Lumans 7:15 - The New Testament in the Babanki language

¹⁵ Ma ko tuʼtə̀ kɨ ənyʉ̀ vyi a ma nè byìʼì ando kənyʉ̀ ki a ma kəŋ ne ko ma ne kəwenkə, ki kə a ma bàynə̀ ma boŋsə ne kəwenkə.

Lumans 7:15 Iomraidhean Croise

Ŋwàʼlə̀ Luk 11:48

Ghə̀ŋ diʼi la ghə̀ŋ tomsə kənyʉ̀ a vətiʼi vəŋə nlù nè byiʼ ando vəwenə nluli zhwi lə nshə̀ʼtə̀ a shì, ghə̀ŋ sə bwòmə təsè tə vəwenə.

Joyn 15:15

Mà ko be toŋtə tebè ghə̀ŋ luwen la viʼi ə shyèʼ byìʼàndo wu ə shwèʼ ko nə̀ kɨ kənyʉ̀ kì a tì shyèʼ wen nə̀ nè. Ma toŋtə ghə̀ŋ luwen la doŋ shomsə byìʼàndo mà shə̀ʼtə li nyʉ̀ vyi a mà zhʉ fa Tìʼ ghom a ghə̀ŋ no ətsèm.

Lumans 12:9

Ghə̀ŋ sə nkòŋ viʼi, ghə̀ŋ ə nsùtə̀ kòŋ no nkayn, kə ghə̀ŋ a lobtə lobtə. Ghə̀ŋ ə mbàynə̀ mbyɨ, shɨtə ghaʼ ə nyʉ̀ ə jùŋə və.

Lumans 14:22

Wù byɨmə no tebe la ghò kumə nyʉ̀ a venə, wù moʼtə, a kɨ to vye Nyìngòŋ. Ə jùŋ ne diʼ a wìʼ yi a ghə̀ nè kənyʉ̀, ko ghə̀ lu kwoʼtə kwoʼtə.

Lumans 7:16

Luwen lə ando ma nè kənyʉ̀, a diʼ nyʉ̀ a ma ko kòŋ, à lə diʼ la ma byɨmə la Əsoʼ ə ti a nkàyn.

Gàlesìyà 5:17

Ənyʉ̀ vyi a və fwomə a njòsə wèn nkòŋə̀ la vəghəŋ ne, ko diʼ nyʉ̀ vyi a kəzhwì kə Nyìngòŋ kə kəŋə la vəghəŋ nè, ə vyi a kəzhwì kə Nyìngòŋ kə kəŋ la vəghəŋ ə ne a ko diʼ nyʉ̀ vyi a njòsə wen ə vəghəŋ kòŋə̀ ə nè. Ənyʉ̀ na venə diʼi to soyn diʼ la wù ə ne no tebe ghò na yi a wù kòŋə̀ nè.

2 Timotì 2:19

Alì kə to ə nə̀ʼsə kəchɨ kə ngə̀ŋ ki a Nyìngòŋ ə dìʼ mu ghə̀ we li a diʼ Klistò. Və nyoʼ li la, “Ghə̀ kɨ viʼi a və diʼ viʼi wen,” bè nyòʼ la, “No mə ndò yi a ghə̀ gàʼà la ghə̀ dzɨ̀mtə̀ Bobo ə diʼ ə ghʉsə ənyʉ̀ ə byɨvə vyi a ghə̀ nè.”

Hibùlù 1:9

Wù kòŋ to nyʉ̀ tɨməvə, bàynə̀ nyʉ̀ ə byɨvə. A le kənyʉ̀ kì a Nyìngòŋ yi a ghə̀ kiʼi wù tsuʼ li ghʉ̀ wù nə̀ ə saŋlə ghə̀ ə nè la wù kuʼmə chò no ndo a vye vəwenə diʼ.”

Jems 3:2

Vəghəŋ vətsèm lu nè shwè. No ndò sətsèn ə ngàʼà ke nshwè mu ghə̀ dìʼ wù kənyʉ̀ kə tɨməkə, be diʼ mu ghə̀ zì ghə̀ tuʼmə nə̀ sò kətʉ wen.

Ŋwàʼlə̀ Jud 1:23

Ghə̀ŋ ə nsòʼ viʼi vətsenvə, shisə vəwenə fa əzhiʼ ndi Nyìngòŋ bwoŋsə vəwenə. Viʼi vətsenvə diʼ a ghə̀ŋ a ntìntìn, ghə̀ŋ diʼ ə kusə shinsə a vəwenə. Alì ghə̀ŋ ə tùʼmə̀ nə̀ vi a venə kumə nyʉ̀ ə njòsə wen ə vəwenə a bwen ali, ghə̀ŋ a nè to nə̀ vəwenə.