Ŋwàʼlə̀ Luk 7:16 - The New Testament in the Babanki language

¹⁶ Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Ŋwàʼlə̀ Luk 7:16 Iomraidhean Croise

Matìyò 15:31

Viʼi vi sə diʼ nə̀ kaynə ando və nyenə la bɨbɨ̀ sə bwènsə̀ gàʼà, və ngesə̀ fwen nə̀ viʼi kənkwàʼkə̀ be bwènsə̀ jèʼè tò a nkayn, bènə̀ la nshɨ̀f nsə̀ bwènsə̀ yenə shi. Vəwenə yen a lì sə̀ ghoʼsə̀ Nyìngòŋ viʼi Islel.

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Matìyò 28:8

Ki vi zàŋsə̀ lù fa benə sè yì nə̀ fanə alì saŋlə̀ no nànto mù nyɨŋ ədyʉ̀ shə̀ʼtə̀ à ndzɨ̀mtə̀sə bàm Yesò.

Matìyò 9:8

Viʼi nè yen alì sə fàyn no ŋàŋ, bè mù sə̀ kuʼsə Nyìngòŋ ando ghə̀ ku nki àdyoʼ a ghèn à viʼi.

Ŋwàʼlə̀ Luk 1:65

Kənyʉ̀ a kyi sə̀ fàynsə̀ a viʼi ntə̀ʼ a vyi no nə̀ nànto. Soʼgho ayì jèʼ a tyì loʼ Judiyà no tsèm a ndiʼ loʼ pfensə.

Ŋwàʼlə̀ Luk 1:68

“Kuʼsə diʼ à Bobo Nyìngòŋ viʼi Islel byìʼì ando ghə̀ vili ə ghayntə viʼi wen bè zen kətʉ kə vəwenə.

Ŋwàʼlə̀ Luk 19:44

Vəwenə lu tsə̀ʼsə ghə̀ŋ no vətsèm boʼsə nə̀ vunə vəŋə. Ngùʼ ko lə faŋ a kətʉ ghə̀ tsen a shə̀ byiʼ ando ghə̀ŋ nko nkɨ zhʉ yi a Nyìngòŋ nvì əbwàʼsə ghə̀ŋ.”

Ŋwàʼlə̀ Luk 2:20

Ntsɨŋsə nyamsə sensə bwènə̀ dyʉ̀ zhɨmə ndzàŋsə ghoʼsə Nyìngòŋ a nyʉ̀ ə tsèm a vəwenə zhʉ bè yen a ntsɨŋsə Nyìngòŋ sə ngàʼà.

Ŋwàʼlə̀ Luk 24:19

Ghə̀ bwènsə̀ bèm a vəwenə la “Nyʉ̀ kò?” Vəwenə gàʼ a wen la “Nyʉ̀ kumsə Yesò wu Nazalèt, a ndiʼi nshyə̀ʼtə̀ ghoʼo. Ghə̀ əgaʼa bè nè nyʉ ghoʼkəvə a Nyìngòŋ viʼi bè byɨmə.

Ŋwàʼlə̀ Luk 5:26

Vəwenə sə diʼ nə̀ kàynə, fàyn ghaʼ vəwenə, vəwenə bwomsə Nyìngòŋ gàʼ à la, “Vəghəŋ yenli nyʉ̀ kàynə və layn!”

Ŋwàʼlə̀ Luk 5:8

A ndiʼ ando Simùn Bità nyenə kənyʉ̀ a kə nlyɨ̀ kəshi, ghə̀ shiʼi à wen alwi ashɨ Yesò ə gàʼ a wen la, “Lu fa mò a mbyɨ̀ a Tìʼ. Mà diʼ wu ə byɨ!”

Ŋwàʼlə̀ Luk 7:15

Wu pfʉ ayì lù ŋwʉʼʉ ə zìtə̀ sə gàʼà. Yesò lyɨ̀ wen ə bwènsə̀ ku wen à lì wen.

Ŋwàʼlə̀ Luk 7:39

Ando wù Falàsi yì a ghə̀ nlaʼà Yesò, nyen kənyʉ̀ akyì sə gàʼà a wen a ngə̀ŋ la, “Wìʼ ghèn tu ndìʼ nshə̀ʼtə̀ ghoʼo, mu ghə̀ kɨ li nkì wùwì ghèn a ghə̀ kùmə̀ wen lə̀ dìʼ wù nyʉ̀ byɨvə.”

Ŋwàʼlə̀ Luk 8:37

Viʼi və tsèm a mbyɨ̀ loʼ Gelasenes gàʼ à Yesò la ghə̀ lu fa vəwenə a ntìntìn byìʼàndo vəwenə fàynə no nànto. Yesò kwen a nkanuʼ mù sə kəŋ lù.

Ŋwàʼlə̀ Luk 9:19

Vəwenə bwènsə̀ la “Və gàʼà la wu diʼ Joyn wù Ku Amù, vətsenvə gàʼà la wù diʼi nshə̀ʼtə̀ Elijà, vətsenvə gàʼà la wù diʼ nshə̀ʼtə̀ mu tsen a ghə̀ bwènə̀ nlù fa pfʉ.”

Joyn 1:21

Vəwenə be bèm kwʉ̀ʼsə a wen la, “Wù ə diʼ no ndò? A diʼ wu Ilajà mu?” Joyn gàʼ la ghə̀ ko diʼ Ilajà. Vəwenə be mù bèm la ghə̀ diʼ Nshə̀ʼtə̀ ə ghoʼo yì a və ə kəʼtə li mu? Joyn ə bè tensə tò tensə.

Joyn 1:25

Vəwenə ə bèm mwètə̀ a wen la, “Wu ə ko diʼ wìʼ a və tsuʼ li, ko ndiʼ la wu diʼ Ilajà, ko Nshə̀ʼtə̀ ə ghoʼo yì a və ə kə̀ʼtə̀, ə sə kù mu mə ghò?”

Joyn 4:19

Wùwì ghèn gàʼ a wen la, “Ma yen li a Tikəbəŋ la wù diʼi nshə̀ʼtə̀ ə ghoʼo.

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Joyn 9:17

Və laʼtə to alə, vəwenə be bwensə bèm a wìʼ ghèn a Yesò ə chʉʼ li la, “Nò wù ə kwoʼtə la gho kumə wen a? A ko ghə̀ tə chʉʼ ashɨ a wu.” Wìʼ ghèn ə bwensə la, “Ghə̀ diʼ nshə̀ʼtə̀ ə ghoʼo.”

Shwèʼ 5:5

Ando Ananyàs nzhʉ̀ kənyʉ̀ a kèn no a zhʉ̀ kò, ə̀ fəŋ a nse ə̀ pfʉ. Ə̀ fàyn ghoʼo ghə̀ ghaʼ viʼi no vətsèm a və nzhʉ kənyʉ̀ a kènkə.

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’

Gàlesìyà 1:24

Vəwenə mù sə bwomsə Nyìngòŋ byìʼì mò.