Ŋwàʼlə̀ Luk 8:3 - The New Testament in the Babanki language

³ A ndiʼ Jowanà, wì wù shyèʼ Helòd yì a və ndzàŋ nə̀ Chuzà, nə̀ Sùsana bènə̀ kyi vətsenvə no və ghoʼo. Vəwenə ngyàmtə̀ tuʼmə nə̀ Yesò wen ndzɨ̀mtə̀sə bàm wen.

Ŋwàʼlə̀ Luk 8:3 Iomraidhean Croise

Matìyò 14:1

Andìʼ a tʉʼ a Helòd a ghə̀ nsoʼo shə Galìlì nzhʉ̀ soʼgho byìʼì nyʉ̀ a Yesò ə̀ nè,

Matìyò 14:3

A nsə ndiʼ a lì mu à ngàʼa tò wen la və ghaʼ Joyn wù ku à mù kwiʼ wen ə̀ mòʼ a mfɨŋ. Ghə̀ nè a lì ando wen Helòd nghaʼ shì Helodiyas wì lèmə̀ wen Filib, Joyn mù sə̀ taŋmə̀.

Matìyò 14:6

A lù sə ndiʼ ando və nzhɨ kətsi kə bwi Helòd, wàyn wùwì Helodiyas vì sə benə fa shɨ viʼi, kənyʉ̀ ki sə fwomə a wèn Helòd no nànto.

Matìyò 2:11

Vəwenə kwen a ngə̀ŋ ə yen wàyn ayì wenə lò wen Mèli, ə gwʉ̀ʼtə alwi vəwenə à wen ashɨ ə kuʼsə wen, ə bòʼtə̀ mbò vəwenə ə shìsə kəku fa tsu a ndiʼi gul, nə̀ silva bènə̀ məzhiʼ mə tsen a və ndzàŋ nə̀ miyif ə ku à wen.

Matìyò 20:8

“A nè sə ndiʼ a zhʉ mpfwomə, tì sɨm ayì gàʼ à kətʉ kə viʼi shwèʼ kì la, ‘Dzàŋtə viʼi shwèʼ ə̀ lòʼ vəwenə, wù nè sə nlòʼò wù zìtə̀ fà vi a mà yì lyɨ̀ a bàm lì dyʉ̀ mèsə̀ nə̀ vi a mà yì lyɨ̀ a mbì lì.’

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 26:11

Viʼi kənfem lu ndiʼ tò diʼi à ghə̀ŋ a ntìntìn alì mà ko diʼ ne faŋ vəghəŋ.

Matìyò 27:55

Ki vətsenvə no vəghoʼo nti no kəghaf lyè nyʉ̀ avenə. Vəwenə mvi fa Galìlì wenə̀ və Yesò jèʼè gyàmtə̀ vì nə̀ wen.

Ŋwàʼlə̀ Luk 24:10

Viʼi a və shə̀ʼtə̀ kənyʉ̀ a viʼi ntem gàʼa Nyìngòŋ ə ndi Mèli, a ghə̀ əlu fa Madalin Jowanà, Mèli ə li Jems bè nə̀ ki ve tsèm a və ndiʼ wen və wen,

Joyn 12:6

Ghə̀ nko gàʼ ali byìʼàndo ghə̀ kusə shinsə a viʼi kəfem. A ndiʼ byìʼàndo ghə̀ ndi tsoŋ, a wʉ̀ wen wʉ̀ kəmbò kə ko, ghə̀ nshisə ko fa tsu gyamtə əwenə wen tsu.

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

2 Kolìntyàns 8:9

Ghə̀ŋ kɨli kòŋ ə kaynəghə yì a Bobo vəghəŋ Yesò Klistò tə kòŋ vəghəŋ. Ghə̀ ndiʼ wu ə ghoʼo ə kaʼkə wù kəfem byìʼì ghə̀ŋ ndiʼ kəfem kəwen kə ne, ghə̀ŋ kiʼi əghoʼ ə Nyìngòŋ.

Filìbàyns 4:22

Viʼi və byɨməvə no vətsèm a shə əbè toŋtə̀ ghə̀ŋ. Ali no vi a və shwèʼè a ntuʼ ə̀ fòyn əghoʼo ə be tɨmə toŋtə à ghə̀ŋ.

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.