Ŋwàʼlə̀ Mak 10:2 - The New Testament in the Babanki language

² Və Falàsi vətsenvə vì əzhʉtə chʉ wen mù bèm à wen la, “Soʼo lè byɨmə la wìʼ dzɨ̀mə̀ wì wen a?”

Ŋwàʼlə̀ Mak 10:2 Iomraidhean Croise

Matìyò 15:12

Ndzɨ̀mtə̀sə bàm wen sə nè gàʼ a wen la, “Wù yì gàʼ a lì viʼi Falàsi sə fwisə tin.”

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Matìyò 19:3

Və Falàsi vətsenvə vì ə zhʉtə chʉ wen mù bèm à wen la, “No kənyʉ̀ kətsenkə bè dìʼ à vəghəŋ a soʼ a kə gàʼà la wìʼ zì ghə̀ dzɨ̀m wì wen tsu ando ghə̀ kòŋə̀?”

Matìyò 22:35

Wìʼ muʼ fà vəwenə a ntìntìn, andìʼ ndìʼsə̀ soʼ mwòmsə̀ Yesò bèm à wen la,

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 9:34

Alì viʼi Falàsi ə sə gaʼa dyʉ̀ tò la, “A ku fòyn əzhwì ə byɨvə əku adyòʼ la ghə̀ ə dzɨ̀mə̀ shisə əzhwì ə byɨvə avenə.”

Ŋwàʼlə̀ Mak 10:1

Yesò lù fa Kabanùm ayì ə təmə̀ dyʉ̀ a shyə Judiyà a ndzèn mù mə Jodàn. Nòyn viʼi bè vì tò vi à wen, ghə̀ sə ziʼi vəwenə ando ghə̀ nziʼi.

Ŋwàʼlə̀ Mak 10:3

Ghə̀ bwènsə̀ bèm à vəwenə la, “Mosìs nku soʼ à ghə̀ŋ la ghò?”

Ŋwàʼlə̀ Mak 8:11

Və Falàsi vətsenvə vì à Yesò ə̀ zìtə̀ sə soʼtə̀ nyʉ̀ wenə̀ vəwenə, kuʼsə̀ jì əghaʼa wen tsu, mù gàʼ à wen la ghə̀ ne kənyʉ̀ kə kaynəkə kətsenkə a nə̀ kəchwitə ədìʼ la kədyòʼ kə wen kə lù fà Nyìngòŋ.

Ŋwàʼlə̀ Mak 8:15

Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”

Ŋwàʼlə̀ Luk 11:39

Bobo mù gàʼ à wen la, “Ghə̀ŋ viʼi Falàsi, ghə̀ŋ lyɨ kaŋ vəŋə nə̀ ndoŋ seŋsə, ghə̀ŋ tuʼ shʉ̀ tò dzemə shisə, ali tətyɨm təŋtə diʼ mu tə lwinli tò nə̀ nkùf nə̀ nyʉ̀ byɨvə tsen və.

Ŋwàʼlə̀ Luk 16:14

Viʼi Falàsi vətsen və zhʉ alì mù sə chəʼə Yesò byiʼ ando vəwenə nkòŋə̀ ko.

Ŋwàʼlə̀ Luk 5:30

Viʼi Falàsi vətsevə nə̀ ndìʼsə̀sə təsoʼ mù sə dèmkə̀ bèmə a ndzɨ̀mtə̀sə bàm Yesò la, “Byiʼi ghò a ghə̀ŋ zhɨ bè nyʉ ghə̀ŋ viʼi a və tinə kənsè bènə̀ viʼi nè nyʉ̀ byɨvə a?”

Ŋwàʼlə̀ Luk 6:7

Ndìʼsə̀sə təsoʼ wenə viʼi Falàsi ghʉ ashɨ à wenə a wèn əyen la ghə̀ a chʉʼ wìʼ a kətsi kəzhʉtə kə ndi vəwenə kɨ kənyʉ̀ ə ghàm wen tsu lo.

Ŋwàʼlə̀ Luk 7:30

Alì, viʼi Falàsi bènə̀ ndìʼsə̀ sə təsoʼ ntyen əkɨ kwòʼtə̀ yi a Nyìngòŋ nkiʼi kùmə̀ vəwenə tò ndə̀ŋndəŋ ando vəwenə nlù tyen əshi mu fa Joyn.

Joyn 11:47

Vəwenə ghaʼ ntsèntə̀ wenə tʉtʉ vəpfèm və ngə̀ŋ Nyìngòŋ sə ghoʼkəsə nə̀ viʼi və soʼ nsoʼsə ə bèm la, “vəghəŋ a nè ale? Yen nyʉ̀ ə kaynəvə vyi a wìʼ ə ghèn mwomə a.

Joyn 11:57

A ndiʼ ali, mu tʉtʉ vəpfèm və ngə̀ŋ Nyìngòŋ sə ghoʼsə wenə viʼi Falàsi nchosə li əsoʼ la, no ndò a ghə kɨ kəshi kì a Yesò diʼ tsu, ghə̀ shə̀ʼtə ndiʼ və ghaʼa wen.

Joyn 7:32

Viʼi Falàsi ə zhʉ li to ando viʼi ə nyoʼtə gàʼa nyʉ̀ a venə kumə Yesò. Ali vəwenə nə̀ tʉtʉ vəpfèm və ngə̀ŋ Nyìngòŋ mù tɨm vesugyèʼè la və dyʉ̀ ghaʼa wen.

Joyn 7:48

Ghə̀ŋ tɨmə zhʉ la no wìʼ fa tʉtʉ və Jus kò wù ə Falàsi ə tsèn byɨmə li a wen?

Joyn 8:6

Vəwenə ə mbèmə ali, mwòmsə la Yesò gaʼa ə shwè, vəwenə kiʼi kənyʉ̀ ə ghamə wen fa tsu. Alì, Yesò ə laŋtə a nse ə sə nyòʼtə fo ə wen a kəbyìʼ nə̀ nyì kəvu.

1 Kolìntyàns 10:9

Vəghəŋ ə ko diʼ ə mwomsə Bobo ando vəwenə vətsenvə ə mwomsə, kənyʉ̀ na kì kə ne, zhusə lɨmlə ə zhwilə vəwenə.