Ŋwàʼlə̀ Mak 1:45 - The New Testament in the Babanki language

⁴⁵ Ghə̀ bòŋsə̀ dyʉ̀ sə kwe no ndo ghə̀ shə̀ʼtə̀ kənyʉ̀ akì tò shə̀ʼtə̀ à wen. Soʼgho ayì sàykə̀ a shi no tsèm, kə mù sə chò Yesò ə ghə̀ kwen a tì ntə̀ʼ ayì a dayn, ghə̀ mù sə jèʼè dyʉ̀ tò fa wenə̀ loʼ a nse zɨm. Alì viʼi be sə fʉ fa shi tsèm tò fʉ vi yenə wen tsu.

Ŋwàʼlə̀ Mak 1:45 Iomraidhean Croise

Matìyò 28:15

Vəsugyèʼ a vyi shi ko ayi mù nè ando vəwenə ngàʼà. Ndzɨ̀ŋsə a sènsə a vəwenə mbwomə̀ lə̀ saykə̀ a loʼ ayì no tsèm. Vəjew mu sə tsi kɨ tò la və ntsòŋ kəmpfʉ kə Yesò tsoŋə əzaʼa fa lan.

Matìyò 9:26

Soʼgho kənyʉ̀ a kyi ə waŋ tò əshi ə tsèm ashə əloʼ na yì.

Matìyò 9:31

Alì, vəwenə fʉ ə dyʉ̀ ə mu sə jèʼè shə̀ʼtə̀ soʼgho a ghèn kùmə̀ Yesò toʼ ashə əloʼ na yì ə tsèm.

Ŋwàʼlə̀ Mak 2:13

Yesò bwènə̀ dyʉ̀ a mbyɨ̀ mo Galìlì. Viʼi zhùŋtə̀ a wen a mbyɨ̀ no vəghoʼo ghə̀ mù sə ziʼi vəwenə.

Ŋwàʼlə̀ Mak 3:20

Yesò nè bwènə̀ pfwo, viʼi bè vì zhùŋtə̀ à wen a mbyɨ̀ no vəghoʼo a ji a jì nko ndìʼ ə Yesò wenə̀ Ndzɨ̀mtə̀sə bàm wen sə zhɨ kəfo.

Ŋwàʼlə̀ Mak 3:7

Yesò wenə̀ ndzɨ̀mtə̀sə bàm wen lù dyʉ̀ a mbyɨ̀ mo Galìlì. Viʼi dzɨ̀mtə̀ dyʉ̀ nə̀ vəwenə mu və lù fa Galìlì bènə̀ fa Judiyà.

Ŋwàʼlə̀ Mak 7:36

Yesò mù ku soʼ à viʼi a vyi la kə vəwenə à shə̀ʼtə̀ kənyʉ̀ akì à wìʼ, vəwenə bòŋsə̀ sə shə̀ʼtə̀ dyʉ̀ nə̀ kənyʉ̀ akì tò shə̀ʼtə̀.

Joyn 6:2

ghə̀ sə ndyàŋə̀, ə nòynə ə viʼi və tsenəvə ə dyàŋ fa wen abàm, to kədə̀ŋ byìʼàndo vəwenə ndiʼ mu və yen li nchwisə nyʉ̀ ə kaynə və vyi a ghə̀ nè viʼi və kwaʼkəvə, və to.

Taytùs 1:10

Mà gàʼà alə̀ byìʼàndo viʼi diʼ no vəghoʼo a və ko zhʉ gɨ̀, gàʼà tò əgàʼ zɨmghə be lobtə̀ viʼi. Nyʉ̀ avenə tùʼù nè vəjew vyi ə bwensə li ə sə dzɨ̀mtə̀ Klistò.