Bìoball air-loidhne

Lumans 5:1 - The New Testament in the Babanki language

¹ Ando Nyìngòŋ ə nlyɨ̀ li vəghəŋ a nə̀ viʼi və tɨməvə byìʼì əbyɨmə ə vəghəŋ, vəghəŋ və Nyìngòŋ sə tsi to no nə̀ mbwaʼmə luwen a ti kədyòʼ yi a Bobo vəghəŋ Yesò Klistò ə ku.

Faic an caibideil Dèan lethbhreac

dol air ais ⬆

Lumans 5:1
53 Iomraidhean Croise

Ŋwàʼlə̀ Luk 19:38

La, “Mbwaʼmə à fòyn yi a ghə̀ vì a zhìʼ Bobo. Mbwaʼmə ndiʼ a kàŋ. Nyìngòŋ nkiʼ kuʼsə ghoʼghə a kəshi yì a kə ŋaŋtə̀li nkwʉʼ!”

Faic an caibideil

Ŋwàʼlə̀ Luk 19:42

ə gàʼ la, “Ndò ku la mo ghə̀ŋ, viʼi Jelusalèm kɨli kənyʉ̀ kyì a kə vì nə̀ mbwaʼmə layn a, luwen ghə̀ŋ zì kò ghə̀ŋ lə yen!

Faic an caibideil

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Faic an caibideil

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Faic an caibideil

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Faic an caibideil

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Faic an caibideil

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Faic an caibideil

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Faic an caibideil

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

Faic an caibideil

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

Faic an caibideil

Lumans 10:10

Kə diʼ alə̀ byìʼì ando wìʼ ə byɨmə a wen tyɨm, Nyìngòŋ ə lyɨ̀ wen a wù kənyʉ̀ kətɨməkə, ghə̀ gàʼa nə̀ əchʉ̀ ə wenə la Yesò diʼ Bobo, ghə̀ a bwòŋ.

Faic an caibideil

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Faic an caibideil

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Faic an caibideil

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Faic an caibideil

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

Faic an caibideil

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Faic an caibideil

Lumans 3:30

Ghə̀ diʼ to əmùʼ, a lyɨ wen lyɨ wìʼ a wù nəmwèʼè kò à diʼ wù ə Jus, kò à diʼ wù kətɨm. Ghə̀ ne ali chò fa a əbyɨmə yi a viʼi ə kiʼi a Yesò.

Faic an caibideil

Lumans 4:5

A ne Nyìngòŋ la viʼi və byɨvə ndiʼ viʼi kənyʉ̀ kətɨməkə. Nyìngòŋ nə̀ dyʉ̀ a wìʼ yi a ghə̀ faŋ kò ghə̀ lə ne shyèʼ ali mu ghə̀ byɨmə li kənyʉ̀ ki a ghə̀ ne a wen, ghə̀ lyɨ̀ wen a wù tɨmə byìʼì əbyɨmə ə wen.

Faic an caibideil

Lumans 5:11

Ə kwʉ̀ʼsə, vəghəŋ ə boŋ saŋlə kumə wìʼ yi a Nyìngòŋ ə diʼ wen, mu à nè Bobo vəghəŋ Yesò Klistò la vəghəŋ kaʼkə ndiʼ ndoŋsə Nyìngòŋ.

Faic an caibideil

Lumans 5:18

Wìʼ ə mùʼ ə nè mbyɨ, viʼi vətsèm ə byɨf, kə diʼ to ndə̀ŋndəŋ ando wìʼ ə mùʼ ə nè li kənyʉ̀ kə jùŋkə, Nyìngòŋ ə lyɨ viʼi vətsèm a viʼi kənyʉ̀ kətɨməkə, diʼ lu nè vəwenə ntsi diʼ.

Faic an caibideil

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Faic an caibideil

Lumans 9:30

Vəghəŋ zizi və gàʼ la ghò? Vəghəŋ zizi və gàʼ la no tèbe ando viʼi ətɨm ə tə sə tsi ko və lu kəŋ jì ə ndiʼ viʼi kənyʉ̀ kətɨməkə a shɨ Nyìngòŋ, vəwenə sə boŋsə diʼ luwen byìʼì əbyɨmə ə vəwenə,

Faic an caibideil

Gàlesìyà 2:16

alì kɨ la və ko ghʉ tebè to la wìʼ diʼ nti a nkayn byìʼì ando ghə̀ ghʉ Əsoʼ viʼi Jus. Wìʼ diʼ nti a nkàyn azhʉ̀ a ghə̀ byɨmə a Yesò Klistò. Vəghəŋ ə sə diʼ mù vəghəŋ be byɨmə a Yesò Klistò ndiʼ vəghəŋ ə ndiʼ a ji tɨmə ashɨ Nyìngòŋ. Əsoʼ ə zizi ko ghə̀ lù ne la wìʼ ə nti a nkàyn ashɨ Nyìngòŋ.

Faic an caibideil

Gàlesìyà 3:25

Luwen ando vəghəŋ sə kiʼ əbyɨmə lə̀, Əsoʼ ə kə be tùʼmə̀ nə̀ vəghəŋ.

Faic an caibideil

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Faic an caibideil

Efisyàns 2:7

Nyìngòŋ ne alə ndiʼ lu diʼ tùʼmə̀ ə kaynəghə wen a ghə̀ ə ko kiʼi ə shəʼmə, nə̀ kòŋ wen a vəghəŋ chò fa Yesò Klistò no tʉʼ ko a ghə̀ lu vì.

Faic an caibideil

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

Faic an caibideil

Kòlòsyàns 1:20

Nyìngòŋ ə bwensə li ə vìsə̀ nə̀ əfo tsèm a kaŋ nə̀ a nse a wenə wen la wenə vəwenə ndiʼi a kənyʉ̀ kə muʼ əcho fa Wàyn wen byìʼì mənlyuŋ mì a ghə̀ nshiʼsə a kəntò. Luwen əfo venə no ətsèm ə sə diʼ nə̀ mbwaʼmə wenə və Nyìngòŋ.

Faic an caibideil

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

Faic an caibideil

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

Faic an caibideil

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

Faic an caibideil

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Faic an caibideil

Lean sinn:

Ceanglaichean taic

Sanasan

Sanasan