Ŋwàʼlə̀ Mak 1:23 - The New Testament in the Babanki language

²³ A sətsèn və yen wìʼ a ngə̀ŋ ntsèntə̀ ayì ghə̀ kiʼ kəzhwì kə byɨkə kə nè ghə̀ zɨmə

Ŋwàʼlə̀ Mak 1:23 Iomraidhean Croise

Matìyò 12:43

“A nə̀ ndiʼ a zhʉ a kəzhwì kə byɨkə fʉ fà wìʼ a wèn, kə dyʉ̀ sə jèʼè fa nse zɨm no tsèm kəŋ kəshi əzhʉ̀tə̀ tsu ə sətsèn kə faŋ ke yen,

Ŋwàʼlə̀ Mak 1:22

Ziʼi wen nè viʼi sə diʼ nə̀ kaynə byìʼàndo ghə̀ ko ndìʼsə̀ a nə̀ ndìʼsə̀sə təsoʼ. Ghə̀ ndìʼsə̀ a nə̀ wìʼ a ghə̀ kìʼ àdyoʼ.

Ŋwàʼlə̀ Mak 1:24

ə̀ gàʼ la, “Wù kəŋə ghò à yès a ntìntìn a Yesò wàyn wù Nazalèt ghèn, wù vi əbyɨsə yes mu? Mà kɨ li wìʼ a wù diʼ wen. A dìʼ wù, wu ŋwoʼə Nyìngòŋ.”

Ŋwàʼlə̀ Mak 1:29

Yesò wenə Jems nə̀ Joyn fʉ̀ fa ngə̀ŋ ntsèntə̀ yì no a zhʉ̀ kò ə̀ nàyn tò fəchìʼ a ngə̀ŋ Simon bènə̀ Andɨ̀lò.

Ŋwàʼlə̀ Mak 1:34

Yesò chʉʼ viʼi no vəghoʼo a və nkiʼi təkwaʼa tò a tənkì a tənkì, be dzɨ̀m shìsə̀ zhwì byɨvə no ghoʼo fa təwèn vətsenvə. Ghə̀ ndzɨ̀mə̀ a lì kò ghə̀ lə mbyɨmə la no kəzhwì kə byɨkə kə mùʼ kə gàʼ kənyʉ̀ byìʼàndo zhwì byɨvə a vyi nkɨ wen.

Ŋwàʼlə̀ Mak 1:39

Ghə̀ gàʼ a lì sə jèʼè no shi tsèm a Galìlì, kwenə a aloʼ ntsèntə̀sə vəwenə gàʼà kənyʉ̀ kə Nyìngòŋ tsu, be dzɨ̀mə̀ shìsə̀ zhwì byɨvə fà viʼi a təwèn.

Ŋwàʼlə̀ Mak 5:2

Sə fʉ̀ tò fʉ fa nkànuʼ ə̀ bùmtə̀ wenə̀ wìʼ ghə̀ kiʼ kəzhwì kə byɨkə mu ghə̀ fʉ̀ mvi fa mbvɨ̀mə̀sə.

Ŋwàʼlə̀ Mak 7:25

Wùwì tsen ndìʼ tsu kiʼ wàyn a ghə̀ nkìʼ kəzhwì kə byɨkə. Ghə̀ nè zhʉ̀ tò zhʉ la Yesò dìʼ a ngə̀ŋ ayì ə̀ vì fə̀ŋ à wen a shɨ mù sə sensə̀ wen la ghə̀ dzɨ̀m shìsə̀ kəzhwì kə byɨkə akì. Andìʼ a lì wùwì aghèn ndìʼ wù kətɨm mu və bwi wen a Fònisiya a loʼ Sylia.

Ŋwàʼlə̀ Mak 9:25

Yesò nè yèn ando viʼi nyɨŋə vì no vəghoʼo à wen a mbyɨ̀, “Ghə̀ kàyntə̀ nyʉ̀ à kəzhwì kə byɨkə gàʼa la, Mà gàʼà a wù a kəzhwì kə byɨkə kenkə a wù ne la kə wàyn ghèn a gàʼà kò ndiʼ la ghə̀ zhʉ lə̀ la kə cho fʉ̀ fà wen a wèn. Kə be lu kwen tʉʼ tsenghə.”