Ŋwàʼlə̀ Mak 1:14 - The New Testament in the Babanki language

¹⁴ A ndìʼ ando və nwè Joyn a mfɨŋ, Yesò bwènə̀ kuʼ dyʉ̀ a Galìlì sə shə̀ʼtə̀ ntɨm jùŋ Nyìngòŋ tsu,

Ŋwàʼlə̀ Mak 1:14 Iomraidhean Croise

Matìyò 11:2

Andìʼ a zhʉ a Joyn wù ku à mù nzhʉ diʼ a mfɨŋ nyʉ̀ a wìʼ yì a Nyìngòŋ ntsuʼ li ə̀ ghʉ ə̀ nè, ghə̀ tɨm ndzɨ̀mtə̀sə bàm wen. Vəwenə dyʉ̀ ə bèm à wen la,

Matìyò 14:2

ghə̀ gàʼ à viʼi shyèʼ wen la,“Ghèn lutə̀ dìʼ tò Joyn wù ku à mù a ghə̀ bwenə li nlu fa pfʉ. A lè kənyʉ̀ a kə nè ghə̀ sə kiʼ kədyòʼ ənè nyʉ̀ venə alə̀.”

Matìyò 4:12

Yesò nè zhʉ la və shwin nə̀ li Joyn a mfɨŋ, ghə̀ bwenə dyʉ̀ a Galìlì,

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Matìyò 9:35

Yesò ə sə jèʼè kwenə a ntə̀ʼ sə ghoʼkə sə nə̀ sə tyetəsə, ziʼi a aloʼ ntsentə ə vəwenə, shə̀ʼtə̀ ntɨm ə jùŋ byìʼì əfòyn ə Nyìngòŋ, bè chʉʼʉ tənkyì tə kwaʼa tò tə tsèm.

Ŋwàʼlə̀ Luk 3:20

A ndiʼ ando Joyn nghàmə̀ wen ali, ghə̀ bè nè to kətsenkə, ə ghaʼ Joyn ə shwin a nfɨŋ.

Ŋwàʼlə̀ Luk 8:1

Fa bàm a tsu Yesò sə jèʼè shə̀ʼtə̀ ntɨm jùŋ byìʼì soʼ fòyn Nyìngòŋ a ntə̀ʼ sə ghoʼkə sə nə̀ sə tyetəsə. A ndiʼ alì ndzɨ̀mtə̀sə bàm wen shì njʉ̀sə̀ bò diʼ wenə vəwenə,

Shwèʼ 20:25

Ghə̀ŋ kɨ li la mà tə njèʼè fà ghə̀ŋ a ntìntìn shə̀ʼtə̀ kənyʉ̀ byìʼì kəshi kə fòn Nyìngòŋ. Ma sə gàʼà à ghə̀ŋ luwèn la ghə̀ŋ ko lu be yen mo no mpfen.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Efisyàns 2:17

Kə lə diʼi la Yesò nvi ə shə̀ʼtə̀ ntɨm ə mbwaʼmə a viʼi ə tɨm a və nko boʼsə Nyìngòŋ, nə̀ a viʼi Jus a və boʼsə wen.