Lumans 7:25 - The New Testament in the Babanki language

²⁵ Ma kù kəzòŋ a Nyìngòŋ à ghə̀ shisə mo fa tsu chò fa a Bobo vəghəŋ Yesò Klistò! Ma yen li la ma kòŋ to no a mo tyɨm ə wʉ̀ əsoʼ ə Nyìngòŋ ali a diʼ a wèn ə wìʼ ə mò, shyèʼ to kəkòs a mbyɨ.

Lumans 7:25 Iomraidhean Croise

Matìyò 1:21

Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

Lumans 6:14

Ghə̀ŋ nè alə ndiʼ ko mbyɨ be a ə kiʼ kədyòʼ a ghə̀ŋ kətʉ byìʼì ando Nyìngòŋ sə diʼ mù ghə̀ diʼi li ətyɨm ə jùŋə ghə̀ a ghə̀ŋ, ko ghə̀ŋ ə be tsi tebè a ti əsoʼ.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

1 Kolìntyàns 15:57

Alì kəzòŋ kə dyʉ̀ a Nyìngòŋ yi a ghə̀ ne la vəghəŋ tem ə zhɨ̀ pfʉ chò fa a Bobo vəghəŋ Yesò Klistò.

2 Kolìntyàns 9:15

Kəzòŋ kə Nyìngòŋ byìʼì Wàyn wen yì a ghə̀ nku a vəghəŋ. A diʼ kəku kə kaynə kə.

Efisyàns 5:20

Ghə̀ŋ ə̀ ku kəzòŋ a Nyìngòŋ ə Tìʼ no mənzhʉ̀ ntsèm kùmə̀ no tèbe ghò a ghə̀ fʉ̀. Ghə̀ŋ nku kəzòŋ a wen a zhiʼ Bobo vəghəŋ ə Yesò Klistò.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

Kòlòsyàns 3:17

Ghə̀ŋ nè no tèbe ghò, kò ghə̀ŋ gaʼa gaʼa, ghə̀ŋ gàʼa to a azhiʼ Bobo Yesò, ku kəzòŋ a Nyìngòŋ, ə Tìʼ chò fa wen.

1 Bità 2:5

Ghə̀ŋ be boŋsə diʼ to nə̀ nguʼsə a sə tsi. Kə le diʼi la və diʼ ə lyɨ̀ ghə̀ŋ ə bwòm ngə̀ŋ Nyìngòŋ tsu, la ghə̀ŋ ə diʼ vəpfèm ngə̀ŋ Nyìngòŋ və laynəvə, ku kəku kə kəzhwì a Nyìngòŋ a kə kʉʼʉ, chò fa a Yesò Klistò.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.