Lumans 8:3 - The New Testament in the Babanki language

³ Nyìngòŋ ə sə diʼ mù ghə̀ nè li kənyʉ̀ ki a Əsoʼ ə wʉ ə ne byìʼì njòsə wen sə a sə bwaʼa. Ghə̀ ne alə̀ a ji la ghə̀ ntɨm li Wàyn wen, ghə̀ vi a nse to no wen ə wìʼ ghèn a ghə̀ kòŋ mbyɨ lə. Ghə̀ vi ku wenə wen ə pfʉ ə lòʼ ə mbyɨsə viʼi. A diʼ a ji na ghèn a Nyìngòŋ ə byɨbsə kədyòʼ kə mbyɨ fa njòsə wen.

Lumans 8:3 Iomraidhean Croise

Ŋwàʼlə̀ Mak 15:27

Və ne a lì bè bantə viʼi vətsenvə vəbò. Və mbantə wù muʼ a shyə kwoŋ toghə nə̀ ghətsen a shyə kwoŋ nànkwè.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

Joyn 9:24

Vəwenə na be nkumtə dzàŋ wen ə gàʼ a wen la, “Kàynə li zhiʼ ə Nyìngòŋ la wù gàʼa to nəmwèʼè. Yès ə kɨ la wìʼ ghèn diʼ wu nyʉ̀ ə byɨvə.”

Shwèʼ 13:39

Kə be dìʼì la no ndò à ghə̀ lyesə wen, ghə̀ à bwòŋsə̀ wen fà wen a nyʉ̀ byɨvə a soʼ Mosìs nko zì ghə̀ bwoŋsə.

Lumans 3:20

Kə le diʼi la Nyìngòŋ ə ko gàʼ tebè la wìʼ diʼ nti akayn a wen a shɨ byìʼì ando ghə̀ ghʉ̀ Əsoʼ. Əsoʼ ə nə̀ gyamtə ə nè la vəghəŋ kɨ kənyʉ̀ a mbyɨ diʼ wen.

Lumans 6:6

Vəghəŋ ə kɨ la və ə sə bayntə Yesò a kəntò ə bayntə boʼsə nə̀ ntsìnə̀ ə mu ə vəghəŋ ndiʼ kədyòʼ kə mbyɨ kì a kə ndiʼ a wen ə mu ghə̀ na ghèn mè, ko vəghəŋ ə be a ndiʼ əkòs a mbyɨ,

Lumans 7:18

Ma kɨli la kənyʉ̀ kə ə jùŋkə ko diʼ a mo wen. Ma gaʼa a mo njòsə wen ashə a sə kòŋ mbyɨ lə. Ma gaʼa alə̀ byìʼì ando ma kòŋ to ə̀ nè nyʉ̀ ə jùŋə və ali ko kə bwaʼmə.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

Lumans 9:3

Ma zizi mà ə kòŋ la Nyìngòŋ ə telə mo, ko mà be ə kiʼi kənyʉ̀ kətsen kə ə ne yo Yesò byìʼì vəlemə vwomə. Ma gaʼa vəlemə vwomə, viʼi lòʼ ə yès. Ma zi mà ə kòŋ ə lè azhʉ̀ a kə zi kə a gyamtə la vəwenə bwòŋ.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Gàlesìyà 3:13

Klistò mbwensə li zen kətʉ kə vəghəŋ fa ngəʼ yi a Əsoʼ ə nshiʼsə a vəghəŋ kətʉ. Ghə̀ ne alə a ji la ghə̀ shi li ngəʼ na yi a vəghəŋ a kəshi, byìʼì ando və nyoʼo li a ŋwàʼlə̀ la, “Ngəʼ Nyìngòŋ ne diʼ no tèbe a ndò yi a və sɨŋsə wen a fəkoʼ.”

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Filìbàyns 2:7

Ghə̀ bòŋsə̀ ghʉ̀sə no tè ghò ə̀ wen və bwi wen ə nə̀ Wùmə̀nsòŋ, Ghə̀ kaʼkə sə̀ diʼ wù shwèʼ.

Hibùlù 10:12

Alì mu Yesò Klistò ə nku li ə wèn ə wen a kəku a Nyìngòŋ to ghaynə ə mùʼ ə shʉ̀ mbyɨsə viʼi to əghayn əmùʼ. Ghə̀ nkù ali ə dyʉ̀ nyʉ̀ʼmə ashə kwoŋ ətoghə Nyìngòŋ.

Hibùlù 10:14

Ghə̀ nku ə wèn ə wen to ghàyn ə mùʼ a kəku ə shʉ laynsə viʼi, la vəwenə faŋ a viʼi Nyìngòŋ to ghaynə əmùʼ.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Hibùlù 2:17

A lə kənyʉ̀ ki a kə ne ghə̀ kaʼkə sə diʼ to wìʼ to nə̀ vəghəŋ vəlemə və wen, ndi ghə̀ shɨtə kɨ ə shyèʼ to nə̀ pfèm ngə̀ŋ Nyìngòŋ ə ŋaŋtə be kusə shinsə a viʼi, shyèʼ a Nyìngòŋ ə nè la ghə̀ lyesə ku mbyɨsə viʼi.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,