Lumans 6:13 - The New Testament in the Babanki language

¹³ Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

Lumans 6:13 Iomraidhean Croise

Ŋwàʼlə̀ Luk 15:24

Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Lumans 1:29

Vəwenə ne tənki tə nyʉ̀ ə byɨvə to ə tsèm. Vəwenə tsi to a mbyɨ, kiʼ ashɨ ə bòghə, ətyɨm ə byɨghə, ghəʼə viʼi no nànto. Vəwenə ə zhwi, soynə, lobtə viʼi, kiʼ əkwoʼtə əbyɨghə, gaʼa kùwòŋ,

Lumans 12:1

Vəlemə vwomə, ma sensə ghə̀ŋ, byìʼì kusə nshinsə yì a Nyìngòŋ ə diʼi li a ghə̀ŋ la ghə̀ŋ ku təwen ə tyəŋtə a Nyìngòŋ a ndiʼ nə̀ kəku kə, ghə̀ŋ tsi, laynə, nè la ghə̀ ə nsaŋlə. A lə nkàyntə̀ kuʼsə yì a ghə̀ŋ diʼ ə kuʼsə Nyìngòŋ.

Lumans 6:11

Kə le diʼi la ghə̀ŋ diʼ ə lyɨ̀ la ghə̀ŋ boŋ li pfʉ a mbyɨ, ko mbyɨ ə be kiʼi kənyʉ̀ kətsen kə ə nè kumə ghə̀ŋ, vye və Yesò Klistò na ə tsi luwen ə kùʼsə to Nyìngòŋ.

Lumans 6:16

A ghə̀ŋ kɨli la ghə̀ŋ sətsen ku təwen ə təŋtə a əkòs a wìʼ, a ghə̀ŋ ne ndiʼ ə kòsə a wìʼ ayi zhʉ to fa wen? Ghə̀ŋ sətsen ku təwen ə təŋtə a əkòs a mbyɨ, a ghə̀ŋ ne zhʉ to fa mbyɨ, kəmwètə kikə diʼi əpfʉ̀. Mu ghə̀ŋ sətsen ku tə wen ə təŋtə a Nyìngòŋ a ghə̀ŋ ne ndiʼ əkòs ə wen, a kəmwètə kikə ne diʼ la ghə̀ a lyɨ ghə̀ŋ a viʼi kənyʉ̀ kətɨməkə.

Lumans 6:19

Ma gaʼa shəʼmə nə̀ nyʉ̀ a və diʼ to no ghə̀ŋ a ntìntìn byìʼì ando ətof ə ghəŋə bo temsə̀ kumə nyʉ̀ kəzhwì. A ə ndiʼ fa mbì, mu ghə̀ŋ ku li təwen ətəŋtə shəŋsə a əkòs a mbyɨ ə sə nè dyʉ̀ to nə̀ nyʉ̀ kəməŋ ə be tuʼ nè dyʉ̀ to nə̀ nyʉ̀ ə byɨvə ə tsenəvə. Ma sə gàʼa luwen la ghə̀ŋ ku təwen ətəŋtə a əkòs ə tuʼ nè dyʉ̀ nə̀ nyʉ̀ ə tɨmə və ndiʼ ntsìnə̀ shəŋsə layn ə mwetə ashɨ Nyìngòŋ.

Lumans 7:23

ali yen nə̀ la à boŋsə shyèʼ to əsoʼ ə kədyàŋ a mo wen, shyèʼ ali, soynə əsoʼ yi a ghə̀ diʼi a mo ətyɨm. Ghə nè mò, ma diʼ to sə ma diʼ a ngə̀ŋ nfɨŋ a mbyɨ. A diʼ əsoʼ ə mbyɨ na ghèn a ghə̀ shyèʼ a mo wen.

Lumans 7:5

A ə ndiʼ ando vəghəŋ bo tsi a ji yi a njòsə əwenə vəghəŋ sə ə kəŋ fa tsù, Əsoʼ ə tenə vəghəŋ la və nè mbyɨ, ghə̀ vi to nə̀ əpfʉ̀.

