Ŋwàʼlə̀ Mak 10:1 - The New Testament in the Babanki language

¹ Yesò lù fa Kabanùm ayì ə təmə̀ dyʉ̀ a shyə Judiyà a ndzèn mù mə Jodàn. Nòyn viʼi bè vì tò vi à wen, ghə̀ sə ziʼi vəwenə ando ghə̀ nziʼi.

Ŋwàʼlə̀ Mak 10:1 Iomraidhean Croise

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Ŋwàʼlə̀ Mak 1:21

Vəwenə nè dyʉ̀ zaʼa a ntə̀ʼ Kàbanùm, a nsə ndiʼ a kətsi kə zhʉtəkə, ghə̀ dyʉ̀ kwèn a ngə̀ŋ ntsèntə̀ sə ziʼi viʼi tsu.

Ŋwàʼlə̀ Mak 10:2

Və Falàsi vətsenvə vì əzhʉtə chʉ wen mù bèm à wen la, “Soʼo lè byɨmə la wìʼ dzɨ̀mə̀ wì wen a?”

Ŋwàʼlə̀ Mak 12:35

Yesò nè sə ndìʼsə̀ a ngə̀ŋ Nyìngòŋ ghoʼo ə̀ bèm la, “Byìʼì ghò a ndìʼsə̀sə təsoʼ ə̀ gàʼà la Klistò dìʼ wàyn Devìt a?”

Ŋwàʼlə̀ Mak 14:49

Gaʼa kò mà tə nzhʉsə̀ tò vəghəŋ a ngə̀ŋ Nyìngòŋ ziʼi tsu no mətsi tsèm, alì kò ghə̀ŋ lu nghaʼa mò. No tè a lì, kənyʉ̀ à və nyòʼò li a ŋwàʼlə̀ Nyìngòŋ diʼi kwʉ̀ʼ.”

Ŋwàʼlə̀ Mak 2:13

Yesò bwènə̀ dyʉ̀ a mbyɨ̀ mo Galìlì. Viʼi zhùŋtə̀ a wen a mbyɨ̀ no vəghoʼo ghə̀ mù sə ziʼi vəwenə.

Ŋwàʼlə̀ Mak 4:2

Ghə̀ dìʼsə̀ vəwenə no nə̀ nyʉ̀ ghoʼvə tò a ngàynsə. Ghə̀ gàʼ à vəwenə à wen a ziʼi la,

Ŋwàʼlə̀ Mak 6:2

Tʉʼ layn a kətsi kə zhʉtəkə vəwenə, ghə̀ dyʉ̀ ə̀ kwèn a ngə̀ŋ ntsèntə̀ ə̀ zìtə̀ sə ziʼi tsu. Viʼi zhʉtə ziʼi wen no vəghoʼo sə diʼ nə̀ kanə bèmə̀ la, “Wìʼ ghèn tə zhʉ nyʉ̀ venə fa fe? A lè kù ndo ə nku nki tof ghenə à wen a? Ghə̀ nè nyʉ̀ kanəvə venə ale?

Ŋwàʼlə̀ Mak 6:34

Ghə̀ dyʉ̀ nè sə zaʼa tsu ə̀ yèn nòyn viʼi no ghoʼo, sə kiʼ kusə nshinsə à vəwenə byìʼàndo vəwenə ndìʼ tò nə̀ byisə kèn nə̀ ntsɨ̀ŋ. Ghə̀ mù sə dìʼsə vəwenə nə̀ nyʉ̀ no ghoʼo.

Ŋwàʼlə̀ Mak 6:6

Yesò yen la vəwenə ko kiʼ byɨmə, sə diʼ no nə̀ kanə ghoʼo ghə̀. Ghə̀ mù lù sə jèʼè ziʼì dyʉ̀ nə̀ viʼi a ntə̀ʼsə sətsensə a sə mboʼsə̀ tsu.

Joyn 10:40

Ghə̀ lù ə bwenə dyàŋ dyʉ̀ a dzen ə Jodàn, ashə yi a Joyn ə ku mu tsu fa ambì faŋ to tsu.

Joyn 11:7

ghə̀ mu gàʼ a ndzɨ̀mtə̀sə bàm ə wensə la, “vəghəŋ bwenə dyʉ̀ a Jùdiyà.”

Joyn 18:20

Yesò ə bwensə gàʼ la, “Mà tə gaʼa fa kəghaf no a viʼi və tsèm, ziʼi a loʼ ntsèntə̀ tèbè a ngə̀ŋ Nyìngòŋ ə ghoʼo, a diʼ shi, a viʼi Jus vi tsèntə̀ tsu. Ma ko tɨmə nyoʼtə nyoʼtə gàʼa kənyʉ̀.