Ŋwàʼlə̀ Luk 18:23 - The New Testament in the Babanki language

²³ Kətʉ a kyì nè zhʉ kənyʉ̀ na kèn, kə nè, ghə̀ sə̀ diʼ tò nshinsə a nshinsə byìʼì ghə̀ ndiʼi no wù ghoʼo.

Ŋwàʼlə̀ Luk 18:23 Iomraidhean Croise

1 Joyn 2:15

Kə ghə̀ŋ a nkòŋə̀ mbi ghèn ko tè fo vi a və diʼi tsu. A nkòŋə̀ tè ndò ə kòŋə̀ mbi ghèn, kə a ndiʼi la ghə̀ ko kòŋ Tìʼ.

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

Ŋwàʼlə̀ Mak 10:22

Ghə̀ nè zhʉ gàʼa Yesò aghenə, kəʼə wen byɨf no tsèm, ghə̀ lù kò ghə̀ mbè saŋlə̀ byìʼàndo ghə̀ nkiʼi ghoʼ no a nkàyn.

Matìyò 19:22

Andìʼ a zhʉ a wàyn wùlɨm a yì nzhʉ, kənyʉ̀ akì ghə̀ lù kò ghə̀ be nsaŋlə̀ byìʼàndo ghə̀ nkìʼ ghoʼ no ghoʼo.

Kòlòsyàns 3:5

Ghə̀ŋ maʼa nyʉ̀ ə byɨvə no ətsèm. Kə wìʼ ə tsi nə̀ wùwì a kodiʼ wi wen kò nə̀ wulɨm a kodiʼ lɨmə wen. Ghə̀ŋ maʼa ətsìnə̀sə kəfwaʼlə. Kə ghə̀ŋ kiʼi əkwoʼtə a ghə kòŋə̀ ə nè mbyɨ. Ghə̀ŋ maʼa ashɨ bòghə byìʼì ando ashɨ bòghə diʼi la ghə̀ŋ gumlə əfo ə nse, a kodiʼ Nyìngòŋ.

Filìbàyns 3:8

A ko diʼ to Wokèn. Mà yenə luwèn la ənyʉ̀ avenə tə nsù diʼ kənlè byìʼàndo kənyʉ̀ kə tokə à mò dìʼ la mà diʼi kɨ Yesò Klistò ə Bobo ə̀ ghom. Mà maʼà li no tè ghò a mà tə nè. Ma yen li luwen la a diʼ kəmɨ̀ŋ ndi ə ndiʼ wù Klistò

Efisyàns 5:5

Ghə̀ŋ kɨ nəmwèʼè la viʼi vyi a və dzɨ̀mtə̀ ki kò viʼi a və dzɨ̀mtə̀ lʉ̀mə nə̀ viʼi a və ne nyʉ̀ ə kəfwaʼlə ə tsenəvə nə̀ viʼi a ashɨ ə vəwenə bàŋ (a diʼ ji ə tsen ə nkuʼsə nshəʼsə) ə ko lu kwen akəshi kə əfòyn ə Klistò wenə Nyìngòŋ.

Ŋwàʼlə̀ Luk 19:8

Zàkyòs lù tɨmə ə gàʼ à Bobo la, “Zhʉtə a, Bobo, mà a gə̀ fo no tsèm a ma kiʼi a kə̀ ntìntìn ə ku viʼi kəmfem. A be sə tsèn ndiʼ la ma nshi li kəfo kə wìʼ kəmùʼ a kədyòʼ mà bwènsə̀ ku kàʼ à wen.”

Ŋwàʼlə̀ Luk 18:22

Yesò zhʉ alì ə gàʼ à wen la, “Wù bù kiʼi kənyʉ̀ kə mùʼ ənè, dyʉ̀ ə baʼlə fo vyə tsèm ə ku ko yi a viʼi kəmfem ndi lu kiʼi ghoʼo wu a kàŋ. Wù nè ne alì, wu vi ə dzɨ̀mtə̀ mò.”

Ŋwàʼlə̀ Luk 18:24

Yesò ki wen mù gàʼa la, “Kə to no nə̀ nànto à viʼi və ghoʼkə və vəwenə kwen a kəshi kə soʼ fòyn Nyìngòŋ!