Bìoball air-loidhne

Ŋwàʼlə̀ Luk 22:53 - The New Testament in the Babanki language

⁵³ A ndiʼ a tʉʼ a ma ndiʼi vəghəŋ a tyì ngə̀ŋ Nyìngòŋ kò ghə̀ŋ lə ghaʼa mo; alì ghèn diʼ zhʉ a Satan tì nfɨnə̀ soʼo tsu.”

Faic an caibideil Dèan lethbhreac

« Roimhe

dol air ais ⬆

Air adhart »

Ŋwàʼlə̀ Luk 22:53
20 Iomraidhean Croise

Matìyò 21:23

Yesò bwènə̀ dyʉ̀ kwen a ngə̀ŋ Nyìngòŋ mù sə nziʼi viʼi tsu, tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ vì bèm à wen la, “Wù nè nyʉ̀ venə nə̀ kədyòʼ kə mu kə lù fa fe? A ku ndò ku kədyòʼ a kènkə à wù a?”

Faic an caibideil

Ŋwàʼlə̀ Luk 22:52

Yesò mù bèm à tʉtʉ vəpfèm və Nyìngòŋ nə̀ tʉtʉ viʼi ntsɨ̀ŋsə ngə̀ŋ Nyìngòŋ bènə̀ və chəʼ vətsenvə a və nvì əghaʼ wen la “Ghə̀ŋ vì nə̀ nyisə, nə̀ mbàŋsə əvì ghaʼ mo sə ma diʼ tsoŋ ale?

Faic an caibideil

Ŋwàʼlə̀ Luk 22:54

Viʼi a vyi mù ghaʼ Yesò lu nə̀ wen, ə̀ dyʉ̀ nə̀ wen a ngə̀ŋ kətʉ kə tʉtʉ vəpfèm və Nyìngòŋ, Bità dzɨ̀mtə̀ nò fa kəghaf.

Faic an caibideil

Joyn 12:27

Yesò ə be mu gàʼ la, “Luwen diʼ alə̀ kwoʼtə ə ghomə ku ngəʼ a mò no nànto, ma ko kɨ la ma gaʼa la gho lo, la, ‘Tìʼ ghom, kə wù a byɨmə ngəʼ na ghèn vi a mò mu?’ Nò tèbe ali, mà tə vi a nse ə yenə ngəʼ na ghèn.

Faic an caibideil

Joyn 13:30

Judàs ə shi kəbayn kì fa Yesò no zhʉ̀ko, ə fʉ̀ dyʉ̀ a kəbəŋ kə fenəkə.

Faic an caibideil

Joyn 14:30

Ma ko be a gaʼa a ghə̀ŋ luwen no nànto byìʼàndo fòyn mbyi ghèn sə vì. Ghə̀ ko kiʼi kədyòʼ kə tsèn a mo kətʉ,

Faic an caibideil

Joyn 7:30

Ghə̀ gaʼa ali, və sə kəŋ ə ghaʼ wen, ali wìʼ ko ə mwomsə byìʼàndo zhʉ yi a Nyìngòŋ ə nghʉ la və lu ghaʼa wen ə ko təmə kwʉʼ.

Faic an caibideil

Joyn 7:45

Vəsugyèʼ vyi na bwenə dyʉ̀, vəpfèm və ngə̀ŋ Nyìngòŋ nə̀ viʼi Falàsi ə bèm a vəwenə la, “Ghə̀ŋ faŋ ke ghaʼ wen ə vì nə̀ wen byìʼì gho?”

Faic an caibideil

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Faic an caibideil

Efisyàns 6:12

Ghə̀ŋ ne alə byìʼì ando vəghəŋ ko ə soynə tebè viʼi. Vəghəŋ ə boŋsə soynə əzhwì byɨvə vi a və diʼ a akàŋ nə̀ adyòʼ vi a və soʼo mbyi ghèn no ə tsèm nə̀ Vənyìngòŋ və mbyi a vəghəŋ diʼ tsu le, a və diʼ to nə̀ kəbəŋ kə fənəkə lə.

Faic an caibideil

Kòlòsyàns 1:13

Ghə̀ bwoŋsə li vəghəŋ fa tì kədyoʼkə kəbəŋ kəfenəkə ə lyɨ̀ vi nə̀ vəghəŋ akəshi kə əfòyn ə Wàyn əkòŋ əwen.

Faic an caibideil

Lean sinn:

Ceanglaichean taic

Sanasan

Ŋwàʼlə̀ Luk 22:53 - The New Testament in the Babanki language

Ŋwàʼlə̀ Luk 22:5320 Iomraidhean Croise

Ŋwàʼlə̀ Luk 22:53
20 Iomraidhean Croise