Lumans 8:30 - The New Testament in the Babanki language

³⁰ Ghə̀ dzàŋ li viʼi vi a ghə̀ sə diʼ mù ghə̀ tsuʼ li a wèn ə viʼi ə be ghʉ̀ viʼi na venə a ghə̀ dzàŋ a viʼi kənyʉ̀ kətɨməkə. Ghə̀ ə ghʉ̀ ali ə be boŋ gətə ku əbayn ə ghoʼo ghə̀ ə wen a vəwenə.

Lumans 8:30 Iomraidhean Croise

Joyn 17:22

Ma ku li əbayn ə ghoʼoghə a vəwenə, a diʼ yi a wù tə kù a mò ndi vəwenə ə ndiʼ to a kənyʉ̀ kə mùʼ, to ndə̀ŋndəŋ ando yowù diʼ to a kənyʉ̀ kə mùʼ.

Joyn 17:24

“Ma kəŋ a Tìʼ ghom la yo viʼi a wù kù a mò lu ndiʼ to akəshi kə mùʼ ndi vəwenə yen əghoʼ ə ghomə, a diʼ yi a wù kòŋ mò ə ku a mò, mibu wù shɨtə mbyi.

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Lumans 1:6

Və boŋ li dzàŋ ghə̀ŋ la ghə̀ŋ fʉ̀ vi ndiʼ viʼi Yesò Klistò.

Lumans 11:29

Kə diʼ alə̀ byìʼì ando Nyìngòŋ ə ndemə tsuʼ wìʼ ə bwaʼsə wen, ko ghə̀ lu be kwitə əkwoʼtə ə wen.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

Lumans 8:21

kətsi kə tsenkə lu vi, a fo a venə a ghə̀ shɨtə bwòŋ ko və be a fwè, wì ə bwensə ndiʼ fa wen a ngeŋ kiʼi əghoʼ ə vunə Nyìngòŋ, ko ghə be a diʼ əkòs a kəfo kə.

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

1 Kolìntyàns 1:9

Nyìngòŋ ə ghʉ̀ no tèbe ghò, ghə̀ ne to ando ghə̀ yi ghʉ. A diʼ wen a ghə̀ dzàŋ ghə̀ŋ la ghə̀ŋ ndiʼ vye və Wàyn wen ə Bobo vəghəŋ Yesò Klistò amuʼ.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Gàlesìyà 1:15

Alì, Nyìngòŋ a ghə̀ ntsuʼ mo mibu və bwi mò, ə dzàŋ mò byìʼì ətyɨm ə jùŋə ghə̀ wen la mà ə shyèʼè a wen.

Gàlesìyà 1:6

Ma diʼ nə̀ əkaynə la ghə̀ŋ zaŋsə li kaʼkə fa bàm ə Nyìngòŋ yi a ghə̀ ndzàŋ ghə̀ŋ byìʼì ətyɨm ə jùŋə ghə̀ ə Klistò, luwen ghə̀ŋ sə dzɨ̀mtə̀ dyʉ̀ nə̀ ntɨm ə kədyàŋ.

Gàlesìyà 5:8

Kənyʉ̀ kì a kə tə ne la kə ghə̀ŋ ghaʼa kənyʉ̀ ki a ko diʼ nə̀ nəmwèʼè ko tə lù fa Nyìngòŋ yi a ghə̀ dzàŋ ghə̀ŋ.

Efisyàns 1:11

Nyìngòŋ ə ntsuʼ li vəghəŋ la və ndiʼ viʼi wen byìʼì ando vəghəŋ ə diʼ a kənyʉ̀ kə mùʼ vəghəŋ və Yesò Klistò to ndə̀ŋndəŋ ando ghə̀ mbaʼtə ə ghʉ mibu ə shətə mbyi. Nò tèbe ghò ə fʉ to a ji yi a Nyìngòŋ ə kəŋ la kə fʉ̀ fa tsu.

Efisyàns 1:5

Nyìngòŋ ə sə diʼ mù ghə̀ nghʉ li la ghə̀ be lù lyɨ vəghəŋ a wen a vunə chò fa a Yesò Klistò, mu à kòŋ to wen nə̀ saŋlə ə ghʉ la kə ə ndiʼ a li.

Efisyàns 2:6

Ando vəghəŋ diʼ vəghəŋ və Klistò, Nyìngòŋ ə lusə li vəghəŋ və wen ə ghʉ̀ vəghəŋ və wen a kəkɨ kə təfòyn akàŋ ndiʼ ghə̀ nsoʼo.

Efisyàns 3:11

Nyìngòŋ ə nè ali to ndə̀ŋndəŋ ando ghə̀ mbaʼtə li əghʉ la kə fʉ̀ ali ə chò fa Bobo vəghəŋ Yesò Klistò mibu ghə̀ shɨtə mbyi.

Efisyàns 4:4

Ghə̀ŋ diʼ bàs əwèn ə mùʼ, kəzhwì kə Nyìngòŋ kì a kə shwèʼè a wèn a yi ə diʼ to kə kəmùʼ, to ndə̀ŋndəŋ ando Nyìngòŋ ə ndzàŋ shisə ghə̀ŋ fa mbyi ə ne ghə̀ŋ sə ki to kənyʉ̀ kə mùʼ kɨ la ghə̀ŋ lu bwòŋ.

Kòlòsyàns 3:4

Yesò a diʼ ə ntsìnə̀ shəŋsə. A lu ndiʼ ando ghə̀ bwenə vi a ndayn, ghə̀ŋ ndiʼ vye vəwenə ati əghoʼ ə wen.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

2 Timotì 2:11

Kənyʉ̀ kenkə a və gàʼà lə ə diʼ tò no nəmwèʼè la: “Vəghəŋ sətsen pfʉ vəghəŋ ve wen, mu vəghəŋ lu ndiʼ vəghəŋ vəwen. Ə vəghəŋ lu bwènə̀ ə ntsi to vəghəŋ və wen a muʼ.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 1:10

A le kənyʉ̀ ki a ma sensə ghə̀ŋ, a vəlemə, la ghə̀ŋ tuʼtə ə ghaʼ nyʉ̀ a venə və to ə diʼ la Nyìngòŋ ə tsùʼtə li ghə̀ŋ ə dzàŋ shisə la ghə̀ŋ ə diʼ viʼi Nyìngòŋ. Ghə̀ŋ yi nè alə̀, ko ghə̀ŋ be lu fəŋ fa ghə̀ŋ a byɨmə,

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 19:9

Ntsɨ̀ŋ ngə̀ŋ Nyìngòŋ mù gàʼ à mò la, “Nyoʼo kənyʉ̀ kènkə la, ‘Njùŋ dìʼ à viʼi vyi a və laʼà la vəwenə vi ə̀ zhɨ əlam ə wàyn bi ənjɨ̀.’” Ghə̀ bè gàʼ à mò la, “əgàʼ ghenə lù fà Nyìngòŋ, diʼ nəmwèʼè.”