbyɨ̀ ə̀ gàʼ à ndzɨ̀mtə̀sə bàm wen la, “Kə lu nto no nànto ə viʼi və ghoʼkəvə kwen a kəshi kə fòyn Nyìngòŋ!”

Ŋwàʼlə̀ Luk 16:14

Viʼi Falàsi vətsen və zhʉ alì mù sə chəʼə Yesò byiʼ ando vəwenə nkòŋə̀ ko.

Joyn 13:33

Mà ko be diʼ ə ndiʼ vəghəŋ a kəghaf a vù vwomə. Ghə̀ŋ kəŋ mò nənlù, mu ma dyʉ̀ li akəshi, mu ghə̀ŋ zizi ko ghə̀ŋ lu vi tsu. Ma shə̀ʼtə̀ a ghə̀ŋ luwen, to ndə̀ŋndəŋ ando mà sə diʼ mù ma shə̀ʼtə̀ li a viʼi Jus.

Joyn 21:5

Ghə̀ dzàŋ bèm a vəwenə la, “Ghə̀ŋ ko ghaʼa kəfo a və vəlemə?” Vəwenə bwensə la, “Yes ə ko ku.”

Joyn 6:60

Ndzɨ̀mtə̀sə bàm ə Yesò ə zhʉ ziʼi na ghenə ə sə gàʼ la, “Əziʼi a ghenə to no nànto. A zizi à byɨmə no ndò byɨmə kənyʉ̀ a kèn a?”

Gàlesìyà 4:19

Vunə vwomə və juŋəvə, ma zhʉ̀ lɨ̀m kumə ghə̀ŋ to no ando luwàyn nə̀ azhʉ̀ lɨm ə wàyn. Ma ne nzhʉ lɨ̀m to alə ə zaʼa ando ghə̀ŋ ne ntsi ntsìnə̀ to nə̀ Klistò.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

1 Joyn 2:1

Mà nyòʼò nyʉ̀ venə à ghə̀ŋ a vunə vwomə ndi kə ghə̀ŋ a nè ənyʉ̀ byɨvə, alì à nè tè ndò nè mbyɨ, ghə̀ŋ ə nkɨ la vəghəŋ kìʼ wù kənyʉ̀ kətɨməkə à diʼ Yesò Klistò. Ghə̀ sensə Tìʼ à vəghəŋ ə kəshi.

1 Joyn 4:4

Ghə̀ŋ dìʼ viʼi Nyìngòŋ a vunə vwomə, mu ghə̀ŋ ə to li ə ncho viʼi avenə byìʼàndo kəzhwì a kə diʼì à ghə̀ŋ ə tətyɨm ə to chò kì a kə diʼì a mbi.

1 Joyn 5:21

Kə ghə̀ŋ a nkiʼ kənyʉ̀ kə tsenkə nè wenə vənyìngòŋ a vunə vwomə.

Kəmwetə 3:17

Ghə̀ŋ ə gàʼà la ghə̀ŋ kiʼi ə ko be diʼ mu ghə̀ŋ ə ghoʼ li ə̀ nkwʉʼ kèn la ghə̀ŋ ə bè gho kəfo. Ghə̀ŋ alì kò ghə̀ŋ lu kɨ la nəmwèʼè dìʼ la ghə̀ŋ dìʼ nji əfo, diʼ tò a nshinsə a nshinsə, femə, diʼ ənfyɨf, be diʼ tò ənàʼ à ntsuʼ.