Lumans 7:9 - The New Testament in the Babanki language

⁹ Ma ə̀ ntsi ando mà ko tɨmə kɨ Əsoʼ ali əsoʼ ə lu vi no achʉʼ ə ko ma sə kòŋ no nànto ə nè mbyɨ, mu pfʉ.

Lumans 7:9 Iomraidhean Croise

Matìyò 19:20

Wàyn wùlɨm ayì bwènsə̀ gàʼ à wen la,“Mà ghʉ li təsoʼ tèntə no tətsèm. A bè fàŋ ghò tsen mà ne a?”

Ŋwàʼlə̀ Luk 15:29

Ghə̀ gàʼ à tìʼ wen la, ‘Yen la mà shyèʼè li à wù ngʉʼsə shə̀ʼ lo, kènla ma gàʼà kənyʉ̀, kènla ma taŋmə. Wù nko təmə ku tè no wye byi la mà bvaʼ yo viʼi ndoŋsə mò pfiʼ.’

Ŋwàʼlə̀ Luk 18:21

Kətʉ kyì mù gàʼ à wen la, “Mà ghʉli təsoʼ tèntə no tə tsèm no fa tyetə.”

Lumans 10:5

Mosìs ə nyoʼo la wìʼ ə kəŋ nti akàyn byìʼì əsoʼ, ghə̀ diʼ ə shɨtə ghʉ̀ tə əsoʼ no tə tsèm ə be tsi byìʼì təwen tə.

Lumans 7:10

Əsoʼ a ghèn ə̀ ndiʼ ə nè la mà ə tsi, ali ghə boŋsə nè la mà pfʉ pfʉ.

Lumans 7:11

Mbyɨ lobtə mo chò fa a nyʉ̀ yi a əsoʼ chuŋsə mo mu zhwi mo.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

Lumans 7:6

Luwen sə diʼ Əsoʼ ə ko be kiʼ kənyʉ̀ ə nè nə̀ vəghəŋ byìʼì ando vəghəŋ sə diʼ alə̀ sə və pfʉkə li a əsoʼ na ghèn a vəghəŋ ə shyèʼ nfɨŋ tsu. Vəghəŋ ko be nè tebè shyèʼ ə Nyìngòŋ a ji ə mu yi a və tə nè fa tsu, shyèʼ akwi kənyʉ̀, mu və nyoʼ a soʼ. Vəghəŋ sə boŋsə shyèʼ a ji ə fi yi a kəzhwì kə Ŋwoʼkə ə diʼi a vəghəŋ.

Lumans 7:8

Alì əsoʼ na yi ə boŋsə nè la mbyɨ nè, ashɨ à ghomə ə̀ baŋə no fo ə tsèm. Əsoʼ ə tə faŋ ke ndiʼ mu mbyɨ ko kiʼ kədyòʼ.

Lumans 8:7

Wìʼ ə ghʉ̀ kətʉ kə wen a nyʉ̀ ə njòsə wen, və a ne la ghə̀ ə bàynə̀ Nyìngòŋ, ko ghə̀ zhʉ tebè əsoʼ ə wen, mu ghə̀ zizi ko ghə̀ lu kɨ ə zhʉ.

Gàlesìyà 2:19

Mà tə ntsi a tyi Əsoʼ alì ko ndiʼ la ghə̀ gyàmtə̀ mò. Luwen ma nghʉsə soʼ na yi ndi ə ntsi to kuʼsə Nyìngòŋ.

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”