1 Kolìntyàns 6:15

Kə lə̀ diʼ la ghə̀ŋ ko kɨ la əwèn ə ghəŋə ə diʼ ə sho əwèn ə Yesò mu? A wu gàʼ la mà zizi mà lyɨ̀ ə sho əwèn ə̀ Yesò ə ne la à ndiʼ sho əwèn ə njèʼtə̀ a? Kə zizi ko kə lu ndiʼ ali!

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

2 Kolìntyàns 10:4

Əfo ghòŋ ə yès ko diʼ ə əfo a shɨtə wìʼ nə̀ kəvu kə, à kù Nyìngòŋ a yès la yès ə nsoynə zhɨ kədyòʼ kəbəŋ kəfenəkə tsu.

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

2 Kolìntyàns 5:15

Yesò ə mpfʉ̀ to a viʼi və tsèm ndiʼ viʼi sə ntsi ko və be ntsi a ji yi a vəwenə kòŋ, ali ntsi to byìʼì Yesò. Kə diʼ alə̀ byìʼì ando Yesò mpfʉ̀ byìʼì vəwenə və bwensə lùsə̀ wen fa pfʉ̀.

2 Kolìntyàns 8:5

Vəwenə tə ku chò no ando yès tə kwoʼtə. Vəwenə tə sə ku mu vəwenə ku li təwen tə vəwenə a Nyìngòŋ a ambì ə sə be zhʉ to fa yès ando Nyìngòŋ kəŋ.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

Kòlòsyàns 3:5

Ghə̀ŋ maʼa nyʉ̀ ə byɨvə no ətsèm. Kə wìʼ ə tsi nə̀ wùwì a kodiʼ wi wen kò nə̀ wulɨm a kodiʼ lɨmə wen. Ghə̀ŋ maʼa ətsìnə̀sə kəfwaʼlə. Kə ghə̀ŋ kiʼi əkwoʼtə a ghə kòŋə̀ ə nè mbyɨ. Ghə̀ŋ maʼa ashɨ bòghə byìʼì ando ashɨ bòghə diʼi la ghə̀ŋ gumlə əfo ə nse, a kodiʼ Nyìngòŋ.

2 Tèsàlonyà 2:12

a ghə̀ soʼ ə byɨbsə vəwenə vi a və tyenə ə byɨmə ntɨm ə jùŋ yì a ghə̀ diʼi nəmwèʼè no və tsèm ə sə kòŋ to nyʉ̀ ə byɨvə.

2 Timotì 2:15

Mwòmsə̀ no nə̀ kədyòʼ kə ə nè la Nyìngòŋ yen la wù dìʼ wù ə shyèʼ yi a ghə̀ ko diʼsə kətʉ ə ne əshwèʼ ə wen, bè ziʼi tò nəmwèʼè yi a ghə̀ diʼi a ntɨm ə jùŋ ə̀ wen.

Jems 4:1

A vì nə̀ ghò vì nə̀ ghoŋə bènə̀ soynə à ghə̀ŋ a ntìntìn a? Gaʼa kò nyʉ̀ avenə chò tò byìʼàndo kəmbàŋbàŋ kə soynə kwòʼtə̀ ə təŋtə nè la ghə̀ŋ ə nyɨŋə fa bàm ə̀fo nse.

1 Bità 2:24

Ghə̀ ə mbyèʼè li mbyɨsə vəghəŋ a wen a wèn, a kəntò. Ghə̀ ə nè alə ndiʼ vəghəŋ ə boŋsə tsi ətsìnə̀sə tɨməsə, ko mbyɨ ə be ə kiʼi to kənyʉ̀ ə ne a vəghəŋ a ntsìnə̀sə. A nè tə chʉtəshi wen la ghə̀ŋ to,

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

1 Joyn 1:9

Vəghəŋ sətsèn ə dì a wèn byìʼì mbyɨsə vəghəŋ, Nyìngòŋ à lyesə ku ə mbyɨsə vəghəŋ ə̀ bè shʉ̀ vəghəŋ, vəghəŋ laynə fa ə mbyɨsə sətsèm, byìʼe ghə̀ dìʼ wù kənyʉ̀ kətɨməkə be diʼ wìʼ ə və nzhəʼtə̀ à wen ə wèn.