Ŋwàʼlə̀ Mak 10:14 - The New Testament in the Babanki language

¹⁴ Yesò nè yèn kənyʉ̀ akì a vəwenə nè lì ə̀ fwisə tin ə̀ gàʼ à vəwenə la, “Ghə̀ŋ ghʉsə vunə vəwenə vi à mò. Kə ghə̀ŋ be tàm vəwenə byìʼe fòyn ə Nyìngòŋ kiʼ viʼi a nə̀ vəwenə.

Ŋwàʼlə̀ Mak 10:14 Iomraidhean Croise

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Matìyò 18:4

Wìʼ a ghə̀ chò wutsen a soʼ Fòyn Nyìngòŋ dìʼ wìʼ a ghə̀ shiʼsə wenə wen to nə̀ wàyn ghèn.

Matìyò 19:14

Yesò mù gàʼ à ndzɨ̀mtə̀sə bàm wen la, “Ghə̀ŋ ghʉsə vunə vi və vi à mò, kə ghə̀ŋ be à tàm vəwenə byìʼàndo soʼo Fòyn Nyìngòŋ diʼ à viʼi vyi a və diʼi to nə̀ vəwenə.”

Matìyò 5:10

Mbwaʼmə dìʼ a viʼi vyi a və tsuʼu aghʉ vəwenə byiʼàndo vəwenə nè ando Nyìngòŋ kəŋə byiʼàndo soʼo fòyn Nyìngòŋ lu diʼ à vəwenə.

Matìyò 5:3

“Mbwaʼmə diʼ à viʼi vyi a və zhəʼtə̀ tò a wenə Nyìngòŋ byiʼàndo soʼo fòyn Nyìngòŋ lu ndiʼ à vəwenə.

Ŋwàʼlə̀ Mak 3:5

Yesò ki kaʼsə nə̀ vəwenə alə̀ mu tin wen fwi li alì be kusə̀ nshinsə byìʼì chiʼi kətʉ vəwenə. Ghə̀ mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no a zhʉ kò kwoŋ ayì to.

Ŋwàʼlə̀ Mak 8:33

Yesò fuʼtə ə̀ ki ndzɨ̀mtə̀sə bàm wen ə̀ kənkə Bità gàʼà la, “Bwènə̀ fà mò a bàm a Satan! Byìʼe Wù ko kiʼì kwòʼtə Nyìngòŋ, wu kwòʼtə̀ to nə̀ wìʼ.”

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Shwèʼ 2:39

Kəzhwì kə Ŋwoʼə kènkə a Nyìngòŋ nghʉ li la ghə̀ lu ku lə̀ ə dìʼ à ghə̀ŋ, nə̀ a vunə vəŋə bènə̀ à viʼi a və diʼì no kəghaf. A dìʼ viʼi vi no vətsèm a Bobo Nyìngòŋ dzàŋə̀ li la və vi à wen.”

Shwèʼ 3:25

Nyʉ̀ venə no tsèm a Nyìngòŋ nghʉ li ə chò fà nshə̀ʼtə̀sə wen lə̀ dìʼ à ghə̀ŋ, ghə̀ŋ be dìʼ a tì məkàyn mì a Nyìngòŋ nzhɨ wenə̀ vətìʼ vəŋə və mbì ando ghə̀ ngàʼa à Ablaham la, ‘Mà lu chò fà vunə ngwàʼa ngə̀ŋ wù ə bwaʼsə viʼi no vətsèm a nse a shèn.’

Lumans 11:16

Və sətsen byə̀ʼ kəbayn ə kù a Nyìngòŋ a ambì, kə ne diʼi la no əghɨf ə kəbayn na yì no tsèm ə kiʼ to Nyìngòŋ, mu aghaŋ ə fəkoʼ ə sətsèn ndiʼ a nse, a kiʼ Nyìngòŋ, kə ne diʼi la à kiʼi wen kiʼi tə ntam ə tyitə.

Lumans 11:28

Viʼi Jus ə tensə li ə zhʉ ntɨm ə jùŋ, nakèn kə ne vəwenə sə diʼ viʼi kəbayn Nyìngòŋ. Kənyʉ̀ na kèn ne li Nyìngòŋ ə bwòŋsə ghə̀ŋ viʼi ətɨm, ali ə ghʉ̀ la ghə̀ na kòŋ viʼi Jus byìʼì və tìʼ və vəwenə.

1 Kolìntyàns 14:20

Kə ghə̀ŋ a nkwoʼtə to nə̀ voyndyə, a vəlemə vwomə, ghə̀ŋ ne boŋsə diʼ to voyndyə kumə mbyɨ ali kwoʼtə nyʉ̀ to nə̀ ə viʼi vətokəvə.

1 Kolìntyàns 7:14

Kə diʼ alə̀ byìʼì ando Nyìngòŋ ə na ne wulɨm yi a ghə̀ ko byɨmə la ghə̀ laynə byìʼì wi wen, ə be nè wùwì yi a ghə̀ ko byɨmə la ghə̀ ə̀ laynə byìʼì lɨmə wen. A bwen a li ko vu vəwenə a ndiʼ nə̀ laynə, ali kə sə diʼ nəmwèʼè la vəwenə ne laynə.

Efisyàns 4:26

Kənyʉ̀ kə zaf ə wìʼ, kə ghə̀ a moʼtə kə ne ghə̀ nè mbyɨ. Kə kənyʉ̀ kə lu zaf ə wìʼ, ghə̀ ŋwʉʼmə nə̀ kəwenkə a wen bèm ə tʉʼ layn.

2 Timotì 1:5

Mà bu kwòʼtə̀ ə nkàyntə̀ byɨmə yi a wù kiʼi à Klistò, a diʼ tò əbyɨmə yi a Lowis ə lì ə lì wù wenə Yunis ə li wù nkiʼ. Mà kɨ la wù kiʼi tò əbyɨmə a yi.

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

Kəmwetə 14:5

Vəwenə nko təmə̀ zhò ndzɨ̀ŋ byìʼe vəwenə nko kiʼ kənyʉ̀ kə shwekə.