Ŋwàʼlə̀ Mak 10:21 - The New Testament in the Babanki language

²¹ Yesò ki wen alə̀ nə̀ kòŋə mù gàʼ à wen la, “kənyʉ̀ kə mùʼ kə diʼ a wù ko təmə̀ nè. Dyʉ̀ baʼlə fo vyə no tsèm ə̀ ku ko yi à viʼi kəmfem, ndi lu kiʼi ghoʼo a kàŋ. Wù nè a lì, wu vì ə̀ dzɨ̀mtə̀ mò.”

Ŋwàʼlə̀ Mak 10:21 Iomraidhean Croise

Matìyò 16:24

Yesò gàʼ a lì mù gàʼ à ndzɨ̀mtə̀sə bàm wen la, “No ndò a ghə̀ kòŋ ə ndzɨ̀mtə̀ mò diʼi tyen wenə wen, bwèʼè kəntò kə wen ə dzɨ̀mtə̀ mò.

Matìyò 19:21

Yesò bwènsə̀ à wen la, “A zhʉ a wù kəŋə kwʉ̀ʼʉ̀ mè, wu dyʉ̀ bàʼlə fo vyə no tsèm ə̀ ku ko yi à viʼi kənfem ndi lu kiʼi ghoʼ a kàŋ. Wù ne nè a lì wù vì dzɨ̀mtə̀ mò.”

Ŋwàʼlə̀ Mak 10:22

Ghə̀ nè zhʉ gàʼa Yesò aghenə, kəʼə wen byɨf no tsèm, ghə̀ lù kò ghə̀ mbè saŋlə̀ byìʼàndo ghə̀ nkiʼi ghoʼ no a nkàyn.

Ŋwàʼlə̀ Mak 8:34

Yesò dzàŋtə̀ nòyn viʼi vi bènə̀ ndzɨ̀mtə̀sə bàm wen ə̀ gàʼ à vəwenə la,“No ndò a ghə̀ kòŋə ədzɨ̀mtə mo, mu ghə̀ diʼi maʼa ngə̀ŋ kətʉ wen ə byèʼè kəntò kə wen ə dzɨ̀mtə mo,

Ŋwàʼlə̀ Luk 10:42

A diʼ tò kənyʉ̀ kə mùʼ a və kəŋ. Mèli tsuʼli kənyʉ̀ kə jùŋ kə a kì a və ko zì və be shi fà wen.”

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Ŋwàʼlə̀ Luk 16:9

“Mà mù sə gàʼ à ghə̀ŋ la, ghə̀ŋ ne nè njùŋ nə̀ ko ghenə a ghə̀ ko lu faŋ ndi ghə̀ lù mè, ghə̀ŋ sə pfwo a loʼ faŋghə̀, və shisə ghə̀ŋ nə̀ avu à bò.

Ŋwàʼlə̀ Luk 18:22

Yesò zhʉ alì ə gàʼ à wen la, “Wù bù kiʼi kənyʉ̀ kə mùʼ ənè, dyʉ̀ ə baʼlə fo vyə tsèm ə ku ko yi a viʼi kəmfem ndi lu kiʼi ghoʼo wu a kàŋ. Wù nè ne alì, wu vi ə dzɨ̀mtə̀ mò.”

Ŋwàʼlə̀ Luk 19:41

Ghə̀ ne sə boʼsə dyʉ̀ ntə̀ʼ Jelusalèm ə kyi dyʉ̀sə̀ nə̀ ntə̀ʼ ayì, nshinsə ku wen, ghə̀ dì,

Ŋwàʼlə̀ Luk 9:23

Yesò gàʼ alì mù gàʼ à nòyn viʼi vyi a və nvì lì la, “No məndò a ghə̀ kəŋ dzɨ̀mtə̀ mo, ghə̀ diʼi tyen ngə̀ŋ kətʉ wen ə byèʼè kəntò kə wen no məntsi ntsèm ə dzɨ̀mtə̀ mo.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Shwèʼ 2:45

Vəwenə bàʼlə fo vi a vəwenə nkiʼi ə̀ gə̀tə̀ ko yi à viʼi vəbyɨməvə vi a və nko kiʼ.

2 Kolìntyàns 12:15

Ma saŋlə ə byɨbsə no tèbe ghò ə be ə ku wen ghomə ə gyamtə ghə̀ŋ. Byìʼì ghò a ma kòŋ ghə̀ŋ no nànto alə, ghə̀ŋ kòŋ mò to ntèʼ a?

2 Timotì 3:12

Mà gàʼà nəmwèʼè la, no ndo a ghə̀ sətsèn ə kòŋ ə ntsi ntsìnə̀ Nyìngòŋ, dzɨ̀mtə̀ Yesò Klistò, mu viʼi ne nku ngəʼ à wen.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Jems 2:10

Na kènkə dìʼì la no ndò sətsèn ə nghʉ təsoʼ tə tsèm alì ə̀ kwàʼ ghə̀ mùʼ mu ghə̀ kwaʼa li no tətsèm.

Kəmwetə 2:14

Alì, ənyʉ̀ ə diʼ ə̀ shyə̀ʼ alə̀ a mà ghàmə̀ ghə̀ŋ tsu: Ghə̀ŋ vətsenvə dzɨ̀mtə̀ əziʼi Balàm a ghə̀ ə̀ ndìʼsə̀ Balak, ghə̀ sə nè la viʼi Islel ə nzhɨ ə̀fo a və moʼò à vənyìngòŋ be tsi nə̀ ki ko wenə̀ lʉmə a ko kiʼ vəwenə.

Kəmwetə 2:20

Alì mà ghàmə̀ ghə̀ŋ to kənyʉ̀ kènkə kə mùʼ: la ghə̀ŋ ə ghʉsə li wùwì ghèn ə Jezebel a ghə̀ gàʼà la yì dìʼ ə nshə̀ʼtə̀ ghoʼo, ghə̀ sə lobtə̀ viʼi shyèʼ mò la vəwenə ntsi nə̀ ki ko nə̀ lʉmə à ko kiʼ vəwenə. Ghə̀ be nè la vəwenə nzhɨ ə̀fo zhɨvə a və moʼò vənyìngòŋ tsu.

Kəmwetə 2:4

alì mà ghàmə̀ ghə̀ŋ a kənyʉ̀ kènkə kə mùʼ lə, la ghə̀ŋ ko bè kòŋə̀ mò ando ghə̀ŋ tə nkòŋə̀ fa mbì.