Ŋwàʼlə̀ Mak 1:27 - The New Testament in the Babanki language

²⁷ Viʼi sə diʼ nə̀ kanə mù sə bèmə̀ à vəwenə a ntìntìn la, “Kènkə dìʼ ghò? Nki ziʼi fighə mu? Wìʼ ghèn ə kàyntə̀ nyʉ̀ nə̀ àdyoʼ no tè bè zhwì byɨvə zhʉ wen.”

Ŋwàʼlə̀ Mak 1:27 Iomraidhean Croise

Matìyò 15:31

Viʼi vi sə diʼ nə̀ kaynə ando və nyenə la bɨbɨ̀ sə bwènsə̀ gàʼà, və ngesə̀ fwen nə̀ viʼi kənkwàʼkə̀ be bwènsə̀ jèʼè tò a nkayn, bènə̀ la nshɨ̀f nsə̀ bwènsə̀ yenə shi. Vəwenə yen a lì sə̀ ghoʼsə̀ Nyìngòŋ viʼi Islel.

Matìyò 8:9

Mà gàʼà alə̀ byìʼàndo ma shyèʼè a tyì viʼi be kiʼ, vəsugyèʼ à mò a tyì. Ma gàʼ à ghèn la, ‘Dyʉ̀,’ ghə̀ dyʉ̀ tò dyʉ̀, gàʼ à ghə̀ tsen la, ‘Vi,’ ghə̀ vi tò vi. Ma be gàʼ à wù shyèʼ mò la, ‘Ne alə̀,’ ghə̀ be nè tò nè.”

Matìyò 9:33

Yesò dzɨ̀mə̀ shisə kəzhwì kə byɨkə a kì alì, wìʼ a yi ə gàʼa. Ənòyn ə viʼi vyi ə sə dìʼ nə̀ kàynə ə gàʼa la, “vəghəŋ ko tɨmə yen nki kənyʉ̀ alə̀ aloʼ ə Islel a shə̀.”

Ŋwàʼlə̀ Mak 1:26

Kəzhwì kə byɨkə akì nə̀ʼ wìʼ ayì no nànto ə̀ bè zɨ̀mə no a gɨ to ə̀ mù fʉ̀ fa wen a wèn.

Ŋwàʼlə̀ Mak 1:28

Əzìtə̀ fa zhʉ ayì, soʼgho byìʼì ziʼi wen ayi sàykə dyʉ̀ no a shì tsèm a Galìlì.

Ŋwàʼlə̀ Mak 10:24

Təchʉ̀ tə ndzɨ̀mtə̀sə bàm wen tə zɨmtə. Yesò bè mù gàʼ la, “Kə lutə̀ sù to a vunə vwomə əkwen a kəshi kə fòyn Nyìngòŋ!

Ŋwàʼlə̀ Mak 10:32

Yesò wenə̀ viʼi lù a zhʉ aghèn sə kuʼu dyʉ̀ a Jelusalèm. Yesò dyʉ̀ fa mbì ndzɨ̀mtə̀sə bàm wen shì njʉ̀sə̀bò, vəwenə diʼ nə̀ kanə. Viʼi vətsenvə a və mboʼsə̀ lì be diʼ nə̀ fanə. Yesò gùbtə̀ ndzɨ̀mtə̀sə bàm wen shì njʉ̀sə̀bò ə̀ shə̀ʼtə̀ kənyʉ̀ kì à vəwenə a kə ne fʉ̀ à wen.

Ŋwàʼlə̀ Mak 16:5

Vəwenə sə nkwenə dyʉ̀ a tì sè ayì, ə yèn wàyndyə nkuŋ tsen, ghə̀ ŋwʉʼ a shə kwoŋ toghə vəwenə, mu ghə̀ mòʼ ndisə fəfə sə. Təchʉ̀ tə vəwenə tə zɨm.

Ŋwàʼlə̀ Mak 16:6

Ghə̀ gàʼ à vəwenə la, “Kə chʉ zɨm ghə̀ŋ byìʼe Yesò a ghə̀ŋ kəŋə lì a diʼì wàyn wù Nazalèt, a və tə bàyntə wen lì diʼ mu ghə̀ lù li fa pfʉ. Ghə̀ ko diʼ a shə̀, ghə̀ŋ yen kəshi a və tə̀ nyòŋsə̀ wen tsu a.

Ŋwàʼlə̀ Mak 7:37

No ndò a ghə̀ nzhʉ kənyʉ̀ akì ndìʼ nə̀ kanə mù sə gàʼà dyʉ̀ la, “Ghə̀ nè nyʉ̀ tsèm və dyʉ̀ tò a nkàyn, nè tè mpfʉ̀sə tʉ sə zhʉ shi be nè tè və bɨbɨ̀ gàʼà.”

Ŋwàʼlə̀ Luk 4:36

Vəwenə ndiʼ nə̀ kaynə ə mù sə̀ bèm a vəwenə ntyìntyìn əkɨ la “Wìʼ ghèn gàʼà alə̀ lo? Ghə̀ kàyntə̀ nyʉ̀, a zhwì byɨvə və fʉ̀ fa viʼi wen byìʼàndo ghə̀ kiʼi adyòʼ”

Ŋwàʼlə̀ Luk 9:1

Yesò dzàŋtə̀ viʼi ntɨm wen njʉ̀sə̀bò ə tsèntə vəwenə a kəshi kə mùʼ ə ku adyòʼ tsèm a vəwenə ndi vəwenə ndzɨ̀mə̀ zhwì byɨvə no tsèm bè chʉʼ təkwaʼa,

Shwèʼ 17:19

Vəwenə mù lyɨ̀ Bol ə̀ dyʉ̀ nə̀ wen a ntsèntə̀ viʼi nsoʼ yì a və mvì zhùŋtə̀ a kwi pfen Ayobagùs ə̀ gàʼ à wen la, “Shə̀ʼtə à yès la àdìʼ nki ziʼi fighə kò a wù ziʼi viʼi lə̀ lo?