Lumans 5:4 - The New Testament in the Babanki language

⁴ Ə wensə ə vi nə̀ kədyòʼ a ntsìnə̀, ntsìnə̀ be ne la vəghəŋ be nki dyʉ̀sə̀ ambì, kɨ nəmwèʼè la vəghəŋ be lù kiʼi kəfo kì a vəghəŋ kəŋ.

Lumans 5:4 Iomraidhean Croise

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Filìbàyns 2:22

No nkàntə̀ ghə̀ŋ ə kɨ əshwèʼ Timotì. Ghə̀ shyèʼè li yo wen ənè la viʼi byɨmə ntɨm ə jùŋ to ndə̀ŋndəŋ ji a wàyn nə̀ shyèʼè à tìʼ wen.

Hibùlù 6:19

Kəfo kì a vəghəŋ ə ki dyʉ̀sə nə̀ kəwenkə nə̀ ne la vəghəŋ ə nti bvɨtə, be tuʼtə, ne la vəghəŋ ə ntinə chò kəbàs kə ndisə kì a kə ghəsə ngə̀ŋ Nyìngòŋ, kwen zàʼa akəshi kə ŋwoʼkə yi a Nyìngòŋ ə diʼ tsu.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.