Lumans 6:3 - The New Testament in the Babanki language

³ A ghə̀ŋ kɨli la vəghəŋ vi a və ə nshi mu ə tsentə vəghəŋ və Yesò Klistò sə diʼ alə̀ sə vəghəŋ boŋ li pfʉ ndə̀ŋndəŋ to nə̀ wen?

Lumans 6:3 Iomraidhean Croise

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Shwèʼ 19:5

Viʼi avenə zhʉ a lì mù byɨmə à Bobo Yesò, və ku mu à vəwenə ədìʼ la vəwenə byɨmə li à wen.

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Shwèʼ 8:16

byìʼàndo Kəzhwì kə ŋwòʼəkə nko ntɨmə̀ vì à vəwenə; vəwenə ndìʼ mu vəwenə nshì tò mu a zhiʼ nə̀ Bobo Yesò.

Lumans 6:16

A ghə̀ŋ kɨli la ghə̀ŋ sətsen ku təwen ə təŋtə a əkòs a wìʼ, a ghə̀ŋ ne ndiʼ ə kòsə a wìʼ ayi zhʉ to fa wen? Ghə̀ŋ sətsen ku təwen ə təŋtə a əkòs a mbyɨ, a ghə̀ŋ ne zhʉ to fa mbyɨ, kəmwètə kikə diʼi əpfʉ̀. Mu ghə̀ŋ sətsen ku tə wen ə təŋtə a Nyìngòŋ a ghə̀ŋ ne ndiʼ əkòs ə wen, a kəmwètə kikə ne diʼ la ghə̀ a lyɨ ghə̀ŋ a viʼi kənyʉ̀ kətɨməkə.

Lumans 6:8

Ando vəghəŋ sə diʼ mù və pfʉ li vəghəŋ və Yesò, vəghəŋ ə kɨ nəmwèʼè la vəghəŋ və wen lu ə ntsi diʼ.

Lumans 7:1

Ghə̀ŋ ko zhʉ̀ kɨ kənyʉ̀ ki a ma kəŋ ə gàʼ luwen a vəlemə vwomə byìʼì ando no ndo fa ghə̀ŋ a ntìntìn ə kɨ ando əsoʼ ə lam ə jèʼè. Ghə̀ŋ kɨli la əsoʼ ə nə̀ kiʼi kədyòʼ a wìʼ a kətʉ to azhʉ̀ a ghə̀ bo tsì a mbi.

1 Kolìntyàns 10:2

Nyìngòŋ ə nku li mu a vəwenə a mboʼsə a yi no vətsèm ə be ku mu a mù mə baŋə mə̀, vəwenə sə diʼ ndzɨ̀mtə̀sə bàm Mosìs.

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

1 Kolìntyàns 15:29

Viʼi sətsen ndiʼ lu faŋ kə lù fa pfʉ nəmwèʼè, viʼi və to və ne sə shi mu akəshi ə wìʼ mu və pfʉkə li, ətof na yi ə diʼ la ghò? Kə sətsen ə ndiʼ la və ko lu lùsə tebè viʼi fa pfʉ, viʼi sə shi mu akəshi ə̀ viʼi və pfʉkəvə na vyi byìʼì gho?

1 Kolìntyàns 3:16

A ghə̀ŋ kɨli la ghə̀ŋ diʼ ngə̀ŋ Nyìngòŋ, kəzhwì kə Nyìngòŋ kə tsi a ghə̀ŋ a ntìntìn?

1 Kolìntyàns 5:6

Əghaŋsə əwen ghə̀ŋ ə ko bòŋ. A ghə̀ŋ kɨli la fɨ̀shɨ̀ŋfə ə nə̀ tyɨftə tèbè a le, fə nè kəbayn kə məka kə kuʼ.

1 Kolìntyàns 6:19

Kə lə diʼ la ghə̀ŋ ko kɨ la ghə̀ŋ ə diʼ ngə̀ŋ Nyìngòŋ ə ku la Kəzhwì kə Ŋwoʼkə ntsi a ghə̀ŋ a ntìntìn mu. Ghə̀ŋ ko bè diʼ fa ghə̀ŋ a ngeŋ. A kiʼi Nyìngòŋ kiʼ ghə̀ŋ.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

1 Kolìntyàns 9:13

A ghə̀ŋ kɨli la viʼi vyi a və shyèʼè a ngə̀ŋ Nyìngòŋ nə̀ kiʼi əfo ə zhɨvə ə vəwenə, və fʉ̀ to fa tsu? Nò tèbe viʼi a və shyèʼè akwi kəbaŋ kə kəku nə̀ zhɨ̀ to no fa əfo yi a və kù tsu.

1 Kolìntyàns 9:24

A ghə̀ŋ kɨli la və shəmə kənyɨŋ, viʼi sə nyɨŋə, to kədə̀ŋ, ali a na nyɨŋə zhɨ̀ to wìʼ ə mùʼ ə kiʼi əmoʼtə yi. Kə le diʼi la ghə̀ŋ diʼ ə nshɨtə ə nyɨ̀ŋ a ji ə zhɨ̀ ə kiʼi əmòʼtə na yi.

2 Kolìntyàns 13:5

Ghə̀ŋ shə̀tə̀ lye təwen ə təŋtə la, ghə̀ŋ le tsi to nə̀ viʼi və byɨməvə lo. Ghə̀ŋ shə̀tə̀ lye təwen ə təŋtə. Kə lə diʼ la ghə̀ŋ ko yenə la Yesò Klistò tsi a ghə̀ŋ a ntìntìn mu? Ghə̀ŋ diʼ yen ali a bwen to la ghə̀ŋ ko tsi ntsìnə̀ viʼi və byɨməvə.

Gàlesìyà 3:27

Nò ghə̀ŋ və tsèm a ghə̀ŋ nshi mu, ə tsèntə vye və Yesò ə sə diʼ mù ghə̀ŋ lyɨ li ntsìnə̀ wen.

Jems 4:4

Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.

1 Bità 3:21

Mu na mèyn a vəwenə ə lyeʼə fa yi akwi ə bwòŋ lə ə diʼi shi a mu yì a ghə̀ŋ shi luwen əbwòŋ chò fa Yesò Klistò ə diʼ la ghə̀ŋ maʼa li mbyɨ shəŋsə. Ma ko gàʼa kumə tèbè mu mì a ghə̀ŋ shʉ əwenə ghenə tsu, ma gàʼa kumə kənyʉ̀ a ghə̀ŋ ghʉ li la tətyɨm ə təŋtə ne laynə ashɨ Nyìngòŋ. Mu a mèyn ə bwòŋsə ghə̀ŋ chò fa məlù yi a Yesò Klistò ə lùli fa pfʉ.