Lumans 8:2 - The New Testament in the Babanki language

² Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

Lumans 8:2 Iomraidhean Croise

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Joyn 6:63

A ku to kəzhwì kə Nyìngòŋ ku ə ntsìnə̀ a viʼi. Wìʼ ə ko kiʼi kənyʉ̀ kə tsenkə ə nè fa wen a ngeŋ. Mà sə diʼ mù ma shə̀ʼtə̀ li kənyʉ̀ ki a ghə̀ŋ diʼi ə nè, ndi kiʼi Kəzhwì a kəku ntsìnə̀. Gàʼ ghenə a ma tə ngàʼà a ghə̀ŋ lə a ne la ghə̀ŋ kiʼi kəzhwì kə Nyìngòŋ, be kiʼi bwoŋ yi a ghə̀ŋ a ghə̀ ko lu mè.

Joyn 8:32

Ghə̀ŋ na kɨ kənyʉ̀ ki a kə diʼ nəmwèʼè, nəmwèʼè a yi ne ghə̀ŋ la kə ghə̀ŋ be diʼ əkòs.”

Joyn 8:36

Sətsen Wàyn Wìʼ shisə wù fa kəkòs, mù wù li mù bwòŋ.

Lumans 16:3

Ghə̀ŋ toŋtə Blisilyà wenə Akwilà a yo vəwenə ə shyèʼ a Yesò Klistò amuʼ.

Lumans 3:27

Kə le diʼi la wìʼ zizi ko ghə̀ be ghaŋsə ə wen luwen byìʼì gho? Əghaŋsə ə wen ə ko be kiʼi kəshi. Ghə̀ ko be kiʼi kəshi byìʼì ando wìʼ ko bwòŋə byìʼì shyèʼ wen. Ghə̀ bwòŋ byìʼì ə byɨmə.

Lumans 5:21

Mbyɨ ə diʼi kədyòʼ kì a ghə̀ kiʼi chò fa pfʉ ali Nyìngòŋ ə diʼi la ətyɨm ə jùŋə ə wenə ə kiʼi kədyòʼ ə lyɨ̀ vəghəŋ a viʼi kənyʉ̀ kətɨməkə ə ku ntsìnə̀ yì a ghə̀ ko lu mè a vəghəŋ chò fa a Bobo vəghəŋ Yesò Klistò.

Lumans 6:14

Ghə̀ŋ nè alə ndiʼ ko mbyɨ be a ə kiʼ kədyòʼ a ghə̀ŋ kətʉ byìʼì ando Nyìngòŋ sə diʼ mù ghə̀ diʼi li ətyɨm ə jùŋə ghə̀ a ghə̀ŋ, ko ghə̀ŋ ə be tsi tebè a ti əsoʼ.

Lumans 6:18

Nyìngòŋ ə tə ə bwoŋsə ghə̀ŋ, ko ghə̀ŋ be diʼ əkòs a mbyɨ. Ghə̀ŋ sə boŋsə diʼ əkòs a Nyìngòŋ di ghə̀ŋ ə njèʼè a jisə tɨmə sə.

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

Lumans 7:21

Kə sə diʼ a mò luwen to sə à diʼ əsoʼ la mà sə kəŋ ə nè kənyʉ̀ kə jùŋ kə, ma boŋsə nè to kənyʉ̀ kəbɨkə.

Lumans 7:23

ali yen nə̀ la à boŋsə shyèʼ to əsoʼ ə kədyàŋ a mo wen, shyèʼ ali, soynə əsoʼ yi a ghə̀ diʼi a mo ətyɨm. Ghə nè mò, ma diʼ to sə ma diʼ a ngə̀ŋ nfɨŋ a mbyɨ. A diʼ əsoʼ ə mbyɨ na ghèn a ghə̀ shyèʼ a mo wen.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

1 Kolìntyàns 15:45

Və nyòʼò li a Ŋwàʼlə̀ Nyìngòŋ la, “Adàm ə wù mbì ndiʼ wìʼ a Nyìngòŋ ə ne, ghə̀ sə tsi” ali Adàm ə bàm, a diʼ Yesò tə vi sə diʼ kəzhwì kì a kə ne la viʼi nkiʼ ntsìnə̀.

2 Kolìntyàns 3:17

Kə diʼ alə̀ byìʼì ando Bobo wenə Kəzhwì kə Ŋwoʼkə diʼ to kənyʉ̀ kə mùʼ. No fe a kəzhwì kɨ Bobo kə diʼ, ko viʼi be diʼ əkòs.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

Gàlesìyà 2:19

Mà tə ntsi a tyi Əsoʼ alì ko ndiʼ la ghə̀ gyàmtə̀ mò. Luwen ma nghʉsə soʼ na yi ndi ə ntsi to kuʼsə Nyìngòŋ.

Gàlesìyà 5:1

Klistò shisə li vəghəŋ fa əshyèʼ kəkòs, ndi vəghəŋ ə ndiʼ fa vəghəŋ a ngəŋ. Ghə̀ŋ nshɨtə lì ghaʼ təwen ə təŋtə, kə wìʼ be na bwensə ne ghə̀ŋ, ghə̀ŋ əshyèʼè kəkòs a soʼ.

Gàlesìyà 6:2

Sətsen wìʼ ndiʼ a ngəʼ, ghə̀ŋ ə gyàmtə̀ wen. Ghə̀ŋ sətsen ə nè alə̀, mu ghə̀ŋ ə ghʉ li soʼ a Klistò nkù a vəghəŋ.

Jems 1:25

No ndò a ghə̀ zhʉ soʼo Nyìngòŋ a diʼi ngesə̀ soʼ a ghə̀ shìsə̀ viʼi fa mbyɨsə bènə̀ fa pfʉ, ə̀ faŋ ə nè ando ə̀soʼ ayi ə kəŋ mu Nyìngòŋ ne bwaʼsə wen no a gho yì a ghə̀ nè. Nki wìʼ aghèn ko zhʉtə̀ kənyʉ̀ kə Nyìngòŋ tò zhʉtə̀ alì ghə̀ mwòmsə̀ ə nghʉ a kəne.

Kəmwetə 11:11

Alì à sə ndiʼ a bàm ə mətsi ayì ntaʼ nə̀ kəbyəʼkə Nyìngòŋ ku kəzhwì kì a kə nè viʼi tsi à vəwenə, kə nè vəwenə lùkə̀ ə̀ tɨ̀mə à vəwenə afwen, viʼi vyi a və̀ nyenə vəwenə sə̀ fànə̀ no nànto.

Kəmwetə 22:1

Fa yi abàm, Ntsɨŋ Nyìngòŋ na yì ə be diʼ mu mi a mò a ghə̀ kù tsi, ghə̀ baynə to alə to nə̀ kənkàʼtə̀. Mu a mi nə̀ fʉ̀ vi fa kəkɨ kə fòyn Nyìngòŋ ə wenə We Njɨ̀,