Lumans 8:38 - The New Testament in the Babanki language

³⁸ Ma kɨli nəmwèʼè a kò a diʼ tèbe əpfʉ̀ kò à diʼ tsi, kò à diʼ ətsɨŋsə Nyìngòŋ kò à diʼ kədyòʼ kì a kə soʼo viʼi, kò à diʼ nyʉ̀ vyi a və diʼ luwen kò à diʼ vi a və diʼ lù ə fù, kò à diʼ ədyoʼ ə byɨvə,

Lumans 8:38 Iomraidhean Croise

Joyn 10:28

Ma kù ntsìnə̀ yì a ghə̀ ko lu mè a byi a sensə, ko sə lu be ə pfʉkə. Wìʼ zizi ko ghə̀ lu ghaʼa ə shi səwensə fa mo kəvu.

Lumans 14:7

Wìʼ ko diʼ a vəghəŋ a ntìntìn a ghə̀ tsi to byìʼì wenə wen, ko wìʼ diʼ a ghə̀ pfʉ, to byìʼì wen nə̀ wen.

Lumans 14:8

Ko vəghəŋ ə tsi, və tsi to ə nkuʼsə Bobo, ə na pfʉ tèbe pfʉ, və pfʉ to ə ku kùʼsə a wen. Kə le diʼi la vəghəŋ ə diʼ to viʼi Bobo, kò vəghəŋ tsi, kò vəghəŋ pfʉ.

Lumans 4:21

Ghə̀ ə ntuʼtə̀ kɨ to nəmwèʼè la Nyìngòŋ be kiʼi kədyòʼ ə nè kənyʉ̀ ki a ghə̀ nghʉ̀.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

1 Kolìntyàns 15:24

Yesò lu to ə chò no əzhwi byɨvə no tsèm a və soʼo mbyi boʼsə nə̀ adyòʼ no tsèm. Sə chò fa yi abàm, ə mbyi mè, ghə̀ bwensə ku əfòynə ə wen a Nyìngòŋ ə Tìʼ.

2 Kolìntyàns 11:14

Nò tèbè fa mpfen, kə ghə̀ŋ ne ndiʼ nə̀ əkaynə byìʼì tèbe Satan nbɨ̀lə li nè la viʼi nyenə la ghə̀ diʼ ntsɨŋ ngə̀ŋ ə Nyìngòŋ ə baynə.

2 Kolìntyàns 4:13

Və nyòʼò li a Ŋwàʼlə̀ Nyìngòŋ la, “Ando mà byɨmə, ma diʼ ə shə̀ʼtə.” Yès be byɨmə a Nyìngòŋ ə be sə shə̀ʼtə̀ kənyʉ̀ kə wen.

Efisyàns 1:21

Ghə̀ sə ə nyʉ̀ʼ tsu luwen, soʼo adyòʼ vyi a və diʼ a kàŋ no ə tsèm, vyi a və soʼo. Ghə̀ soʼo adyòʼ no tsèm nè ə fo no tsèm. Ghə̀ kiʼi zhiʼ a chò no tèbe zhiʼ ə kò a viʼi a və soʼo kiʼi a mbyi luwen nə̀ mbyi yì a ghə̀ lu vi.

Kòlòsyàns 1:16

Nyìngòŋ ncho fa wen ə shɨtə no tèbe ghò yi a ghə̀ diʼi akàŋ nə̀ əfo ə tsèm vi a və diʼi a nse. Nyìngòŋ ə nshɨtə əfo vi a wìʼ zi ghə̀ yenə nə̀ vi a wìʼ zi ko ghə̀ lə yenə. Ghə̀ ə nshɨtə zhwi vi a və kiʼi kədyòʼ nə̀ vi a və soʼo nə̀ vi a və tisə. Nyìngòŋ ə nshɨtə fo ə tsèm chò fa a wen. Ghə̀ nshɨtə fo na vyi a wen.

Kòlòsyàns 2:15

A ndiʼ ando Klistò mpfʉ a kəntò, Nyìngòŋ ə nè əzhwi vyi a və soʼo nə̀ vyi a və tisə la kə və be kiʼ kədyòʼ, ə diʼsə kə tʉ kə zhwi na vyi ashɨ ə mbi ə tsèm. A le ji yì a ghə̀ ə̀ nzhɨ̀ əzhwi a venə fa tsù.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

1 Bità 3:22

Ghə̀ lù fa pfʉ ə bwenə dyʉ̀ akàŋ, luwen ə sə diʼ nyʉ̀ʼ a kwoŋ ətoghə Nyìngòŋ, soʼo ətsɨŋsə ngə̀ŋ Nyìngòŋ no sə tsèm, be soʼo ə zhwi a və kiʼi kədyòʼ no tsèm.