Lumans 5:15 - The New Testament in the Babanki language

¹⁵ Alì nəkwoŋ diʼ. Kəku kə Nyìngòŋ kə cho kənyʉ̀ ki a wìʼ nè ə byɨbsə no nànto a ji la viʼi ə pfʉ, to kədə̀ŋ byìʼì mbyɨ ə wìʼ ə mùʼ, à diʼ mbyɨ Adàm, ali wìʼ ə mùʼ, ə Yesò Klistò ə nè Nyìngòŋ ə diʼ ətyɨm ə jùŋə ghə̀ a viʼi, no və ghoʼo.

Lumans 5:15 Iomraidhean Croise

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Matìyò 26:28

A dìʼ mənlyuŋ mwomə̀ a mə chiʼtə̀ məkàyn mə Nyìngòŋ a ma shʉ̀ʼ ndi Nyìngòŋ maʼa mbyɨsə viʼi.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Shwèʼ 15:11

Kə ko diʼ a lì byìʼàndo vəghəŋ ə byɨmə la Nyìngòŋ bwoŋsə̀ li vəghəŋ byìʼì boŋə tyɨm ə Bobo Yesò, ndə̀ŋndəŋ ando ghə̀ be bwòŋsə̀ vəwenə tò a lì.”

Lumans 5:12

Kə diʼ a ji ghèn lə, wù ə mùʼ ə nè mbyɨ, ghə̀ vi nə̀ ə pfʉ ə a mbi. Kə lə diʼi la pfʉ ə nvi li to a viʼi vətsèm byìʼì ando viʼi və tsèm nè li mbyɨ.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

2 Kolìntyàns 9:15

Kəzòŋ kə Nyìngòŋ byìʼì Wàyn wen yì a ghə̀ nku a vəghəŋ. A diʼ kəku kə kaynə kə.

Efisyàns 2:8

A diʼ byìʼì ə tyɨm ə jùŋ ghə̀ ə Nyìngòŋ a ghə̀ kiʼi a ghə̀ŋ a ghə̀ ə mbwòŋsə̀ ghə̀ŋ chò fa ghə̀ŋ a əbyɨmə. Ghə̀ŋ nko ne kənyʉ̀ fa ghə̀ŋ a ngeŋsə a kə nè la ghə̀ŋ əbwòŋ. Əbwòŋ ghenə a ghə̀ŋ kiʼi lə diʼ kəku fa Nyìngòŋ. Kə lə diʼi la wìʼ ə zizi ko ghə̀ lu kùm kədyʉ̀ʼ byìʼì kəwenkə.

Hibùlù 2:9

Alì vəghəŋ ə yenə Yesò yì a Nyìngòŋ ə nè to fəshyinə alə̀, ghə̀ kaʼkə a wìʼ ko ghə̀ be ə ngaŋtə kwʉʼʉ tèbe a ətsɨŋsə wen. Ghə̀ nè ali ndi ghə̀ diʼ ətyɨm ə jùŋə ghə̀ a viʼi, ə nè ghə̀ pfʉ ə bwoŋsə̀ vəwenə və tsèm. A ndiʼ byìʼì ngəʼ yì a ghə̀ nyenə nə̀ əpfʉ̀ ə wenə na ghenə a ghə̀ ne la Nyìngòŋ ə ku əbayn ə ghoʼo ghə̀ a wen be ne la no tèbe ghò ə ngumlə̀ wen.

1 Joyn 2:2

Ghə̀ dìʼ jì a Nyìngòŋ ə̀ ncho fa tsu ə̀ lyesə ku mbyɨsə vəghəŋ. Ghə̀ ə ko lyesə ku tò mbyɨsə vəghəŋ, alì ghə̀ lyesə ku mbyɨsə viʼi mbyi no vətsèm.

1 Joyn 5:11

Kənyʉ̀ akènkə a Nyìngòŋ ə gàʼà dìʼ la, ghə̀ ku li əbwòŋ à vəghəŋ a ghə̀ ko lu mè, əbwòŋ aghenə diʼ chò fa à wàyn wen.