Lumans 8:19 - The New Testament in the Babanki language

¹⁹ Nò əfo ə tsèm a Nyìngòŋ ə shɨtə ə bvɨtə no nànto la Nyìngòŋ ə diʼ nkàyntə̀ a vunə wen.

Lumans 8:19 Iomraidhean Croise

Matìyò 5:9

Mbwaʼmə dìʼ a viʼi vyi a və shyə̀ʼ əghʉ mbwaʼmə a viʼi a ntìntìn byiʼàndo və lu dzàŋ vəwenə nə̀ vunə Nyìngòŋ.

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Shwèʼ 3:21

Ghə̀ diʼi faŋ tò a kàŋ əzaʼa fa tʉʼ a zhʉ a kwʉ̀ʼ a no mə ghò a kaʼsə ndiʼ tò a mfi, à mu diʼ zhʉ yi a Nyìngòŋ ngaʼà li ə̀ chòsə̀ fà nshə̀ʼtə̀sə sə ghoʼkəsə wen fa tʉʼ mbì.

Lumans 8:14

Kə diʼ alə̀ byìʼì ando no ndo yi a kəzhwì kə Nyìngòŋ kə ə tisə wen diʼ wìʼ yi a diʼi wàyn Nyìngòŋ.

Lumans 8:16

A diʼ Kəzhwì kə Nyìngòŋ na kènkə a kə gaʼa a zhwi vəghəŋ, diʼi a vəghəŋ la vəghəŋ diʼ vunə Nyìngòŋ.

Lumans 8:18

Ma ko lyɨ tebè la ngəʼ ghèn a vəghəŋ ə yen luwen ko diʼ kənyʉ̀ kə tsen kə ə shəʼmə nə̀ əghoʼ yì a Nyìngòŋ ə lu ku a vəghəŋ.

Lumans 8:23

A ko diʼ to fo a venə a və dì. Nò tèbe vəghəŋ vi a və kiʼi kəzhwì kə Ŋwoʼkə, a diʼ kəku kə ə mbì ki a Nyìngòŋ ə kù a vəghəŋ ə be dì to dì a vəghəŋ a ti tətyɨm, bvɨtə la Nyìngòŋ ə lyɨ̀ vəghəŋ a nkàyntə̀ sə vunə wen, ə zen kətʉ kə vəghəŋ ə mwetə.

Lumans 9:26

Və lu dyʉ̀ a viʼi vyi a və tə ə gàʼa la vəwenə ko diʼ tebè vunə vwomə ə tòŋtə vəwenə la vunə vwomə, ə mo Nyìngòŋ yi a ghə̀ tsi.”

1 Kolìntyàns 1:7

Kə ne li la kə ghə̀ŋ ne wutə̀ no tèbe a kəku kə kò kì a kəzhwì kə Nyìngòŋ kə ku ando ghə̀ŋ kəʼtə la Bobo vəghəŋ Yesò Klistò bwenə vì.

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Kòlòsyàns 3:4

Yesò a diʼ ə ntsìnə̀ shəŋsə. A lu ndiʼ ando ghə̀ bwenə vi a ndayn, ghə̀ŋ ndiʼ vye vəwenə ati əghoʼ ə wen.

Hibùlù 12:27

Ə gàʼ la ghə̀ be na nə̀ʼə̀ kuʼsə no tèbe nə ghò a ghə̀ shɨtə və fəŋ kə kù ji a əfo vi a və zizi ko və lu nə̀ʼkə̀.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.