Ŋwàʼlə̀ Mak 1:21 - The New Testament in the Babanki language

²¹ Vəwenə nè dyʉ̀ zaʼa a ntə̀ʼ Kàbanùm, a nsə ndiʼ a kətsi kə zhʉtəkə, ghə̀ dyʉ̀ kwèn a ngə̀ŋ ntsèntə̀ sə ziʼi viʼi tsu.

Ŋwàʼlə̀ Mak 1:21 Iomraidhean Croise

Matìyò 4:13

ə dyʉ̀ kèn la ghə̀ ŋwʉʼli fàŋ a Nazalèt. Ghə̀ boŋsə̀ dyʉ̀ sə̀ tsi a ntə̀ʼ Kàbanùm a ben mo Galìlì a shə loʼ zebulùn nə̀ Naftalì.

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Ŋwàʼlə̀ Mak 1:20

Ando Yesò nyenə vəwenə ghə̀ dzàŋ vəwenə tò dzàŋə. Vəwenə fʉ̀ ghʉ̀sə tìʼ vəwenə wenə̀ viʼi shwèʼ vi a və ndiʼ tsu a tì nkànuʼ ayì ə̀ dzɨ̀mtə̀ dyʉ̀ nə̀ Yesò.

Ŋwàʼlə̀ Mak 1:29

Yesò wenə Jems nə̀ Joyn fʉ̀ fa ngə̀ŋ ntsèntə̀ yì no a zhʉ̀ kò ə̀ nàyn tò fəchìʼ a ngə̀ŋ Simon bènə̀ Andɨ̀lò.

Ŋwàʼlə̀ Mak 1:33

viʼi lù fa ntə̀ʼ ayì no vətsèm ə̀ vì zhùŋtə̀ tò a chʉ ngə̀ŋ ayì.

Ŋwàʼlə̀ Mak 1:39

Ghə̀ gàʼ a lì sə jèʼè no shi tsèm a Galìlì, kwenə a aloʼ ntsèntə̀sə vəwenə gàʼà kənyʉ̀ kə Nyìngòŋ tsu, be dzɨ̀mə̀ shìsə̀ zhwì byɨvə fà viʼi a təwèn.

Ŋwàʼlə̀ Mak 10:1

Yesò lù fa Kabanùm ayì ə təmə̀ dyʉ̀ a shyə Judiyà a ndzèn mù mə Jodàn. Nòyn viʼi bè vì tò vi à wen, ghə̀ sə ziʼi vəwenə ando ghə̀ nziʼi.

Ŋwàʼlə̀ Mak 2:1

Andìʼ ando, Yesò bwènə̀ dyʉ̀ a Kabanùm, viʼi zhʉ̀ la ghə̀ pfwo li,

Ŋwàʼlə̀ Mak 3:1

A bè nè sə ndiʼ kətsi kətsenkə, Yesò dyʉ̀ kwen a ngə̀ŋ ntsèntə̀, wutsen diʼ tsu mu kwoŋ wen tsenghə pfʉ li.

Ŋwàʼlə̀ Mak 6:2

Tʉʼ layn a kətsi kə zhʉtəkə vəwenə, ghə̀ dyʉ̀ ə̀ kwèn a ngə̀ŋ ntsèntə̀ ə̀ zìtə̀ sə ziʼi tsu. Viʼi zhʉtə ziʼi wen no vəghoʼo sə diʼ nə̀ kanə bèmə̀ la, “Wìʼ ghèn tə zhʉ nyʉ̀ venə fa fe? A lè kù ndo ə nku nki tof ghenə à wen a? Ghə̀ nè nyʉ̀ kanəvə venə ale?

Ŋwàʼlə̀ Luk 10:15

Ando ghə̀ŋ viʼi Kabanùm tə nkəŋ nkuʼsə təwen təŋtə a kàŋ lì, və a moʼ ghə̀ŋ a zhìʼ a ghə̀ ko lù mè.”

Ŋwàʼlə̀ Luk 13:10

A ndiʼ a kətsi kəzhʉtə kə kətsen kə Yesò kwen a ngə̀ŋ ntsentə sə dìʼsə viʼi tsu.

Ŋwàʼlə̀ Luk 4:16

Yesò lu dyʉ̀ a Nazalèt a ndiʼ ntə̀ʼ a ghə̀ nkwi tsu, ə dyʉ̀ kwèn a ngə̀ŋ ntsentə a kətsi kə zhʉtə kə vəwenə kətsenkə ando à ndiʼ ntsìnə̀ wen ə lu tɨmə dzàŋ ŋwàʼlə̀ Nyìngòŋ.

Ŋwàʼlə̀ Luk 4:23

Ghə̀ gàʼa vəwenə la “Ma kɨli la ghə̀ŋ a laʼtə ə gàʼa gàʼ shəʼ ghə̀ ghenə a mò la wu chʉʼʉ viʼi, wen ə wu. Nèli nyʉ̀ vyi luwen a wù a loʼ a yes zhʉ la wù tə nè a kàbanùm.”

Shwèʼ 17:2

Bol dyʉ̀ a ngə̀ŋ ntsèntə̀ ayì ando ghə̀ njèʼè nè ə̀ lyɨ̀ mətsi mə nzhʉtəmə Vəjew ntaʼ, əsoʼtə nyʉ̀ a və mfʉ̀ fa Ŋwàʼlə̀ Nyìngòŋ.

Shwèʼ 18:4

Bol sə dyʉ̀ kwenə a ngə̀ŋ ntsèntə̀ Vəjew tò məntsi mə nzhʉtəmə no ntsèm, soʼtə̀ nyʉ̀ tsu wenə̀ Vəjew bènə̀ viʼi Glis, mwòmsə̀ ənè la vəwenə byɨmə kənyʉ̀ kì a ghə̀ ngàʼà.