Ŋwàʼlə̀ Mak 1:35 - The New Testament in the Babanki language

³⁵ Tʉʼʉ sə nlàynə vì, ghə̀ lu ə̀ fʉ̀ dyʉ̀ a kəshi kəlyomtəkə tò wen nyɨŋ, mù sə jɨ̀mə̀.

Ŋwàʼlə̀ Mak 1:35 Iomraidhean Croise

Matìyò 14:13

Yesò nè zhʉ̀ kənyʉ̀ a və ne à Joyn wù ku à mù lyɨ̀ nkànuʼ wenə̀ ndzɨ̀mtə̀sə bàm wen sə lù dyʉ̀ a kəshi ko wìʼ dìʼ tsu. Viʼi nè zhʉ̀ la ghə̀ lù lì ə fʉ̀kə̀ fà vəwenə a ntə̀ʼsə no vəghoʼo sə dzɨ̀mtə̀ dyʉ̀ nə̀ wen to a kəghʉ̀.

Matìyò 14:23

Ando ghə̀ ngàʼà viʼi sə mpfwo, ghə̀ lù kuʼ a kwi pfen tò wen nyɨŋ əjɨ̀m. Tʉʼ sə njɨ vì ghə̀ diʼ tsu tò wen nyɨŋ.

Ŋwàʼlə̀ Mak 1:36

Simon wenə̀ viʼi jèʼè wen mù sə jèʼè kəŋə wen.

Ŋwàʼlə̀ Luk 5:16

Ali ghə̀ moʼtə vəwenə ə dyʉ̀ a kəshi, tò wen nyɨŋ ə jɨm.

Ŋwàʼlə̀ Luk 6:12

Tò məntsi a ghèn Yesò kuʼ a kwi pfen kətsi kətsenkə ə tsi tsu əjɨ̀m a Nyìngòŋ əzaʼa fa tʉʼ laynə ghə̀.

Joyn 4:34

Yesò ə gàʼ vəwenə la, “ə fozhɨvə ə mò ə diʼ tò la ma ə ne shwèʼè yì a Nyìngòŋ a ghə̀ tɨmə mo ə kòŋ, ə ne ə mwètə̀ shwèʼè a ghenə.

Joyn 6:15

Yesò ə kɨ li la və a ghaʼa, ghʉ̀ wen a fòyn to kədyòʼ ghə̀ be nyɨŋ kuʼ dyʉ̀ no a kwi pfen, to wen ə nyɨŋ.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Filìbàyns 2:5

Ghə̀ŋ ə nkiʼ tò ntsìnə̀ yì a Yesò Klistò ə̀ nkìʼ lì.

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.