Ŋwàʼlə̀ Jud 1:18 - The New Testament in the Babanki language

¹⁸ Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”

Ŋwàʼlə̀ Jud 1:18 Iomraidhean Croise

Shwèʼ 20:29

Mà kɨ li la ma lù no a zhʉ kò viʼi vì ə̀ kwèn à ghə̀ŋ a ntìntìn to nə̀ nyamsə bo ə sàs viʼi vəbyɨməvə avenə,

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

2 Bità 2:1

Ndìʼsə̀sə ə dzɨŋsə na fʉ̀ kuʼ a ghə̀ŋ a ntìntìn to ndə̀ŋndəŋ ando a ndiʼ a tʉʼ ə mughə, nshə̀ʼtə̀sə dzɨŋsə fʉ̀ kuʼ a viʼi ntìntìn. Sə na fʉ̀ kuʼ, ə nyoʼtə ziʼi əziʼi ə dzɨŋ, ghə̀ ne la viʼi fəŋkə. Sə na fʉ̀ ə ntensə no Bobo yi a ghə̀ ə zen kətʉ kə ə vəwenə byìʼì Wokèn, Nyìngòŋ ə na bvɨtə byɨbsə vəwenə.

2 Bità 2:10

Nyìngòŋ ə baʼtə̀ ngəʼ viʼi vətsenvə nəkwoŋ, a yi viʼi vyi a və tensə kədyòʼ kə Nyìngòŋ, ə sə nè to nyʉ̀ kəməŋ vi a njòsə wèn ə̀ vəwenə sə kòŋ. Ndìʼsə̀sə ə dzɨŋ na sensə ə ko fwaynə tebè kəfo, ko və zhʉtə tebè kənyʉ̀ fa wìʼ. Vəwenə ko gumlə tebè ətsɨŋsə Nyìngòŋ akàŋ, boŋsə telə səwensə telə.

2 Bità 3:3

Nò kənyʉ̀ kə to kə ki a ma kəŋ la ghə̀ŋ ə kɨ diʼ la, à lu ndiʼ a mətsi mə bàm ə viʼi fʉ vì, ntsi to ntsìnə̀ njòsə wen, be chəʼ ghə̀ŋ,

Ŋwàʼlə̀ Jud 1:16

Viʼi a venə faŋ li sə dèmkə̀ to dèmkə̀, be ghàmə̀ viʼi vətsenvə to ghàmə̀. Vəwenə ə nè to nyʉ̀ vyi a təkwòʼtə̀ tə vəwenə tə diʼ, a ghoʼtə to gaʼa ə ghaŋsə əwen a vəwenə a təchʉ̀. Vəwenə ə lobtə viʼi gaʼa gaʼa ə jùŋ ghə̀ ə kiʼi kəfo a vəwenə kəŋ.

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.