Ŋwàʼlə̀ Luk 9:3 - The New Testament in the Babanki language

³ Ghə̀ gàʼ à vəwenə la, “Ghə̀ŋ sə ndyʉ̀, kə wìʼ à lyɨ̀ no kəfo, kə wìʼ à lyɨ̀ mbàŋ kò kəmbò kə wafəkə, kə wìʼ à lyɨ̀ kəfo kə zhɨ kə kò ko, kə wìʼ à lyɨ̀ ndisə bò.

Ŋwàʼlə̀ Luk 9:3 Iomraidhean Croise

Ŋwàʼlə̀ Mak 6:7

Ghə̀ dzàŋ ndzɨ̀mtə̀sə bàm wen njʉ̀sə̀bò ə̀ tɨ̀m vəwenə tò vəbò vəbò bè kù àdyoʼ à vəwenə a kətʉ ə̀ zhwì byɨvə.

Ŋwàʼlə̀ Luk 12:22

Yesò mù gàʼ à ndzɨ̀mtə̀sə bàm wen la, “A lè kənyʉ̀ a kə nè mà sə gàʼ à ghə̀ŋ la kə ghə̀ŋ à kayntə mbyi kùmə̀ ntsìnə̀ ghə̀ŋ. Kə wìʼ fa ghə̀ŋ à kayntə mbyì la ghə̀ nè zhɨ ghò lo, kò la ghə̀ ne moʼ gho a yi a wen lo.

Ŋwàʼlə̀ Luk 12:28

Nyìngòŋ à sətsen nlafsə agəŋ a diʼi na ghenə no nkàyn a tʉʼʉ diʼ layn və tyom ə nyùʼ ghə̀ à lafsə ghə̀ŋ no alə̀. Byɨmə ghə̀ŋə bwaʼ no ghò alə̀ a?

Ŋwàʼlə̀ Luk 22:35

Ghə̀ mù bè gàʼ à vəwenə la “A ndiʼ a tʉʼ a ma ntɨm ə ghə̀ŋ kèn nə̀ fəbònə fə we ko kò kəmbò kò gwʉsə, ghə̀ŋ be gholi kəfo?” Vəwenə bwènsə̀ gàʼ la “Yès nko gho no kəfo.”

Ŋwàʼlə̀ Luk 3:11

Ghə̀ gàʼ a vəwenə la “No məndò a ghə̀ kiʼi ndisə sə̀ bò, ghə̀ ku sə̀ mùʼ a wi a ghə̀ ko kiʼ no fa mpfen. No məndo a ghə̀ kiʼi fozhɨvə, ghə̀ boŋ gə̀tə̀ ku viʼi vətsen və”

Ŋwàʼlə̀ Luk 5:29

Levì shə̀tə̀ no ntaʼ ghoʼo à wen à ngə̀ŋ à Yesò. Viʼi vì tsu no və ghoʼo boʼsə nə̀ viʼi tinə kənsè, wen vəwenə mù sə̀ zhɨ.

Ŋwàʼlə̀ Luk 9:4

Ghə̀ŋ dyʉ̀ no à ntə̀ʼ ko ayì, ə kwen no a ngə̀ŋ ko, ghə̀ŋ ntsi tò tsu əzaʼa fa zhʉ a ghə̀ŋ lə lù fa ntə̀ʼ ayì.

2 Timotì 2:4

No te sugyèʼ ə ko ə mwòmsə ə ne əshwèʼ ə wen a nkàyn ndi ə nè la kətʉ kə shwèʼ wen ə nsaŋlə̀. Ghə̀ ko moʼ wenə wen a kənyʉ̀, a kə ko diʼ shwèʼè ə sugyèʼ.