Lumans 7:6 - The New Testament in the Babanki language

⁶ Luwen sə diʼ Əsoʼ ə ko be kiʼ kənyʉ̀ ə nè nə̀ vəghəŋ byìʼì ando vəghəŋ sə diʼ alə̀ sə və pfʉkə li a əsoʼ na ghèn a vəghəŋ ə shyèʼ nfɨŋ tsu. Vəghəŋ ko be nè tebè shyèʼ ə Nyìngòŋ a ji ə mu yi a və tə nè fa tsu, shyèʼ akwi kənyʉ̀, mu və nyoʼ a soʼ. Vəghəŋ sə boŋsə shyèʼ a ji ə fi yi a kəzhwì kə Ŋwoʼkə ə diʼi a vəghəŋ.

Lumans 7:6 Iomraidhean Croise

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 6:11

Kə le diʼi la ghə̀ŋ diʼ ə lyɨ̀ la ghə̀ŋ boŋ li pfʉ a mbyɨ, ko mbyɨ ə be kiʼi kənyʉ̀ kətsen kə ə nè kumə ghə̀ŋ, vye və Yesò Klistò na ə tsi luwen ə kùʼsə to Nyìngòŋ.

Lumans 6:19

Ma gaʼa shəʼmə nə̀ nyʉ̀ a və diʼ to no ghə̀ŋ a ntìntìn byìʼì ando ətof ə ghəŋə bo temsə̀ kumə nyʉ̀ kəzhwì. A ə ndiʼ fa mbì, mu ghə̀ŋ ku li təwen ətəŋtə shəŋsə a əkòs a mbyɨ ə sə nè dyʉ̀ to nə̀ nyʉ̀ kəməŋ ə be tuʼ nè dyʉ̀ to nə̀ nyʉ̀ ə byɨvə ə tsenəvə. Ma sə gàʼa luwen la ghə̀ŋ ku təwen ətəŋtə a əkòs ə tuʼ nè dyʉ̀ nə̀ nyʉ̀ ə tɨmə və ndiʼ ntsìnə̀ shəŋsə layn ə mwetə ashɨ Nyìngòŋ.

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 6:22

A diʼ luwen mu və bwoŋsə li ghə̀ŋ fa mbyɨ, ghə̀ŋ sə ə boŋsə diʼ əkòs a Nyìngòŋ, əse yi diʼ la ghə̀ŋ sə tsi ətsìnə̀sə laynə sə, diʼ lu kiʼi ntsìnə̀ yì a ghə̀ ko lu mè.

Lumans 6:4

Kə diʼi la vəghəŋ ə sə shi mu kə sə diʼ to sə vəghəŋ pfʉ li, və bvɨmə vəghəŋ boʼsə nə̀ wen. Kə ndiʼ alə̀ ndiʼ Bobo nè vəghəŋ ə ntsi ntsìnə̀ ə fi ndə̀ŋndəŋ to ando ghə̀ ə nè Yesò, ghə̀ bwensə lù fa pfʉ. Ghə̀ nè alə nə̀ kədyoʼkə kaynə kə wen.

Lumans 7:1

Ghə̀ŋ ko zhʉ̀ kɨ kənyʉ̀ ki a ma kəŋ ə gàʼ luwen a vəlemə vwomə byìʼì ando no ndo fa ghə̀ŋ a ntìntìn ə kɨ ando əsoʼ ə lam ə jèʼè. Ghə̀ŋ kɨli la əsoʼ ə nə̀ kiʼi kədyòʼ a wìʼ a kətʉ to azhʉ̀ a ghə̀ bo tsì a mbi.

Lumans 7:2

Kənyʉ̀ na ken ə diʼ la, wùwì diʼ ə faŋ wenə lɨmə wen ə zàʼa ando lɨm ayi bò tsi a mbi, lɨmə wen pfʉ no zhʉ̀ko, ko əsoʼ ə làm na ghenə ə bè ghaʼa wen.

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

2 Kolìntyàns 3:6

A nè wen la yès kwʉ̀ʼʉ̀ ə nshə̀ʼtə̀ kənyʉ̀ kumə məkàyn mə mfimə̀ mì a ghə̀ zhɨ wenə viʼi. Məkàyn na mèyn ko diʼ a soʼ yì a və nyoʼo, à diʼ məkàyn mə Kəzhwì kɨ Ŋwoʼkə. Əsoʼ mughə yì a və nyoʼo ə nè viʼi pfʉ, kəzhwì kə Ŋwoʼkə nè la və ndiʼ.

2 Kolìntyàns 5:17

Wìʼ sətsèn ndiʼ wenə Yesò a kənyʉ̀ kə muʼ, mu ghə̀ sə diʼ wu fi, mu ntsìnə̀ mu wen ə mè li, ghə̀ sə kiʼi ghə̀ fi.

Gàlesìyà 3:13

Klistò mbwensə li zen kətʉ kə vəghəŋ fa ngəʼ yi a Əsoʼ ə nshiʼsə a vəghəŋ kətʉ. Ghə̀ ne alə a ji la ghə̀ shi li ngəʼ na yi a vəghəŋ a kəshi, byìʼì ando və nyoʼo li a ŋwàʼlə̀ la, “Ngəʼ Nyìngòŋ ne diʼ no tèbe a ndò yi a və sɨŋsə wen a fəkoʼ.”

Gàlesìyà 6:15

Ko və shətə li ndyə̀ vəghəŋ kò və ko shətə, na ki ə ko kiʼi kənyʉ̀ kə tsen ə nè. Kənyʉ̀ kə tokə ə diʼ to la, Nyìngòŋ ə nè li vəghəŋ bwensə sədiʼ viʼi və fi və.

Efisyàns 4:24

Luwen ghə̀ŋ lyɨ̀ ntsìnə̀ ə fi yi a ghə̀ diʼi to nə̀ ghə̀ Nyìngòŋ. Ntsìnə̀ əfi ghèn diʼi ndiʼ no nkàyntə ə ntsìnə̀ ətɨmə nə̀ ntsìnə̀ laynə.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Kòlòsyàns 3:10

ə boŋsə ghaʼa ntsìnə̀ ə fi. Ghə̀ŋ diʼ viʼi və fi və a Nyìngòŋ bwom ə sə ne la ghə̀ŋ fɨsə wen a nyʉ̀ yi a ghə̀ŋ ne ndi ghə̀ŋ tuʼ kɨ wen akayn.