Ŋwàʼlə̀ Luk 8:8 - The New Testament in the Babanki language

⁸ Ghətsen nfəŋkə a nse jùŋ, ə̀ fʉ̀ ə kuʼ ə fosə ə bi, və sə fʉ̀ pfì. No kətʉ kə asaŋ kə kò sə ku ashɨ asaŋ, ghə̀ ghoʼo zaʼa a ghɨ.” Yesò gàʼ alì ə be mù gàʼ no a gɨ̀ to la, “No məndo a ghə̀ tofə, ghə̀ tùʼù zhʉtə.”

Ŋwàʼlə̀ Luk 8:8 Iomraidhean Croise

Matìyò 11:15

No ndò a ghə̀ kiʼi ə tiʼitiʼi, ghə̀ tùʼù zhʉtə.

Matìyò 13:23

Ngwaʼa tsen yì a ghə̀ mfəŋkə a nse jùŋ dìʼ to nə̀ viʼi vyi a və zhʉ kənyʉ̀ kə Nyìngòŋ ə nkɨ kənyʉ̀ kì a kə gàʼà. Kə kumə ashɨ ghoʼoghə a ntsìnə̀sə viʼi vətsenvə ə̀ kumə ashɨ tyetəghə a ntsìnə̀sə vətsenvə.”

Ŋwàʼlə̀ Mak 4:20

Tətyɨm tə viʼi vətsenvə diʼ to nə̀ nse jùŋə a və we ngwàʼ tsu. Adiʼ viʼi a və zhʉ kənyʉ̀ kə Nyìngòŋ vəwenə ghàʼ tò ghaʼa kə kumə ashɨ à vəwenə ntsìnə̀sə; à tsenghə kùmə̀ ashɨ məwum ntaʼ, a tsenghə məwum ntʉfə, a tsenghə kùmə̀ ghɨ.”

Ŋwàʼlə̀ Mak 4:23

No ndo a ghə̀ kiʼì tof ghə̀ tùʼtə̀ zhʉ̀tə lì.”

Ŋwàʼlə̀ Mak 4:8

A tsenghə fəŋkə no a nse jùŋə, kuʼ ə̀ kù no a nkayn, və sə fʉ pfì. Ashɨ asaŋ nku a kətʉ kə saŋ tsenghə ghoʼo zaʼa a məwum ntaʼ; ku a kətsenkə məwum ntʉfə, be ku a kətsenkə ghɨ.”

Ŋwàʼlə̀ Mak 7:16

No ndò a ghə̀ kiʼì tof ghə̀ tùʼù zhʉ̀tə kənyʉ̀ a kènkə.”

Ŋwàʼlə̀ Luk 14:35

Kò fə be boŋ və nè tə̀ kənyʉ̀ kə tsenkə tsu à bwen tò la və chʉtə maʼà. A tofə no məndò ghə̀ tuʼù zhʉtə.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Ŋwàʼlə̀ Luk 8:7

Ghətsen nfəŋkə a toʼ kəzòyn, ghə̀ fʉ̀ wenə̀ kəzòyn tò ghayn mùʼ. Kəzòyn kə taʼsə.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

Kəmwetə 13:9

No wu byɨmə ko a ghə̀ tofə ghə̀ tùʼù zhʉ̀tə:

Kəmwetə 2:11

No ndo a ghə̀ tofə ghə̀ tùʼù zhʉtə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ ə soynə ə̀ zhɨ, kò ghə̀ bè lù pfʉ̀ kənkùmtə̀ kə pfʉ a tʉʼ a Nyìngòŋ ə lu soʼ viʼi”.

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”

Kəmwetə 3:13

A nkiʼ tè ndò kiʼ ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə.”

Kəmwetə 3:6

“A nkiʼ tè ndò kiʼ ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə.”