Lumans 5:18 - The New Testament in the Babanki language

¹⁸ Wìʼ ə mùʼ ə nè mbyɨ, viʼi vətsèm ə byɨf, kə diʼ to ndə̀ŋndəŋ ando wìʼ ə mùʼ ə nè li kənyʉ̀ kə jùŋkə, Nyìngòŋ ə lyɨ viʼi vətsèm a viʼi kənyʉ̀ kətɨməkə, diʼ lu nè vəwenə ntsi diʼ.

Lumans 5:18 Iomraidhean Croise

Joyn 1:7

la ghə̀ nvi ə ndiʼ nchwò nsòʼ kumə əbayn na ghèn nə̀ ndi viʼi zhʉ̀ nyʉ̀ vyi a ghə̀ gaʼa ə byɨmə.

Joyn 12:32

A ne ndi a zhʉ a ve ne lùsə mo fa nse, mà dzàŋ no viʼi vətsèm, və vi a mò.”

Joyn 3:26

Ndzɨ̀mtə̀sə bàm ə Joyn na shìsə ne dyʉ̀ ə yen ə wen, ə gàʼ a wen la, “Ndìʼsə̀, wù kwòʼtə wìʼ yi a ve wen tə ndiʼ a dzen a mu mə Jodàn, a wù ngaʼa byìʼì wen li a? Ghə̀ sə ku mu a viʼi luwen, ali viʼi vətsèm sə dzɨ̀mtə̀ tò wen luwen.”

Shwèʼ 13:39

Kə be dìʼì la no ndò à ghə̀ lyesə wen, ghə̀ à bwòŋsə̀ wen fà wen a nyʉ̀ byɨvə a soʼ Mosìs nko zì ghə̀ bwoŋsə.

Lumans 3:25

Nyìngòŋ ə nku wen la ghə̀ vi pfʉ ndiʼ mənlyuŋ mə wen ne ghə̀ lyesə ku mbyɨsə viʼi chò fa əbyɨmə ə vəwenə. Na kènkə ndiʼ ə diʼ ji nəmwèʼè ə Nyìngòŋ. Ghə̀ nko ku ngəʼ a viʼi a ambì kumə mbyɨsə vəwenə. Ghə̀ ə wensə achʉʼ a yi,

Lumans 4:25

Nyìngòŋ ə ku wen la və zhwi byìʼì mbyɨsə vəghəŋ ə bwensə lùsə wen fa pfʉ ə ne la vəghəŋ ndiʼ ti a nkàyn ashɨ ə Nyìngòŋ.

Lumans 5:12

Kə diʼ a ji ghèn lə, wù ə mùʼ ə nè mbyɨ, ghə̀ vi nə̀ ə pfʉ ə a mbi. Kə lə diʼi la pfʉ ə nvi li to a viʼi vətsèm byìʼì ando viʼi və tsèm nè li mbyɨ.

Lumans 5:15

Alì nəkwoŋ diʼ. Kəku kə Nyìngòŋ kə cho kənyʉ̀ ki a wìʼ nè ə byɨbsə no nànto a ji la viʼi ə pfʉ, to kədə̀ŋ byìʼì mbyɨ ə wìʼ ə mùʼ, à diʼ mbyɨ Adàm, ali wìʼ ə mùʼ, ə Yesò Klistò ə nè Nyìngòŋ ə diʼ ətyɨm ə jùŋə ghə̀ a viʼi, no və ghoʼo.

Lumans 5:19

Wìʼ ə mùʼ nko zhʉ Nyìngòŋ, kə nè, viʼi vətsèm ə sə diʼ viʼi və byɨvə, wìʼ ə mùʼ ə zhʉ Nyìngòŋ kə nè, ghə̀ sə diʼ lù lyɨ̀ viʼi və ghoʼo və a viʼi kənyʉ̀ kətɨməkə.

Lumans 6:14

Ghə̀ŋ nè alə ndiʼ ko mbyɨ be a ə kiʼ kədyòʼ a ghə̀ŋ kətʉ byìʼì ando Nyìngòŋ sə diʼ mù ghə̀ diʼi li ətyɨm ə jùŋə ghə̀ a ghə̀ŋ, ko ghə̀ŋ ə be tsi tebè a ti əsoʼ.

1 Kolìntyàns 15:22

Kə le diʼ ndə̀ŋndəŋ ando viʼi və tsèm ə pfʉ byìʼì ando Adàm diʼ tìʼ vəwenə, viʼi vətsèm vyi a və byɨmə li a Yesò diʼ lu lù ə ntsi, to ndə̀ŋndəŋ ando ghə̀ nlù ə sə tsi.

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

1 Joyn 2:20

Alì Klistò ku li kəzhwì kəŋwoʼkə à ghə̀ŋ la ghə̀ŋ ə kɨ kənyʉ̀ kə nəmwèʼè.