Ŋwàʼlə̀ Luk 16:2 - The New Testament in the Babanki language

² Wù ghoʼ ayi dzàŋ wen ə bèm à wen la, ‘Ma zhʉ la ghò byìʼì wù a? Diʼi à mò la, à kwen gho, à fʉ̀ ghò lo? Zhʉ kwʉʼli a wù à fʉ̀ fa shwèʼ.’

Ŋwàʼlə̀ Luk 16:2 Iomraidhean Croise

Matìyò 12:36

“Mà gàʼà à ghə̀ŋ la, à lu ndiʼ a kətsi kə nsoʼ Nyìngòŋ, no ndò lu shə̀ʼtə̀ chʉ wen byìʼì no məghò a ghə̀ ntɨmə li gàʼ a ghə̀ nko diʼ gàʼ.

Matìyò 20:8

“A nè sə ndiʼ a zhʉ mpfwomə, tì sɨm ayì gàʼ à kətʉ kə viʼi shwèʼ kì la, ‘Dzàŋtə viʼi shwèʼ ə̀ lòʼ vəwenə, wù nè sə nlòʼò wù zìtə̀ fà vi a mà yì lyɨ̀ a bàm lì dyʉ̀ mèsə̀ nə̀ vi a mà yì lyɨ̀ a mbì lì.’

Ŋwàʼlə̀ Luk 12:20

Ali Nyìngòŋ gàʼà wen la, ‘Kəndzɨ̀ŋtə̀ kə kəfo kətsenkə, wù a pfʉ̀ tò nətʉʼʉ layn. Wu le a pfʉ̀ à lyɨ̀ ndò fo venə a wù tə̀ ghʉ à wù ngə̀ŋ lə a?’”

Ŋwàʼlə̀ Luk 12:42

Bobo bwènsə̀ la, “Wù shyèʼ yi a ghə̀ zhʉmə ti shyèʼ wen diʼ wìʼ ko? A diʼ wìʼ yi a ti shyèʼ diʼi sə ndyʉ̀ a jèʼ, ghə̀ ghʉ wen a mbì, ə ku kədyòʼ a wen ndi ghə̀ ntùʼmə̀ nə̀ ngə̀ŋ wen be ku fozhɨvə a viʼi shyèʼ vətsen vyi a zhʉ a zhʉ kwʉʼə̀.

Ŋwàʼlə̀ Luk 16:1

Yesò bè mò fətitì fə tsenfə à ndzɨ̀mtə̀sə bàm wen la, “Wù ghoʼo tsen nlù kìʼ wù shwèʼ a ghə̀ nghʉ la ghə̀ ntùʼmə̀ nə̀ ghoʼ wen. Tʉʼ layn, viʼi gàʼ à wen la wìʼ ayi byɨsə̀ fo wen tò kədyàŋ.

Ŋwàʼlə̀ Luk 16:3

Wù shwèʼ ayì mù sə kayntə la yi la nè gho ando tìʼ shwèʼ wen sə kəŋ ə shisə yi fa shwèʼ lə̀ lo. Yi ko kiʼ kədyòʼ ə nə̀ jèʼè tuŋə̀ shi a ko, kətʉ kyi be diʼi ə jèʼè loynə.

Lumans 14:12

Kə le diʼi la no ndò a vəghəŋ a ntìntìn lu taŋ əchʉ̀ ə wen a Nyìngòŋ ə kumə ntsìnə̀ wen.

1 Kolìntyàns 1:11

Ma gàʼà alə̀ a vəlemə vwomə byìʼì ando viʼi ngwaʼa ngə̀ŋ ə Kɨ̀lowè vətsenvə shə̀ʼtə̀ li a mò la kəngùmə̀ kə diʼ ghə̀ŋ a ntìntìn.

1 Kolìntyàns 4:2

Nò kənyʉ̀ kə tokə a viʼi ə venə diʼ la vəwenə diʼ ndiʼi, la vəwenə ə shyèʼ to no nəmwèʼè.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

1 Timotì 4:14

Kə wù a lyesə kəku ki a Kəzhwì kə Ŋwòʼəkə ə ku li à wù lì ando nshə̀ʼtə̀sə ghoʼkəsə ngaʼà ənyʉ̀ byìʼì wù, to ando və vəchəʼ və ngə̀ŋ Nyìngòŋ vi ə ghʉ avu a wù a kətʉ.

1 Timotì 5:24

Viʼi vətsenvə ə ne ənyʉ̀ ə byɨvə, ə dìʼ a ndayn, diʼi tò no la kə sə dìʼ ə Nyìngòŋ soʼ vəwenə, viʼi vətsenvə ne ənyʉ̀ ə byɨvə, və lyɨ̀ zhʉ mimbu və fʉ a ndayn.

1 Bità 4:10

Nyìngòŋ ə bwàʼsə li ghə̀ŋ ə ku mə ku to a tənkì a tənki. Kə lə diʼi la no ndò ə diʼ ə lyɨ̀ kəku kə wen kì a Nyìngòŋ ə ku li ə nè jùŋ a viʼi vətsenvə nə̀ kəwenkə to nə̀ viʼi shyèʼ və jùŋvə Nyìngòŋ.

1 Bità 4:5

Alì, kətsi kə ə kuʼu vì a Nyìngòŋ lu soʼ viʼi vətsèm, soʼ və to və benə və pfʉkəvə. Vəwenə lu taŋ chʉ̀ vəwenə a Nyìngòŋ.

Kəmwetə 20:12

A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.