Ŋwàʼlə̀ Luk 10:7 - The New Testament in the Babanki language

⁷ Ghə̀ŋ kwen, ghə̀ŋ faŋ tò kəbəŋ ayì ə zhɨ bè nyʉ no ghò a və ku à ghə̀ŋ byiʼàndo wù shyèʼ diʼi kiʼ lòʼ wen. Kə ghə̀ŋ à dyàŋtə məbəŋ.

Ŋwàʼlə̀ Luk 10:7 Iomraidhean Croise

Ŋwàʼlə̀ Mak 6:10

Ghə̀ bè gàʼ à vəwenə la, “Ghə̀ŋ kwen no a ntə̀ʼ ko, ko no te a ngə̀ŋ ko, və shisə ghə̀ŋ tsu, ghə̀ŋ ntsi tò tsu əzaʼa fa zhʉ a ghə̀ŋ ne lù fa ntə̀ʼ ayì ko fa ngə̀ŋ ayì.

Ŋwàʼlə̀ Luk 10:6

Wìʼ sətsèn ndiʼ a kəbəŋ ayì a ghə̀ kòŋ mbwaʼmə, mbwaʼmə ayì à dyʉ̀ à wen. Wìʼ sətsèn faŋ ke ndiʼ, mbwaʼmə ayì bwènə̀ vì à ghə̀ŋ.

Ŋwàʼlə̀ Luk 9:4

Ghə̀ŋ dyʉ̀ no à ntə̀ʼ ko ayì, ə kwen no a ngə̀ŋ ko, ghə̀ŋ ntsi tò tsu əzaʼa fa zhʉ a ghə̀ŋ lə lù fa ntə̀ʼ ayì.

Shwèʼ 16:15

Və ku mu à wen bènə̀ à viʼi vi a wenə̀ vəwenə ntsi a muʼu. Ghə̀ mù gàʼ à yès la, “Ghə̀ŋ vi lì ntsi a mò a ngə̀ŋ, ando ghə̀ŋ yen li la mà byɨmə li nəmwèʼè à Bobo lə̀.” Ghə̀ faŋ ə̀ sə̀ sensə̀ yès tò sensə, yès kaʼa dyʉ̀.

Shwèʼ 16:34

Wìʼ ayì lyɨ̀ Bol wenə̀ Silàs ə̀ dyʉ̀ wenə̀ vəwenə à wen a ngə̀ŋ ə̀ kù kəfo vəwenə zhɨ. Ghə̀ sə saŋlə̀ wenə̀ viʼi wen no nànto byìʼàndo vəwenə nsə̀ diʼ luwèn mu vəwenə byɨmə li à Nyìngòŋ.

Shwèʼ 16:40

Bol wenə̀ Silàs nè fʉ̀ fà mfɨŋ ayì, ə̀ dyʉ̀ a ngə̀ŋ Lydiyà ə yèn viʼi vəbyɨməvə tsu, ə̀ shɨ̀tə̀ gàʼ à vəwenə ndi tomsə vəwenə ə byɨmə vəwenə nto dyʉ̀ tò nə̀ mbì mù lù ə̀ fʉ̀ fa ntə̀ʼ ayì.

Gàlesìyà 6:6

Wìʼ yi a və ziʼi wen nə̀ gaʼa Nyìngòŋ diʼ ngə̀tə̀ ku ndìʼsə̀sə ə wen nə̀ əfo ə jùŋ vi a ghə̀ kiʼi, no ə tsèm.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

2 Timotì 2:6

No ndo a ghə̀ shyèʼè a wen a sɨm nə̀ kədyòʼ kə, ghə̀ pfì əfo ambì.