Lumans 6:2 - The New Testament in the Babanki language

² Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 6:2 Iomraidhean Croise

Ŋwàʼlə̀ Luk 20:16

Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Lumans 5:11

Ə kwʉ̀ʼsə, vəghəŋ ə boŋ saŋlə kumə wìʼ yi a Nyìngòŋ ə diʼ wen, mu à nè Bobo vəghəŋ Yesò Klistò la vəghəŋ kaʼkə ndiʼ ndoŋsə Nyìngòŋ.

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

Lumans 7:4

Kə le diʼ la ghə̀ŋ luwen a vəlemə vwomə la ghə̀ŋ diʼ to ali ando ghə̀ŋ pfʉ̀kə li. Əsoʼ ə kə be ə kiʼ kənyʉ̀ ə nè a ghə̀ŋ byìʼì ando ghə̀ŋ ə pfʉ li ghə̀ŋ və Yesò ə sə diʼ əshyə əwen ə wen. Kə le diʼi la, à kiʼi wen kiʼ ghə̀ŋ luwen, a diʼi wen yi a Nyìngòŋ ə nlùsə fa pfʉ ə nè la vəghəŋ ə kumə ashɨ ə jùŋ ghə̀ a Nyìngòŋ.

Lumans 7:6

Luwen sə diʼ Əsoʼ ə ko be kiʼ kənyʉ̀ ə nè nə̀ vəghəŋ byìʼì ando vəghəŋ sə diʼ alə̀ sə və pfʉkə li a əsoʼ na ghèn a vəghəŋ ə shyèʼ nfɨŋ tsu. Vəghəŋ ko be nè tebè shyèʼ ə Nyìngòŋ a ji ə mu yi a və tə nè fa tsu, shyèʼ akwi kənyʉ̀, mu və nyoʼ a soʼ. Vəghəŋ sə boŋsə shyèʼ a ji ə fi yi a kəzhwì kə Ŋwoʼkə ə diʼi a vəghəŋ.

Gàlesìyà 2:19

Mà tə ntsi a tyi Əsoʼ alì ko ndiʼ la ghə̀ gyàmtə̀ mò. Luwen ma nghʉsə soʼ na yi ndi ə ntsi to kuʼsə Nyìngòŋ.

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

1 Bità 1:14

Ghə̀ŋ ə nzhʉ to fa Nyìngòŋ. Kə ghə̀ŋ be ne nyʉ̀ vyi a njòsə wen ə ghə̀ŋ sə ə kəŋ la ghə̀ŋ ə nè to ando ghə̀ŋ ə nè a tʉʼ a ghə̀ŋ nko tɨmə kɨ Nyìngòŋ.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

1 Joyn 3:9

No ndò a ghə̀ diʼì wàyn Nyìngòŋ ə ko nè ne mbyɨ byìʼàndo ghə̀ kìʼ ntsìnə̀ Nyìngòŋ, ko ndiʼ la ghə̀ zì ghə̀ ne mbyɨ byìʼàndo Nyìngòŋ dìʼ tìʼ ə wen.