Lumans 9:4 - The New Testament in the Babanki language

⁴ Vəwenə diʼ viʼi Islel vi a Nyìngòŋ ə lyɨ̀ a wenə a vunə ə diʼ əbayn ə wen a vəwenə, ə zhɨ̀ məkàyn wenə vəwenə ə be ku Əsoʼ ə wen a vəwenə. A diʼ vəwenə vi a Nyìngòŋ ə ndiʼi ji ə jùŋ yì a vəwenə ə diʼ ə nə̀ kuʼsə wen fa tsù, vəwenə be kiʼi ənyʉ̀ a Nyìngòŋ əghʉ a vəwenə.

Lumans 9:4 Iomraidhean Croise

Matìyò 21:33

Yesò bè gàʼ à viʼi vi la vəwenə bè zhʉ̀tə ngàyn tsen. “Tì sɨ̀m tsen nlù bòʼ sɨm lamsə̀ lwi wen, kwìʼi mbàyn kaʼsə wen sɨm ayi, tyùŋə nkwòŋ yì a və ne nwìʼì lamsə̀ ayì tsu mu shɨ̀tə məlyʉ̀ʼ bè bwòm kəmbaŋ kə ngə̀ŋ ntsɨ̀ŋ a kəntìntìn kə sɨm ayì mù kù sɨm ayi la viʼi nshwèʼè gə̀tə̀ ku yì nə̀ fo vi a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə.

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 1:47

Yesò yen to ando Nàtanyèl ə vi ə gàʼ la, “A diʼ to no nkàyntə mbwìnə̀ Islel a ghə̀ vi lə. Ghə̀ gàʼa to nəmwèʼè.”

Shwèʼ 2:39

Kəzhwì kə Ŋwoʼə kènkə a Nyìngòŋ nghʉ li la ghə̀ lu ku lə̀ ə dìʼ à ghə̀ŋ, nə̀ a vunə vəŋə bènə̀ à viʼi a və diʼì no kəghaf. A dìʼ viʼi vi no vətsèm a Bobo Nyìngòŋ dzàŋə̀ li la və vi à wen.”

Lumans 3:2

Nəmwèʼè se diʼ to a jisə kədə̀ŋ. Mbì kənyʉ̀ ə diʼ la Nyìngòŋ ə nku li kənyʉ̀ kə wen a viʼi Jus.

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

Lumans 9:6

Ma ko gaʼa alə ə fʉ̀ la Nyìngòŋ ə ko ə ne kənyʉ̀ ki a ghə̀ ə ghʉ̀. Jòʼ, Kə diʼ la, à ko diʼ viʼi Islel və tsèm a Nyìngòŋ ə tsuʼ a viʼi wen.

2 Kolìntyàns 11:22

Vəwenə nə̀ kuʼsə əwèn gàʼa la vəwenə diʼ viʼi Hibùlù. Ma diʼ to wù ə Hibùlù. Vəwenə gàʼa la vəwenə diʼ viʼi Islel. Ma diʼ to wù ə Islel. Vəwenə vətsenvə gàʼa to la vəwenə diʼ viʼi ngwaʼ ngə̀ŋ Ablaham. Ma diʼ to wù ngwaʼ ngə̀ŋ Ablaham.

Gàlesìyà 3:16

Nyìngòŋ ə nghʉ li kənyʉ̀ ken a Ablaham wenə ngwaʼ wen. Ŋwàʼlə̀ Nyìngòŋ ko gàʼ la və ku a wenə vunə və ghoʼo və. Ŋwàʼlə̀ Nyìngòŋ tòŋtə to wàyn ə mùʼ, wàyn na ghèn diʼ Klistò.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.

Hibùlù 9:1

Məkàyn mə mbì mì a Nyìngòŋ ə nzhɨ̀ wenə viʼi ə nkiʼi təsoʼ a tə diʼi ji yì a viʼi ə diʼ ə nkuʼsə Nyìngòŋ fa tsu be nə̀ kəshi kəlaynə kə a nshɨtə viʼi a və ndiʼ nkuʼsə Nyìngòŋ tsu.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.

Hibùlù 9:3

Lùmə ə tsen ndiʼ to ati fəngə̀ŋ a ghèn, kəbàs kə ə ndisə kə tsenkə ə nghaŋ a yi chʉ̀, və toŋtə lùm ayi la, Kəshi kì a kə Laynə kwʉ̀ʼʉ̀.

Hibùlù 9:5

Əfo ə tsevə ə nti akwi əkum a yi ə bò, kiʼ təvò, diʼ dyʉ̀ to nə̀ ətsɨŋsə Nyìngòŋ. Əfo na vyi ə nti ali, diʼi la Nyìngòŋ ə diʼ tsu. Təvò a tyitə tə ndiʼ mu tə chiʼtə li kəshi kì a və ə lyesə ku mbyɨsə viʼi tsu. Nò tèbe ali, luwen kodiʼ zhʉ̀ ə gàʼ ə làynsə nyʉ̀ a venə ə tsèm.

Hibùlù 9:6

A ndiʼ ndo və bàtə li əfo na vyi a ji a ghèn, vəpfèm və ngə̀ŋ Nyìngòŋ və kwen dyʉ̀ nè shwèʼè vəwenə a lùm ə ngə̀ŋ mbì, to mətsi ə tsèm.