Ŋwàʼlə̀ Luk 7:2 - The New Testament in the Babanki language

² Kətʉ kə ve sugyèʼ viʼi Lum vətsenvə ndiʼ tsu, kiʼ wù shyèʼ wen, a ghə̀ nkòŋ wen no nə̀ nànto. Wù shyèʼ a ghèn nkwaʼa no nànto, sə diʼ tò mə pfʉ.

Ŋwàʼlə̀ Luk 7:2 Iomraidhean Croise

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Ŋwàʼlə̀ Luk 23:47

A ndiʼ a zhʉ a kətʉ və sugyèʼ n-yenə kənyʉ̀ a kə nlyɨ̀ kəshi, ghə̀ ghoʼsə Nyìngòŋ ə gàʼ la “Nəmwèʼè, nəmwèʼè wìʼ ghèn nko kiʼi le nyʉ̀.”

Ŋwàʼlə̀ Luk 7:1

Andiʼ ando Yesò ngàʼ alì myètə nyʉ̀ vyi a ghə̀ kəŋ la viʼi zhʉ, ghə̀ bwènə̀ shìʼi a ntə̀ʼ Kàbanùm.

Ŋwàʼlə̀ Luk 7:3

Kətʉ kə və sugyèʼ akyì zhʉ soʼgho byìʼì Yesò ə tɨm vəchəʼ və Jus vətsenvə la və dyʉ̀ ə sènsə wen la ghə̀ vì ə chʉʼ wù shyèʼ wen ayì.

Ŋwàʼlə̀ Luk 8:42

byìʼàndo ghə̀ nkiʼ wàyn wùwì wen tò mùʼ, ghə̀ diʼ ngwʉ̀ʼsə njʉ̀sə̀bò, mu ghə̀ sə pfʉ. Ando Yesò nlu sə dyʉ̀ wenə wen, nòyn viʼi sə fosə wen.

Shwèʼ 10:1

Wutsen ndìʼ a ntə̀ʼ ghoʼo yì a və ndzàŋə̀ nə̀ Sisalìyà a zhiʼ wen ndìʼ Kòneliyòs. Ghə̀ ndìʼ kətʉ kə nòyn ə vəsugyèʼ a və mvì fa Italì.

Shwèʼ 10:7

Ntsɨ̀ŋ ngə̀ŋ Nyìngòŋ ayì nè gàʼ mwètə̀ ə̀ lù. Kòneliyòs dzàŋtə̀ viʼi shwèʼ wen vəbò, ə boʼsə nə̀ sugyèʼ tsen, mùʼ a ghə̀ mbe fànə̀ Nyìngòŋ,

Shwèʼ 22:26

Kətʉ kə vəsugyèʼ akì nè zhʉ̀ kənyʉ̀ akènkə ə̀ dyʉ̀ bèm à kətʉ kə vəsugyèʼ kə ghoʼo kə kì la, “Wù kəŋə ə mwòmsə gho? Wìʼ ghèn dìʼ alə̀ diʼ wù Lum.”

Shwèʼ 23:17

Bol dzàŋtə̀ kətʉ kə vəsugyèʼ kətsenkə ə̀ gàʼ à wen la, “Lyɨ wàyndyə nkùŋ ghèn ə̀ dyʉ̀ nə̀ wen à kətʉ kə vəsugyèʼ kə ghoʼo kə. Ghə̀ kìʼ kənyʉ̀ əshə̀ʼtə̀ à wen.”

Shwèʼ 27:1

Andìʼ ando və nghʉ li la yès kwenə a kəbaŋ kə à mù ə̀ dyʉ̀ a Italì, və ku Bol wenə̀ viʼi mfɨŋ vətsenvə à kətʉ kə vəsugyèʼ viʼi Lum kətsenkə, zhiʼ wen diʼ Juliyòs. Və ndzàŋə̀ nòyn Vəsugyèʼ a vyi nə̀ vəsugyèʼ və Fòn ghoʼo.

Shwèʼ 27:3

Tʉʼ lan yès dyʉ̀ zaʼa a Sidòn, Juliyòs nkìʼ tyɨm jùŋghə à Bol ə̀ ghʉ̀sə wen la ghə̀ dyʉ̀ yen viʼi ndoŋsə wen ə̀ kiʼi fo a ghə̀ nkəŋə.

Shwèʼ 27:43

alì kətʉ kə vəsugyèʼ kì sə kəŋə ə bwòŋsə̀ Bol mù gàʼ à vəwenə la kə vəwenə à mwòm, ə̀ bòŋsə̀ gàʼ la no ndò a ghə̀ zì ghə̀ sàm tsòʼ ə̀ fʉ̀ a mbì ə sàm ə̀ tɨ̀m.

Kòlòsyàns 3:22

Ghə̀ŋ viʼi vi a ghə̀ŋ shwèʼè to ne əkosə, ghə̀ŋ zhʉ fa vətìʼ və əshwèʼè ghə̀ŋ vi a və diʼi a nse no nyʉ̀ ə tsèm. Kə ghə̀ŋ ne kənyʉ̀ azhʉ̀ a ghə̀ŋ kəŋ la vəwenə yen ə kòŋ ghə̀ŋ. Ghə̀ŋ nshwèʼè nə̀ tyɨm ə ghəŋə no tsèm to nə̀ viʼi vyi a və əfwaynə Nyìngòŋ.