Ŋwàʼlə̀ Luk 12:4 - The New Testament in the Babanki language

⁴ “Mà gàʼà ghə̀ŋ a ndoŋ shomsə la, kə ghə̀ŋ à fàyn viʼi vyì a və zì və zhwi tò kətsoʼ kə wèn wìʼ, ali kò nkiʼ la vəwenə bè kiʼ kənyʉ̀ kə tsen kə be nè fa bàm tsu.

Ŋwàʼlə̀ Luk 12:4 Iomraidhean Croise

Matìyò 10:28

Kə ghə̀ŋ ə fàyn viʼi vyì a və zi ə və zhwì toʼ kətsoʼ kəwen ə wìʼ, alì mu və zi ko və zhwi kəzhwì kə wen. Ghə̀ŋ nə̀ bòŋsə fàyn tò Nyìngòŋ. Ghə̀ kiʼ kədyòʼ ə byɨsə kəzhwì kə wìʼ nə̀ kətsoʼ kə wen a zhìʼ.

Joyn 15:13

Wìʼ zizi ko ghə̀ lu be diʼi kòŋ, ghə̀ chò ando wìʼ ə kòŋ ndoŋsə wen ə pfʉ a vəwenə.

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 4:13

Bità gàʼ a lì, viʼi a vyi yen nki tətyɨm tətotə tì a wenə̀ Joyn nkìʼ be kɨ la vəwenə diʼ to mbʉ viʼi byìʼàndo vəwenə nko kɨ ŋwàʼlə̀. A ndìʼ a zhʉ ayì a vəwenə mù be kɨ̀ la Bità wenə̀ Joyn ndìʼ viʼi jèʼè Yesò.

Filìbàyns 1:28

Kə ghə̀ŋ nè fwàynə̀ viʼi vyi a və tamə ghə̀ŋ. Ghə̀ŋ nè kiʼ ətyɨm ə to ghə̀. Ghə̀ŋ sətsen ə nè alə, ghə̀ŋ diʼi a vəwenə la Nyìngòŋ a byɨbsə vəwenə ə bwoŋsə ghə̀ŋ. A diʼ shyèʼ Nyìngòŋ.

Jems 2:23

Kə nchò a lì mù lwinsə kəshi kì a ŋwàʼlə̀ Nyìngòŋ a kə gàʼà la, “Ablaham ə mbyɨmə li Nyìngòŋ. Byìʼì byɨmə wen ayì, Nyìngòŋ lyɨ̀ wen a nə̀ wù nəmwèʼè.” Nyìngòŋ mu sə̀ dzàŋə̀ Ablaham nə̀ wù ndoŋ ə̀ wen.

1 Bità 3:14

Alì ghə̀ŋ sətsen ə yenə ngəʼ byìʼì ando ghə̀ŋ ne nyʉ̀ ə jùŋə və, Nyìngòŋ a bwàʼsə ghə̀ŋ. Və nyoʼo li a Ŋwàʼlə̀ Nyìngòŋ la, “kə ghə̀ŋ ne fwàynə̀ viʼi vyi a və tsuʼ kəghʉ ə kəŋkə̀, kə kəlem əkəŋkə ne tinkə̀”

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.