Ŋwàʼlə̀ Jud 1:16 - The New Testament in the Babanki language

¹⁶ Viʼi a venə faŋ li sə dèmkə̀ to dèmkə̀, be ghàmə̀ viʼi vətsenvə to ghàmə̀. Vəwenə ə nè to nyʉ̀ vyi a təkwòʼtə̀ tə vəwenə tə diʼ, a ghoʼtə to gaʼa ə ghaŋsə əwen a vəwenə a təchʉ̀. Vəwenə ə lobtə viʼi gaʼa gaʼa ə jùŋ ghə̀ ə kiʼi kəfo a vəwenə kəŋ.

Ŋwàʼlə̀ Jud 1:16 Iomraidhean Croise

Ŋwàʼlə̀ Luk 15:2

Viʼi Falàsi vətsenvə bènə̀ ndìʼsə̀sə təsoʼ yen alì mù sə demkə be taŋmə gàʼà la “Wìʼ ghèn byɨmə la viʼi nè nyʉ̀ byɨvə vi a wen a mbyɨ̀ be zhɨ tə̀ wenə vəwenə”.

Ŋwàʼlə̀ Luk 19:7

Viʼi yen sə dèmkə̀ gàʼ à la, “Ghə̀ dyʉ̀ sə̀ diʼ wù ghàyn a wen a ngə̀ŋ wù nè nyʉ̀ byɨvə.”

Ŋwàʼlə̀ Luk 5:30

Viʼi Falàsi vətsevə nə̀ ndìʼsə̀sə təsoʼ mù sə dèmkə̀ bèmə a ndzɨ̀mtə̀sə bàm Yesò la, “Byiʼi ghò a ghə̀ŋ zhɨ bè nyʉ ghə̀ŋ viʼi a və tinə kənsè bènə̀ viʼi nè nyʉ̀ byɨvə a?”

Joyn 6:41

Ghə̀ ngàʼà alì, viʼi Jus zhʉ ə sə dèmkə̀ byìʼì kənyʉ̀ ki a ghə̀ ə ngàʼà la ghə̀ diʼ ə fozhɨvə vyi a və lu fa kàŋ.

Joyn 6:61

Yesò ə kɨ kənyʉ̀ a vəwenə dèmkə̀ byìʼì kəwenkə to fa wen a ngeŋ ə bèm a vəwenə la, “Əziʼi na ghənə be ku ngəʼ a ghə̀ŋ no nànto?

1 Kolìntyàns 10:10

Vəghəŋ ə ko diʼ ə ndèmkə̀ to ando vəwenə vətsenvə ndèmkə̀, kənyʉ̀ na kì ne, ntsɨ̀ŋ Nyìngòŋ yì a ghə̀ nzhwilə̀ viʼi lì ə zhwilə vəwenə.

Gàlesìyà 5:16

Ma kəŋə gàʼ a ghə̀ŋ la, Ghə̀ŋ ə tsi ando kəzhwì kə Ŋwoʼkə ə tisə ghə̀ŋ. Ghə̀ŋ sətsen ə nè alə, ko ghə̀ŋ be na nè nyʉ̀ vyi a və fwomə a njòsə wen.

Gàlesìyà 5:24

Viʼi Yesò Klistò diʼ mu vəwenə bayntə li njòsə əwèn nə̀ vəwenə boʼsə nə̀ nyʉ̀ vyi a və fwomə la və nə̀ nè a kəntò.

Filìbàyns 2:14

Ghə̀ŋ ə nè ənyʉ̀ tsèm tò achi achi, kə ghə̀ŋ ə dèmkə̀ ko ə ntaŋmə̀.

1 Tèsàlonyà 4:5

Kə Wìʼ a ku wenə wen a nyʉ̀ njòsə wèn to nə̀ viʼi vyi a və ko kɨ kənyʉ̀ ki a Nyìngòŋ əkəŋ la kə və lu nè.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

1 Bità 1:14

Ghə̀ŋ ə nzhʉ to fa Nyìngòŋ. Kə ghə̀ŋ be ne nyʉ̀ vyi a njòsə wen ə ghə̀ŋ sə ə kəŋ la ghə̀ŋ ə nè to ando ghə̀ŋ ə nè a tʉʼ a ghə̀ŋ nko tɨmə kɨ Nyìngòŋ.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

2 Bità 2:10

Nyìngòŋ ə baʼtə̀ ngəʼ viʼi vətsenvə nəkwoŋ, a yi viʼi vyi a və tensə kədyòʼ kə Nyìngòŋ, ə sə nè to nyʉ̀ kəməŋ vi a njòsə wèn ə̀ vəwenə sə kòŋ. Ndìʼsə̀sə ə dzɨŋ na sensə ə ko fwaynə tebè kəfo, ko və zhʉtə tebè kənyʉ̀ fa wìʼ. Vəwenə ko gumlə tebè ətsɨŋsə Nyìngòŋ akàŋ, boŋsə telə səwensə telə.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

2 Bità 3:3

Nò kənyʉ̀ kə to kə ki a ma kəŋ la ghə̀ŋ ə kɨ diʼ la, à lu ndiʼ a mətsi mə bàm ə viʼi fʉ vì, ntsi to ntsìnə̀ njòsə wen, be chəʼ ghə̀ŋ,

Ŋwàʼlə̀ Jud 1:15

diʼ ə soʼ to viʼi və tsèm ə diʼi ə laynsə nyʉ̀ ə byɨvə ə viʼi vyi a vəwenə nè, nə̀ a gaʼa əbyɨghə yì a viʼi ŋwʉ̀ʼ gàʼà kùmə̀ wen.”

Ŋwàʼlə̀ Jud 1:18

Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”