Ŋwàʼlə̀ Luk 11:9 - The New Testament in the Babanki language

⁹ Ma sə shə̀ʼtə̀ à ghə̀ŋ la, ghə̀ŋ bèm a və ne ku à ghə̀ŋ, ə kəŋ a ghə̀ŋ ne yen bè kùmtə ngə̀ŋ a və ne bòʼ a ghə̀ŋ.

Ŋwàʼlə̀ Luk 11:9 Iomraidhean Croise

Matìyò 21:22

Ghə̀ŋ sətsèn njɨ̀mə̀ bèmə̀ no ghò à Nyìngòŋ ghə̀ à kù à ghə̀ŋ a zhʉ a ghə̀ŋ kiʼi byɨmə.”

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Matìyò 6:29

Ma ə gàʼa a ghə̀ŋ la, no mə fòyn Sòlomùyn be nə̀ əghoʼ yi a ghə̀ ə nkiʼ no ə tsèm ə ko lu ə lafə zaʼa a kəlaŋ kə mùʼ a ntìntìn əlaŋ a venə.

Ŋwàʼlə̀ Mak 11:24

Ma mù sə gàʼà à ghə̀ŋ la ghə̀ŋ sətsèn njɨ̀mə̀ bèmə̀ no ghò à Nyìngòŋ byɨmə la ghə̀ŋ kiʼi li kəfo akì mu ghə̀ŋ ne kiʼi.

Ŋwàʼlə̀ Mak 13:37

Kənyʉ̀ kèn a ma gàʼà à ghə̀ŋ lə ə dyʉ̀ à viʼi vətsèm. Ghə̀ŋ mbvʉ̀tə̀.”

Ŋwàʼlə̀ Luk 11:10

Byìʼì no ndò a ghə̀ bèm, və a ku à wen, no ndò a ghə̀ kəŋ, ghə̀ à yen, à be kùmtə̀ no ndò kùmtə̀ chʉ̀ ngə̀ŋ və à boʼ à wen.

Joyn 14:13

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn.

Joyn 15:16

A ko tə tsuʼ ghə̀ŋ tsuʼ mo. A tə lù mò tsuʼ ghə̀ŋ ə tɨm la ghə̀ŋ dyʉ̀ ə kumə ashɨ, a diʼ a yi a ghə̀ zizi ghə̀ tsi faŋ. Ghə̀ŋ nè ali, Tìʼ ghom a ku no tèbe ghò yi a ghə̀ŋ bèmə fa wen chò fa mo azhiʼ.

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

2 Kolìntyàns 6:2

A Nyìngòŋ ə gaʼa li la: “A na ndiʼ ando əzhʉ̀ kwʉʼʉ li mà zhʉtə kənyʉ̀ ki a wù gaʼa ə gyàmtə̀ wù, Kətsi kə kwʉ̀ʼ la mà bwoŋsə wù, ma bwoŋsə”. Ghə̀ŋ zhʉtə! Luwen diʼ tò nò əzhʉ̀ yi a Nyìngòŋ ə ghʉ̀. Layn diʼ kətsi kì a zizi ghə̀ bwoŋsə ghə̀ŋ.

Hibùlù 11:6

Wìʼ faŋ ke nkiʼi əbyɨmə ko ghə̀ a ne kənyʉ̀ kə ne Nyìngòŋ saŋlə. No ndò a ghə̀ kəŋ ə nkuʼsə Nyìngòŋ, diʼ ə byɨmə la ghə̀ diʼ, bwaʼsə viʼi vyi a və kəŋ kɨ Nyìngòŋ.

Hibùlù 4:16

A lə kənyʉ̀ ki a kə bòŋ la vəghəŋ maʼa əfwàyn ə vi boʼsə kəkɨ kə təfòyn yi a Nyìngòŋ ne diʼi ətyɨm ə jùŋə ghə̀ a viʼi a vyi. Ghə̀ kiʼi ətyɨm ə jùŋə ghə̀, diʼ ə nə̀ kusə shɨnsə a vəghəŋ, ə gyamtə vəghəŋ azhʉ ngəʼ.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Jems 5:15

Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.

1 Joyn 3:22

mu vəghəŋ bèm no tè ghò à wen, ghə̀ à ku byìʼe vəghəŋ ə ghʉ təsoʼ tə wen be nè nyʉ̀ a ghə̀ kòŋə̀.

Kəmwetə 2:24

Ghə̀ŋ vətsenvə diʼ a Tatiliyà a ghə̀ŋ tyen li təziʼi tə byɨtə a tèntə, ghə̀ŋ ko ziʼi ənyʉ̀ vyi a viʼi vətsenvə dzàŋə̀ nə̀ ənyʉ̀ lyomtəvə Satan. Mà sə gàʼà à ghə̀ŋ la mà ko be a ku kəbyèʼè kətsenkə à ghə̀ŋ.