Lumans 8:13 - The New Testament in the Babanki language

¹³ Ghə̀ŋ sətsen ntsi dyʉ̀ to ando njòsə əwen ə ghə̀ŋ sə ə kəŋ, ghə̀ŋ a pfʉ, ali mu ghə̀ŋ sətsen boŋsə ə maʼa nyʉ̀ ə byɨvə ə ghə̀ŋ chò fa kədyòʼ yi a kəzhwì kə ku a ghə̀ŋ, ghə̀ŋ a ntsi diʼ.

Lumans 8:13 Iomraidhean Croise

Lumans 6:21

Kə diʼ nəmwèʼè la ghə̀ŋ ko se kənyʉ̀ kə tsen kə fa a ntìntìn nyʉ̀ na venə a ghə̀ŋ ə nè. Ghə̀ŋ sə diʼsə kətʉ kumə nyʉ̀ na venə luwen. Kəmwètə kə nyʉ̀ na venə ə diʼ to əpfʉ̀.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Lumans 7:5

A ə ndiʼ ando vəghəŋ bo tsi a ji yi a njòsə əwenə vəghəŋ sə ə kəŋ fa tsù, Əsoʼ ə tenə vəghəŋ la və nè mbyɨ, ghə̀ vi to nə̀ əpfʉ̀.

Lumans 8:12

Kə lə diʼi a vəlemə vwomə la, vəghəŋ ə kiʼi kənyʉ̀ ə ne, kənyʉ̀ na kì a kodiʼ la vəghəŋ ntsi ando njòsə ə wen vəghəŋ sə kəŋ.

1 Kolìntyàns 9:27

Ma ghaʼa a wèn ə ghomə ndi ghə̀ kaʼkə ə zhʉ fa mò, bwen alì a mà shə̀ʼtə̀ ntɨm ə jùŋ, a lù ndiʼ a kəmwètə, Nyìngòŋ ə ghʉ̀ la ma ko kwʉ̀ʼ ə kiʼi əmòʼtə na yi.

Gàlesìyà 5:24

Viʼi Yesò Klistò diʼ mu vəwenə bayntə li njòsə əwèn nə̀ vəwenə boʼsə nə̀ nyʉ̀ vyi a və fwomə la və nə̀ nè a kəntò.

Gàlesìyà 6:8

Wìʼ ə sətsen ə wè to kəfo kì a kə fwomə a njòsə wèn ə wen, a ghə̀ lù pfì əpfʉ̀. Wìʼ ə sətsen ə wè kəfo kì a kəzhwì kə ə kəŋə la ghə̀ nè, ghə̀ lu pfì ntsìnə̀ yì a ghə̀ ko lu mè.

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

Efisyàns 5:18

Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

Taytùs 2:12

Adìʼ əbòŋə tyɨm ə̀ Nyìngòŋ aghenə a ghə̀ dìʼsə̀ vəghəŋ la vəghəŋ ghʉsə ntsìnə̀ yì a Nyìngòŋ ə ko kòŋ bènə̀ koŋə fo nse, ə ntsi nə̀ mbwaʼmə̀, tsi ntsìnə̀ tɨmə be tsi a ji a Nyìngòŋ ə kəŋə a mbi ashyə̀.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.