Ŋwàʼlə̀ Luk 10:11 - The New Testament in the Babanki language

¹¹ ‘Tè kəbyìʼ kə ntə̀ʼ ghə̀ŋ a kə kuʼ à yès aghʉ yès zhès fà yès aghʉ ədìʼ kəchwitə la ngəʼ faŋli à ghə̀ŋ. Alì ghə̀ŋ kɨ la soʼ fòyn Nyìngòŋ boʼsə li à ghə̀ŋ.’

Ŋwàʼlə̀ Luk 10:11 Iomraidhean Croise

Matìyò 10:14

Ghə̀ŋ kwen a wìʼ ə ngə̀ŋ kò a ntə̀ʼ, viʼi vyi faŋ kè shisə ghə̀ŋ kò vəwenə faŋ kè zhʉ̀tə kənyʉ̀ ki a ghə̀ŋ gaʼa, ghə̀ŋ nə̀ sə lù, ghə̀ŋ bwen dzèm shəŋsə a vəwenə.

Matìyò 10:7

Ghə̀ŋ dyʉ̀, ghə̀ŋ nə̀ shə̀ʼtə̀ la, əfòyn ə Nyìngòŋ ə boʼsə li.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Ŋwàʼlə̀ Mak 6:11

No a ntə̀ʼ ko a ghə̀ŋ dyʉ̀ tsu və faŋ ke shisə ghə̀ŋ ko əzhʉtə kənyʉ̀ a ghə̀ŋ gàʼà, ghə̀ŋ fʉ fa tsu. Ghə̀ŋ sə mfʉ̀ ghə̀ŋ ghòmə dzemsə səŋsə à vəwenə ndi vəwenə nkɨ la vəwenə ne li nshwè.”

Ŋwàʼlə̀ Luk 10:10

Alì ghə̀ŋ sətsèn kwen a ntə̀ʼ, və faŋ ke shisə ghə̀ŋ, ghə̀ŋ fʉ̀ dyʉ̀ a nfòsə jisə ə gàʼ à viʼi a vyì la,

Ŋwàʼlə̀ Luk 10:9

Ghə̀ŋ kwen a ntə̀ʼ ayì ə chʉʼ viʼi və kwaʼkə və a və diʼì tsu ə shə̀ʼtə̀ à vəwenə la soʼ fòyn Nyìngòŋ boʼsə li vəwenə.

Ŋwàʼlə̀ Luk 9:5

Ghə̀ŋ dyʉ̀ no fe, viʼi a vyi faŋ kè shisə ghə̀ŋ, ghə̀ŋ sə nlù, ghə̀ŋ lasə aghʉ a ghəŋə a bàm ndi vəwenə kɨ la vəwenə nèli nshwè.”

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Shwèʼ 13:40

Ghə̀ŋ ntùʼmə̀ lì la kə kənyʉ̀ a nshə̀ʼtə̀sə ghoʼkəsə nyòʼo kə à fʉ̀ à ghə̀ŋ. Vəwenə nyòʼo la, Bobo Nyìngòŋ gàʼ la:

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Shwèʼ 13:51

Viʼi ntɨm Yesò a vyi ghòmtə̀ kəbyìʼ kə ntə̀ʼ akì fà vəwenə aghʉ ədìʼ la kə faŋ à vəwenə, ə̀ lù dyʉ̀ a ntə̀ʼ Ikonùm.

Lumans 10:21

Alì fa viʼi Islel, Nyìngòŋ ə gàʼ la, “Ma naʼsə̀ li avu a ghomə a kətsi kə ə pfen ə dzàŋ viʼi la və vi, vəwenə tyen ə zhʉ̀ mo. Vəwenə tò li kətʉ ə bwenə fa mo a bàm.”

Lumans 10:8

Və nyòʼò li la, “kənyʉ̀ kə Nyìngòŋ kə boʼsə a ghə̀ŋ. Kə diʼ a ghə̀ŋ təchʉ̀ be diʼ a ghə̀ŋ a tətyɨm.” A diʼ kəwenkə a yès ə shə̀ʼtə̀ la ghə̀ŋ zhʉ ə byɨmə.

Hibùlù 1:3

Wàyn wen na ghèn ə baynə, diʼi əghoʼ ə kaynə ghə̀ Nyìngòŋ, fɨsə Nyìngòŋ to nyʉ̀ ə tsèm. Əgàʼ ə wenə ə kiʼi kədyòʼ, ghə̀ ghaʼa mbyi ghèn no tsèm nə̀ wenə ghə̀. Ghə̀ ə mpfʉ li ə shʉ lyisə mbyɨsə viʼi ə bwensə kuʼ nyʉ̀ʼmə a kwoŋ ə toghə Nyìngòŋ yi a ghə̀ kiʼi kədyòʼ to akwi əfo ə tsèm.