Ŋwàʼlə̀ Luk 1:53 - The New Testament in the Babanki language

⁵³ Ghə̀ zhis li viʼi jɨŋ nə̀ fo jùŋvə, vəwenə zhɨ nkwìʼ alì ndzɨm viʼi a və ko gho kəfo nə̀ avu zɨm ghə̀.

Ŋwàʼlə̀ Luk 1:53 Iomraidhean Croise

Matìyò 5:6

Mbwaʼmə dìʼ a viʼi vyi a və ŋwʉʼ jɨŋsə zafə vəwenə, ndòŋ vəwenə be zɨmtə̀ tò la vəwenə ne kənyʉ̀ kì a Nyìngòŋ kəŋə byiʼàndo Nyìngòŋ lu ku kədyòʼ à vəwenə la vəwenə ne nyʉ̀ a vyi.

Ŋwàʼlə̀ Luk 1:54

Ghə̀ ghʉli gaʼa wen a ghə̀ ngàʼà a və tìʼ və vəti gyamtə viʼi shyèʼè a diʼ viʼi Islel.

Ŋwàʼlə̀ Luk 6:21

Mbwaʼmə diʼ a ghə̀ŋ vyi à jɨ̀ŋsə zafə ghə̀ŋ luwèn byìʼàndo ghə̀ŋ lu zhɨ kwiʼ ando ghə̀ŋ kòŋə̀. Mbwaʼmə diʼ à ghə̀ŋ vyi à ghə̀ŋ dì luwèn byìʼàndo ghə̀ŋ lu chəʼ.

Ŋwàʼlə̀ Luk 6:24

Alì ngəʼ ghoʼo diʼ à ghə̀ŋ viʼi və ghoʼkə və byìʼàndo ghə̀ŋ kiʼi li njùŋ ghə̀ŋ.

Joyn 6:35

Yesò ə gàʼ a vəwenə la, “Ma diʼ kəfo kə zhɨkə kì a kə ku ntsìnə̀ a viʼi. A vi no ndò a mò, ko jɨŋ be lu zaf ə wen, mu à byɨmə no ndò a mò, ko ətoŋ a mu lu be zɨmə wen.

1 Kolìntyàns 1:26

Vəlemə vwomə, ghə̀ŋ bwensə kwòʼtə ando ghə̀ŋ ə ndiʼ mibu Nyìngòŋ ə dzàŋ ghə̀ŋ. Ghə̀ŋ sətsen ki a ghə̀ŋ a ntìntìn, ghə̀ŋ a yen la viʼi vyi a viʼi ə nlyɨ a viʼi və tofəvə ə nko ghoʼo, viʼi a və ə nyenə la à diʼ viʼi adyòʼ ə nko ghoʼtə, viʼi a və nyenə la və fʉ̀ fa ngwaʼ viʼi ə ko ə nko ghoʼtə.

1 Kolìntyàns 4:8

Ghə̀ŋ sə diʼ mù ghə̀ŋ kiʼi li no tèbe ghò a ghə̀ŋ kəŋə! Ghə̀ŋ sə diʼ mù ghə̀ŋ ghò li nkwʉʼ! Ghə̀ŋ ə laʼa la ghə̀ŋ diʼ təfòyn, yès ko diʼ təfòyn. Ndò ku la ghə̀ŋ diʼ to no təfòyn nəmwèʼè ndi vəghəŋ ə̀ soʼo amuʼ a?