Ŋwàʼlə̀ Luk 3:1 - The New Testament in the Babanki language

¹ A ndiʼ ngwʉʼ njʉ̀sə̀ tàyn ando Fòyn Tibeliyus Kaysa nsoʼo a Lum, Bontiyùs Bilate ndiʼ kətʉ a loʼ Judiyà, Helòd diʼ fòyn a loʼ Galìlì ando lèmə wen nsoʼo shə loʼ yi a və ndzàŋ nə̀ Ituliyà nə̀ Tilàkonaytis ə lisaniyas nsoʼo Abɨlin.

Ŋwàʼlə̀ Luk 3:1 Iomraidhean Croise

Matìyò 14:1

Andìʼ a tʉʼ a Helòd a ghə̀ nsoʼo shə Galìlì nzhʉ̀ soʼgho byìʼì nyʉ̀ a Yesò ə̀ nè,

Matìyò 14:3

A nsə ndiʼ a lì mu à ngàʼa tò wen la və ghaʼ Joyn wù ku à mù kwiʼ wen ə̀ mòʼ a mfɨŋ. Ghə̀ nè a lì ando wen Helòd nghaʼ shì Helodiyas wì lèmə̀ wen Filib, Joyn mù sə̀ taŋmə̀.

Matìyò 14:6

A lù sə ndiʼ ando və nzhɨ kətsi kə bwi Helòd, wàyn wùwì Helodiyas vì sə benə fa shɨ viʼi, kənyʉ̀ ki sə fwomə a wèn Helòd no nànto.

Matìyò 22:17

Shə̀ʼtə̀ lì à yès la à wù a kwòʼtə̀ soʼo vəghəŋ lè byɨmə la və loʼ kənsè à Kaysa andiʼì fòyn ghoʼo a loʼ Lum mu ghə̀ ko byɨmə à?”

Matìyò 27:2

kwìʼi wen ə lyɨ̀ wen dyʉ̀ kù à Bilate a fòyn Lum nghʉ̀ la ghə̀ nsoʼo shə Judiyà.

Ŋwàʼlə̀ Mak 6:17

Helòd ndìʼ mu ghə̀ ngàʼà li tò fà wen a ngə̀ŋ la və ghaʼ Joyn wù ku à mù ə̀ shwìn a mfɨŋ byìʼàndo no wen Helòd nghaʼ li shì Helodiyas ə̀ lam no tè ando andìʼ wì lèmə̀ wen Filib.

Ŋwàʼlə̀ Mak 6:21

Helodiyas yen ji kətsi kətsenkə. Andìʼ kətsi a Helòd nzhɨ kətsi kə bwi wen, wenə̀ viʼi a wenə̀ vəwenə nsoʼo loʼ, nə̀ tʉ vəsugyèʼ bènə̀ ngəʼsə loʼ sə tsensə a loʼ Galìlì.

Ŋwàʼlə̀ Luk 13:31

Tò a zhʉ ayì, viʼi Falàsi vətsen və vi yen Yesò ə gàʼ à wen la, “Wù diʼi lù fa shə̀ ə dyʉ̀ a kəshi kə kədyàŋ byiʼ ando fòyn Helòd sə kəŋ ne zhwi wù.”

Ŋwàʼlə̀ Luk 2:1

A bè ndiʼ a tʉʼ ayì mu fòyn Augustus kuli soʼ la və nyoʼ təzhiʼ tə viʼi no vətsèm a tə̀loʼ tə̀tsèm a ti nə̀ Lum.

Ŋwàʼlə̀ Luk 23:24

Bilate mù byɨmə la və bayntə Yesò ando viʼi venə nkəŋ.

Ŋwàʼlə̀ Luk 3:19

Kə ndiʼ ali Joyn lù ə ghàm fòyn Helòd a ghə̀ nsoʼo shə loʼo tsèn ghə̀ a ndiʼ ando ghə̀ ghaʼ shi Helodiyas a ndiʼi wì lèmə̀ wen ə bè nè nyʉ̀ byɨvə tsen və.

Ŋwàʼlə̀ Luk 9:7

Helòd ando ghə̀ nsoʼ shə Galìlì tsen ghə̀ nè zhʉ nyʉ̀ tsèm a və nchò,və sə zhuŋsə wen, byìʼàndo viʼi vətsen və ngàʼ à wen la Joyn wù Ku Amù bwènsə̀li nlù fa pfʉ,

Shwèʼ 23:26

“A nyòʼ mò Klodùs Lysiyas, nyoʼ ŋwàʼlə̀ ghèn à wù a Felik Gumnà jùŋə. Mà tɨmə toŋtə à wù.

Shwèʼ 24:27

Ngwʉ̀ʼsə nè chò səbò, Bolsiyùs Festus vì lyɨ̀ kəshi kə Felik a nə̀ gumnà. Felik sə nlù ghʉ̀sə tò Bol a mfɨŋ byìʼàndo ghə̀ nkəŋə la Vəjew nkòŋə̀ wen.

Shwèʼ 26:30

Fòyn mù lù wenə̀ gumnà nə̀ Beniys bènə̀ viʼi vi a wenə̀ vəwenə ndìʼ a muʼu

Shwèʼ 4:27

A le kənyʉ̀ a kə ncho a ntə̀ʼ a shèn. Fòn Helòd wenə̀ Bontiyùs Bilate nə̀ viʼi tɨm vətsenvə bènə̀ viʼi Islel ə̀ zhùŋtə̀ sə̀ baʼtə̀ əsoyn Yesò, wù shwèʼ wu ŋwoʼə yì a wu ntsuʼ li ə̀ ghʉ.