Ŋwàʼlə̀ Luk 1:2 - The New Testament in the Babanki language

² Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Ŋwàʼlə̀ Luk 1:2 Iomraidhean Croise

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Ŋwàʼlə̀ Mak 16:20

Ndzɨ̀mtə̀sə bàm wen lyɨ̀ ntɨm ə jùŋə aghèn sə̀ shə̀ʼtə̀ dyʉ̀ no fe. Bobo nè nyʉ̀ kanəvə à vəwenə a ntìntìn ndìʼi nchwi la ntɨm jùŋə aghèn dìʼ nəmwèʼè. Amèyn.

Ŋwàʼlə̀ Mak 4:14

Ngwàʼ yì a wìʼ yì mòʼò li dìʼ kənyʉ̀ kə Nyìngòŋ.

Ŋwàʼlə̀ Luk 24:48

Ghə̀ŋ diʼ viʼi a ghə̀ŋ zhʉli bè yèn nyʉ̀ venə.

Joyn 15:27

Ghə̀ŋ be na ngàʼà to nəmwèʼè a viʼi kumə mò byìʼàndo ghə̀ŋ tə ə ndiʼ vəghəŋ amuʼ, fa kənzìtə.

Joyn 16:4

Mà shə̀ʼtə nyʉ̀ a venə a ghə̀ŋ alə, ku kətyiftə ndiʼ əzhʉ̀ na kwʉʼ, ghə̀ŋ sə nè, ghə̀ŋ ə̀ kwoʼtə ando mà tə shə̀ʼtə̀ a ghə̀ŋ. “Mà ko tə shə̀ʼtə̀ nyʉ̀ venə a ghə̀ŋ fa ambì byìʼàndo mà bo tə diʼ vəghəŋ amuʼ.

Shwèʼ 1:3

Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

Shwèʼ 1:8

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Shwèʼ 14:25

ə̀ shə̀ʼtə̀ ntɨm jùŋ à viʼi Bèga mù lù fa tsu ə̀ shìʼi dyʉ̀ a ntə̀ʼ Atalyà.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Shwèʼ 26:16

Lù tɨmə a kàŋ. Mà fʉ̀ à wù a kə̀ʼ ə tsuʼ wù a nə̀ wù shyèʼ mò. Wù ne nti a nə̀ wu yenə à mò byìʼì nyʉ̀ venə a wù yenə lan bènə̀ tsenəvə a mà ne dìʼ à wù.

Shwèʼ 4:20

Yès zì ko yès lu faŋ ke gàʼ tò kənyʉ̀ kì a yès ə nyenə be zhʉ.”

Shwèʼ 8:4

Viʼi vəbyɨməvə vi a və nsàykə̀ lì sə shə̀ʼtə̀ dyʉ̀ tò nə̀ ntɨm jùŋ no fe a vəwenə ndyʉ̀.

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

2 Bità 1:16

Ənyʉ̀ vyi a yès ə shə̀ʼtə̀ a ghə̀ŋ kumə məvi ə Bobo vəghəŋ Yesò Klistò nə̀ kədyoʼkə wenkə diʼ nyʉ̀ mu yès yen li to no fa yès a ngəŋsə. A ko diʼ mətitì mə zɨmə a wù ə tofə ə tsen shə̀ʼtə̀.