Lumans 6:16 - The New Testament in the Babanki language

¹⁶ A ghə̀ŋ kɨli la ghə̀ŋ sətsen ku təwen ə təŋtə a əkòs a wìʼ, a ghə̀ŋ ne ndiʼ ə kòsə a wìʼ ayi zhʉ to fa wen? Ghə̀ŋ sətsen ku təwen ə təŋtə a əkòs a mbyɨ, a ghə̀ŋ ne zhʉ to fa mbyɨ, kəmwètə kikə diʼi əpfʉ̀. Mu ghə̀ŋ sətsen ku tə wen ə təŋtə a Nyìngòŋ a ghə̀ŋ ne ndiʼ əkòs ə wen, a kəmwètə kikə ne diʼ la ghə̀ a lyɨ ghə̀ŋ a viʼi kənyʉ̀ kətɨməkə.

Lumans 6:16 Iomraidhean Croise

Matìyò 20:4

Ghə̀ gàʼ à vəwenə la, Ghə̀ŋ fʉ dyʉ̀ nshwèʼè à mò a sɨm ndi ne sə mpfwo mà lòʼ ghə̀ŋ no nə̀ ghò yì a ghə̀ kwʉʼʉ̀.

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

Joyn 8:34

Yesò ə gàʼ a vəwenə la, “Ma gaʼa a ghə̀ŋ to no nəmwèʼè la, no ndò yì a ghə̀ ne mbyɨ diʼ kəkòs a mbyɨ.

Lumans 11:2

Nyìngòŋ ə ko maʼa viʼi wen mu ghə̀ ə ghʉ̀ li la ghə̀ lu bwaʼsə vəwenə mibu shɨtə mbi. A ghə̀ŋ kɨli kənyʉ̀ kì a Ŋwàʼlə̀ Nyìngòŋ ə ngàʼa kumə Ilajà a ghə̀ ə sensə Nyìngòŋ la ghə̀ diʼ kənyʉ̀ ki a viʼi Islel a vəwenə byɨbsə. Ghə̀ ə sensə gàʼa la,

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

1 Kolìntyàns 3:16

A ghə̀ŋ kɨli la ghə̀ŋ diʼ ngə̀ŋ Nyìngòŋ, kəzhwì kə Nyìngòŋ kə tsi a ghə̀ŋ a ntìntìn?

1 Kolìntyàns 5:6

Əghaŋsə əwen ghə̀ŋ ə ko bòŋ. A ghə̀ŋ kɨli la fɨ̀shɨ̀ŋfə ə nə̀ tyɨftə tèbè a le, fə nè kəbayn kə məka kə kuʼ.

1 Kolìntyàns 6:2

Kə lə diʼ la ghə̀ŋ ko kɨ la à lu soʼo viʼi Nyìngòŋ soʼo mbyi mu? A sətsen a ndiʼ lù soʼo ghə̀ŋ soʼo mbyi, ghə̀ŋ ne ale ə nsoʼo mənsoʼtə mə bwaʼmə̀ a?

1 Kolìntyàns 6:3

Kə lə diʼ la ghə̀ŋ ko kɨ la à lu soʼo vəghəŋ soʼ ətsɨŋsə Nyìngòŋ mu? Vəghəŋ sətsen ə ndiʼ lù soʼo ə ətsɨŋsə, vəghəŋ ne a ale ə nsoʼ nyʉ̀ ə mbyi a?

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

1 Kolìntyàns 9:13

A ghə̀ŋ kɨli la viʼi vyi a və shyèʼè a ngə̀ŋ Nyìngòŋ nə̀ kiʼi əfo ə zhɨvə ə vəwenə, və fʉ̀ to fa tsu? Nò tèbe viʼi a və shyèʼè akwi kəbaŋ kə kəku nə̀ zhɨ̀ to no fa əfo yi a və kù tsu.

1 Kolìntyàns 9:24

A ghə̀ŋ kɨli la və shəmə kənyɨŋ, viʼi sə nyɨŋə, to kədə̀ŋ, ali a na nyɨŋə zhɨ̀ to wìʼ ə mùʼ ə kiʼi əmoʼtə yi. Kə le diʼi la ghə̀ŋ diʼ ə nshɨtə ə nyɨ̀ŋ a ji ə zhɨ̀ ə kiʼi əmòʼtə na yi.

2 Bità 2:19

Vəwenə ə ghʉ viʼi a venə gàʼa la vəwenə a nè, ko viʼi a vyi ə be diʼ əkòs, ali nkàyntə̀ vəwenə diʼ əkòs a vəwenə a mbyɨsə. Kə diʼ alə̀ byìʼì ando no tèbe ghò nə̀ zhʉsə tisə wìʼ, ghə̀ sə shyèʼ to kəkòs a kəwenkə.