Lumans 5:2 - The New Testament in the Babanki language

² A ne wen la vəghəŋ nkiʼi ətyɨm ə jùŋə ghə Nyìngòŋ ə byìʼì əbyɨmə ə vəghəŋ. Vəghəŋ ə ti to a kwi ətyɨm ə jùŋə ghə̀ a ghèn be naynə, kɨ nəmwèʼè la Nyìngòŋ ə lu gətə ku vəghəŋ nə̀ əbayn yì a ghə̀ kiʼi.

Lumans 5:2 Iomraidhean Croise

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Joyn 10:7

Yesò ə gàʼ ali ə be mu gàʼ ə kwʉ̀ʼsə la, “Ma gaʼa a ghə̀ŋ to no nəmwèʼè la, ma diʼ əchʉ mbàyn yi a byisə chò fa tsu.

Joyn 10:9

Ma diʼ əchʉ mbàyn, mu no ndò a ghə̀ chò fa tsù, mu ghə̀ lu bwòŋ, ali ghə̀ ne chò kwenə, be chò fʉ to ando ghə̀ kòŋ, be kiʼi ə fozhɨvə ə zhɨ.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Shwèʼ 14:27

Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.

Lumans 11:20

Kə diʼ no nəmwèʼè la və tə ə kwàʼtə̀ maʼa vəwenə, a diʼ byìʼì ando vəwenə kò byɨmə, ə wʉ̀sə ghə̀ŋ, a diʼ byìʼì ando ghə̀ŋ byɨmə, ali ghə̀ŋ ko diʼ ə ghaŋsə əwen. Ghə̀ŋ ə mbòŋsə̀ fwàynə̀ Nyìngòŋ,

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Lumans 14:4

Wù diʼ no ndò ə nsoʼo wù ə shwèʼè ə wù ə kədyàŋ a? A diʼ to tì shyèʼ ə wen ə kɨ la ghə̀ ne a nkàyn mu ghə̀ ko ne a nkayn lo, ali mu ghə̀ zizi ko ghə̀ lu fəŋ byìʼì ando Bobo kiʼi kədyòʼ a tomsə ə wen.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Lumans 3:23

Viʼi və tsèm sə diʼ mù və ne li mbyɨ, ko əbaynə ə Nyìngòŋ ə be diʼ a vəwenə.

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

Lumans 8:24

Nyìngòŋ ə bwoŋsə vəghəŋ, vəghəŋ sə ki dyʉ̀ sə to nə̀ kətsi kì a vəghəŋ lù fʉ̀ mwetə fa ngəʼ sèn. Wìʼ sətsen kiʼi kəfo a kəvu, ko ghə̀ be a ki dyʉ̀ sə nə̀ kəwenkə. A diʼ ndo fa vəghəŋ a ntìntìn a ghə̀ zizi a ghə̀ ə gàʼa la ghə̀ nki dyʉ̀sə nə̀ kəfo kə mu kə sə diʼ a kəvu a?

1 Kolìntyàns 15:1

Ma kəŋ luwen a vəlemə vwomə ə dzɨŋtə ghə̀ŋ nə̀ ntɨm ə jùŋ yì a ma ə nshə̀ʼtə̀ a ghə̀ŋ, ghə̀ŋ zhʉ ə byɨmə ə sə ti to tsu.

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Kolìntyàns 4:17

Ngəʼ shisə a yès ə yənə luwen diʼ to nfam, diʼ to fəshyinə fə zhʉ̀. Ngəʼ a sensə baʼtə̀ yès a jùŋ ə ghoʼo yi a ghə̀ vi, ko ndiʼ la ghə̀ lu mè, mu və zizi ko və lu ə shəʼmə ngəʼ a sensə nə̀ jùŋ ayi.

Efisyàns 2:18

A diʼ cho fa Yesò a vəghəŋ vətsèm, və Jus nə̀ ətɨmə ə kiʼi Kəzhwì kə mùʼ mu və zizi və dyʉ̀ ashɨ ə Bobo, to vətsèm.

Efisyàns 3:12

Əbyɨmə ə vəghəŋ ə̀ tsentə yì a vəghəŋ ə kiʼi vəghəŋ və Klistò ne li la vəghəŋ ə diʼ mù və zizi və sə dyʉ̀ a Nyìngòŋ ko və lu fwàynə̀ tebè kəfo, kɨ nəmwèʼè la ghə̀ a shisə vəghəŋ.

Efisyàns 6:13

Ghə̀ŋ lyɨ̀ əfo əghòŋ Nyìngòŋ ə no tsèm ndiʼ mətsi mə mbyɨ sə vi kwʉʼ ghə̀ŋ temə zhɨ̀ Deblə̀, ndi əghoŋ ne sə mè, ghə̀ŋ mbo nti tò to tò.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.

Kəmwetə 21:11

Ntə̀ʼ na ghèn nə̀ kiʼi əbayn ə ghoʼoghə Nyìngòŋ. Ntə̀ʼ na yi nə̀ baynə baynə boŋ to nə̀ ngùʼ ə nyemə ə tsen və toŋtə la jasɨbà be baynə chò tèbè kənkàʼtə̀.

Kəmwetə 21:23

Ntə̀ʼ na yì ko kəŋ tebè la chwìchwì kò sàŋ nə̀ baynə tsu byìʼì ando əbayn ə Nyìngòŋ nə̀ diʼ tsu, We Njɨ̀ ə be diʼ làm tsu.

Kəmwetə 21:3

Ma be zhʉ ghɨ ə to ə tsen ando ghə̀ fʉ̀ vi fa kəkɨ təfòyn ayi, ghə̀ gàʼ a mò la, “Yen a, Nyìngòŋ ə na ntsi wenə viʼi luwen. Ghə̀ na diʼ wenə vəwenə, vəwenə diʼ viʼi wen. Nyìngòŋ no fa wen a ngeŋ na diʼ wenə vəwenə.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.