Lumans 8:26 - The New Testament in the Babanki language

²⁶ Kəzhwì kə Ŋwoʼkə ə gyamtə vəghəŋ byìʼì ando vəghəŋ ə bwaʼa, ko və kɨ tèbe ji yì a və diʼ ə jɨ̀mə̀ fa tsù ali kə jɨm a vəghəŋ a kəshi a ji mu və zizi ko və lu shə̀ʼtə nə̀ chʉ̀.

Lumans 8:26 Iomraidhean Croise

Matìyò 10:20

A ko ne laynsə gaʼa ə ghə̀ŋ, a ne ə gaʼa Kəzhwì kə Tìʼ ghə̀ŋ əcho fa ghə̀ŋ.

Matìyò 20:22

Yesò mù bwènsə̀ à vəwenə la, “Ghə̀ŋ ko kɨ̀ kənyʉ̀ a ghə̀ŋ gàʼà.” Bè mù bèm à vəwenə la, “Ghə̀ŋ lè zì ghə̀ŋ yen ngəʼ ghèn a mà diʼi ne yen lə a? Vəwenə byɨmə.”

Ŋwàʼlə̀ Luk 22:44

Yesò kwòʼtə̀ byìʼì zaf a ghə̀ ne a zhʉ,ghə̀ jɨ̀m nə̀ tyɨmə wenə no tsèm kəzhʉʼsə kə̀ sə shiʼi fa wenə wèn diʼ to nə̀ mənlyuŋ chomə a nse.

Joyn 14:16

Ma na sensə, Tìʼ ghə̀ ku Ngyàmtə̀ ə tsen a ghə̀ŋ, a ghə̀ faŋ ghə̀ŋ vəwenə to ghayn mùʼ.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

Lumans 7:24

Ma diʼ no a ngəʼ! A le gyàmtə̀ shisə ndo mo fa wen ashə a ghə vi nə̀ əpfʉ̀ ə a mò lə a?

Lumans 8:15

Nyìngòŋ ə nko ku kəzhwì kə fwaynə a ghə̀ŋ ə kə kaʼsə ghə̀ŋ a əkòs. Nyìngòŋ ə ku kəzhwì la kə nè, ghə̀ŋ ə boŋsə diʼ vunə wen, a diʼ kəwenkə a kə kù adyòʼ la vəghəŋ ə dì a Nyìngòŋ, toŋtə Nyìngòŋ la, “Bàba! Tìʼ yès!”

2 Kolìntyàns 5:2

Vəghəŋ tsi a nse ashə̀, nyʉ̀ ə ku ngəʼ a vəghəŋ, vəghəŋ ə kòŋ la Nyìngòŋ ə zaŋsə ku ngə̀ŋ ə fi vəghəŋ akàŋ.

2 Kolìntyàns 5:4

Vəghəŋ tsi a wen ashə̀, dì to dì byìʼì ngəʼ yì a vəghəŋ yenə. A ko diʼ la vəghəŋ kəŋ la Nyìngòŋ ə lyisə əwèn ghenə a vəghəŋ tsì tsu, vəghəŋ boŋsə kòŋ to la ghə̀ ku əwèn ə fighə a vəghəŋ a ghə̀ zizi ko ghə̀ lu pfʉ, ndi ghə̀ lyɨ̀ kəshi kə wèn ghenə.

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.

Hibùlù 5:2

Pfèm ngə̀ŋ Nyìngòŋ na ghèn ə sə bwaʼmə a viʼi vyi a və ko kɨ nyʉ̀, be ne shwèʼ byìʼì ando no wen fa wen a ngeŋ diʼ tamə wìʼ be bwaʼa.

Jems 4:3

Ghə̀ŋ ə bèmə̀ kò və lu nku à ghə̀ŋ byìʼàndo ghə̀ŋ ə bèmə̀ a ji shwe. Ghə̀ŋ ə bèmə̀ ənè nyʉ̀ ngəŋsə ghə̀ŋ tsu.